Levitico 17:5

Ang Biblia 2011

Kini aron nga ang katawhan sa Israel magdala sa ilang mga halad nga inihaw nga ilang gipatay didto sa kapatagan, ug magdala niini ngadto sa Ginoo, ngadto sa pari diha sa pultahan sa tolda nga tagboanan, ug patyon kini nila ingon nga inihaw nga mga halad sa pakigdait alang sa Ginoo.

Cross References

Genesis 21:33

Ug si Abraham nagtanom ug usa ka kahoy nga tamarisko didto sa Beer-seba ug didto mitawag siya sa ngalan sa Ginoo nga walay kataposan nga Dios.

Genesis 22:13

Unya giyahat ni Abraham ang iyang mga mata ug siya mitan-aw, ug iyang nakita nga sa iyang likod dihay usa ka laking karnero nga ang mga sungay nasangit sa kasampinitan. Ug miadto si Abraham ug gikuha niya ang karnero nga laki ug kini iyang gihalad ingon nga halad nga sunogon puli sa iyang anak.

Genesis 22:2

Ug siya miingon, “Kuhaa karon ang imong anak, ang bugtong nimong anak nga si Isaac nga imong pinalangga, ug lakaw ngadto sa yuta sa Moria ug didto ihalad siya ingon nga halad nga sunogon didto sa usa sa mga bukid nga akong isulti kanimo.”

Genesis 31:54

Unya si Jacob naghimo ug halad didto sa bukid ug gitawag niya ang iyang mga kadugo aron sa pagkaon ug pan ug nangaon sila ug pan, ug nagpabilin sila niadtong gabhiona didto sa bukid.

1 Mga Hari 14:23

Kay sila usab nagtukod ug mga habog nga dapit ug mga haligi ug mga Asera sa matag habog nga bungtod ug sa ilalom sa matag lunhaw nga kahoy.

1 Mga Hari 3:2

Apan ang katawhan naghalad pa gihapon didto sa habog nga mga dapit, kay walay balay nga gibuhat alang sa ngalan sa Ginoo hangtod niadtong mga adlawa.

1 Mga Hari 3:3

Si Solomon nahigugma sa Ginoo, naglakaw sumala sa lagda ni David nga iyang amahan, apan siya naghalad ug nagsunog ug mga insenso didto sa habog nga mga dapit.

2 Mga Hari 16:4

Ug siya naghalad ug nagsunog sa insenso didto sa habog nga mga dapit ug sa ibabaw sa mga bungtod ug sa ilalom sa matag lunhaw nga kahoy.

2 Mga Hari 17:10

Alang sa ilang kaugalingon nagpatindog sila ug mga haligi nga bato ug mga Asera sa ibabaw sa matag habog nga bungtod ug ilalom sa matag lunhaw nga kahoy.

2 Cronicas 28:4

Ug siya naghalad ug nagsunog ug insenso didto sa habog nga mga dapit ug ibabaw sa kabungtoran, ug sa ilalom sa tanang lunhaw nga kahoy.

Exodo 24:5

Ug nagpadala siya ug mga batan-ong lalaki sa katawhan sa Israel nga naghalad ug mga halad nga sunogon ug naghalad sila ug mga halad sa pakigdait nga mga baka ngadto sa Ginoo.

Ezequiel 20:28

Kay sa diha nga gidala nako sila ngadto sa yuta nga akong gipanumpa nga ihatag kanila, sa diha nga sila nakakita ug habog nga bungtod o kahoy nga labong ug dahon, sila naghimo didto sa ilang mga paghalad, ug didto nagdulot sa ilang halad nga mahagiton. Didto gipautbo usab nila ang ilang humot nga halad ug didto gibubo ang ilang mga halad nga ilimnon.

Ezequiel 22:9

Adunay mga tawo diha kanimo nga nagbutangbutang aron sa pagpaagas ug dugo, ug may mga tawo diha kanimo nga nagkaon ibabaw sa kabukiran. Ang mga tawo nagbuhat ug law-ay diha sa imong taliwala.

Ezequiel 43:27

Ug sa diha nga matapos na nila kining mga adlawa, sugod sa ikawalo nga adlaw ug sa umaabot pa, ang mga pari maghimo sa inyong mga halad nga sunogon diha sa halaran ug sa inyong mga halad sa pakigdait, ug ako magdawat kaninyo, nag-ingon ang Ginoong Dios.”

Ezequiel 44:15

“Apan ang mga pari nga mga Levihanon nga kaliwat ni Zadok, nga nagtuman sa sugo sa akong balaang dapit sa diha nga nahisalaag ang mga anak sa Israel gikan kanako, moduol kanako sa pag-alagad kanako. Sila mag-alagad sa akong atubangan sa paghalad alang kanako sa tambok ug dugo, nag-ingon ang Ginoong Dios.

Levitico 17:4

ug wala niya kini dad-a ngadto sa pultahan sa tolda nga tagboanan aron sa paghalad niini ingon nga halad alang sa Ginoo sa atubangan sa puluy-anan sa Ginoo, ang maong tawo sad-an tungod sa dugo. Nag-ula siya ug dugo ug kadtong tawhana ipahimulag gikan sa taliwala sa iyang katawhan.

Levitico 17:6

Ug ang pari magsablig sa dugo ibabaw sa halaran sa Ginoo nga anaa sa pultahan sa tolda nga tagboanan ug sunogon ang tambok ingon nga usa ka kahumot alang sa Ginoo.

Deuteronomio 12:2

Gun-oba gayod ninyo ang tanang mga dapit diin ang mga nasod nga inyong ilogan nag-alagad sa ilang mga dios, sa ibabaw sa habog nga kabukiran, ug sa ibabaw sa kabungtoran, ug sa ilalom sa tanang kahoy nga lunhaw.