Levitico 17:6

Ang Biblia 2011

Ug ang pari magsablig sa dugo ibabaw sa halaran sa Ginoo nga anaa sa pultahan sa tolda nga tagboanan ug sunogon ang tambok ingon nga usa ka kahumot alang sa Ginoo.

Cross References

Exodo 29:13

Kuhaa ang tanang tambok nga nagputos sa mga tinai, ang habolhabol sa atay, ang duha ka amimislon ug ang tambok nga anaa niini, ug sunoga kini sa ibabaw sa halaran.

Exodo 29:18

Ug sunoga ang tibuok nga laking karnero ibabaw sa halaran. Mao kini ang halad nga sunogon alang sa Ginoo. Kini maoy usa ka kahumot, ang halad ngadto sa Ginoo pinaagi sa kalayo.

Ezequiel 44:15

“Apan ang mga pari nga mga Levihanon nga kaliwat ni Zadok, nga nagtuman sa sugo sa akong balaang dapit sa diha nga nahisalaag ang mga anak sa Israel gikan kanako, moduol kanako sa pag-alagad kanako. Sila mag-alagad sa akong atubangan sa paghalad alang kanako sa tambok ug dugo, nag-ingon ang Ginoong Dios.

Levitico 17:5

Kini aron nga ang katawhan sa Israel magdala sa ilang mga halad nga inihaw nga ilang gipatay didto sa kapatagan, ug magdala niini ngadto sa Ginoo, ngadto sa pari diha sa pultahan sa tolda nga tagboanan, ug patyon kini nila ingon nga inihaw nga mga halad sa pakigdait alang sa Ginoo.

Levitico 3:11

Ug ang pari magsunog niini ibabaw sa halaran ingon nga pagkaon nga gihalad pinaagi sa kalayo ngadto sa Ginoo.

Levitico 3:13

Ibutang niya ang iyang kamot sa ibabaw sa ulo niini ug patyon niya kini sa atubangan sa tolda nga tagboanan ug ang mga anak ni Aaron magsablig sa dugo niini libot sa halaran.

Levitico 3:16

Ug ang pari magsunog niini sa ibabaw sa halaran ingon nga pagkaon nga gihalad pinaagi sa kalayo ingon nga kahumot alang sa Ginoo. Ang tanan nga tambok iya sa Ginoo.

Levitico 3:2

Ibutang niya ang iyang kamot sa ibabaw sa ulo sa iyang halad, ug patyon niya kini didto sa pultahan sa tolda nga tagboanan ug ang mga pari, ang mga anak ni Aaron, magsablig sa dugo niini libot sa halaran.

Levitico 3:5

Unya ang mga anak ni Aaron magsunog niini ibabaw sa halaran uban sa halad nga gisunog ibabaw sa sugnod nga anaa sa ibabaw sa kalayo. Kini usa ka halad pinaagi sa kalayo, usa ka kahumot alang sa Ginoo.

Levitico 3:8

Ug ibutang niya ang iyang kamot ibabaw sa ulo sa iyang halad ug kini iyang patyon sa atubangan sa Tolda nga Tagboanan ug ang mga anak ni Aaron magsablig sa dugo niini libot sa halaran.

Levitico 4:31

Ug iyang kuhaon gikan niini ang tanang tambok sama sa pagkuha sa tambok sa inihaw nga halad sa pakigdait, ug ang pari magsunog niini sa ibabaw sa halaran ingon nga usa ka kahumot alang sa Ginoo, ug ang pari maghimo ug pagtabon sa sala alang sa maong tawo ug pasayloon siya.

Numeros 18:17

Apan ang kamagulangan sa baka o ang kamagulangan sa karnero o ang kamagulangan sa kanding, dili nimo lukaton, balaan kini. Isablig ang dugo niini sa ibabaw sa halaran ug sunoga ang tambok niini ingon nga halad pinaagi sa kalayo, ingon nga usa ka kahumot alang sa Ginoo.