Levitico 17:15

Ang Biblia 2011

Si bisan kinsang tawhana nga mokaon niadtong namatay sa iyang kaugalingon o gikuniskunis sa bangis nga mananap, lumad o dumuduong, manglaba siya sa iyang mga bisti ug maligo siya sa iyang kaugalingon sa tubig ug hugaw siya hangtod sa pagkakilomkilom, unya mahinlo siya.

Cross References

Exodo 22:30

Buhata usab ninyo kini sa inyong mga baka ug sa inyong mga karnero. Pito ka adlaw nga magpabilin ang kamagulangan diha sa iyang inahan ug sa ikawalo nga adlaw, ihatag kini kanako.

Exodo 22:31

“Kamo mahimong mga tawo nga balaan alang kanako busa ayaw kamo pangaon ug unod nga gikuniskunis sa mga mananap nga ihalas sa kapatagan, ilabay ninyo kini ngadto sa mga iro.

Ezequiel 4:14

Unya miingon ako, “Ah Ginoong Dios! Tan-awa, wala pa gayod nako mahugawi ang akong kaugalingon, kay gikan sa akong pagkabatan-on hangtod karon wala ako makakaon nianang namatay sa iyang kaugalingon o sa gikuniskunis sa mga mananap o may misulod sa akong baba nga hugaw nga unod.”

Ezequiel 44:31

Ang mga pari dili magkaon sa bisan unsang butang, langgam man o hayop nga namatay sa iyang kaugalingon o gikuniskunis.

Levitico 11:24

“Pinaagi niining mga butanga ikaw mahimong hugaw. Ang makahikap sa mga patayng lawas niini, hugaw hangtod sa pagkakilomkilom.

Levitico 11:25

Ug si bisan kinsa nga magdala ug bahin sa patayng lawas niini, kinahanglang manglaba sa iyang mga bisti ug hugaw siya hangtod sa pagkakilomkilom.

Levitico 11:27

Sa mga mananap nga naglakaw pinaagi sa upat ka tiil, ang mga mananap nga naglakaw pinaagi sa lapalapa hugaw alang kaninyo. Ang makahikap sa patayng lawas niini, hugaw hangtod sa pagkakilomkilom.

Levitico 11:28

Ang magdala ug patayng lawas niini, kinahanglang manglaba sa iyang mga bisti, ug magpabilin siyang hugaw hangtod sa hapon. Kini hugaw alang kaninyo.

Levitico 11:31

Kini hugaw alang kaninyo taliwala sa tanang mga mananap nga nagkamang sa yuta. Si bisan kinsa nga makahikap niini kon kini patay, hugaw siya hangtod sa pagkakilomkilom.

Levitico 11:32

Ug bisan unsa nga mahulogan sa usa niini sa dihang patay na kini mahugaw ang maong butang, sudlanan man nga kahoy o bisti o panit o sako o bisan unsa nga sudlanan nga gamiton sa bisan unsang tuyo. Ihumol kini sa tubig ug hugaw kini hangtod sa pagkakilomkilom, unya mahinlo na kini.

Levitico 11:39

“Kon ang bisan unsang mananap nga mahimo ninyong kaonon mamatay, ang makahikap sa patayng lawas niini hugaw hangtod sa pagkakilomkilom.

Levitico 11:40

Ug ang magkaon sa patayng lawas niini, kinahanglan nga manglaba sa iyang mga bisti ug hugaw siya hangtod sa pagkakilomkilom. Ang magpas-an usab sa patayng lawas niini, kinahanglang manglaba sa iyang mga bisti ug hugaw siya hangtod sa pagkakilomkilom.

Levitico 15:10

Ug bisan kinsa nga makahikap sa bisan unsang butang nga didto sa ilalom niya, hugaw siya hangtod sa pagkakilomkilom, ug ang makadala niining mga butanga kinahanglang manglaba sa iyang mga bisti ug maligo siya sa tubig, ug hugaw siya hangtod sa pagkakilomkilom.

Levitico 15:21

Ug si bisan kinsa nga makahikap sa higdaanan sa babaye kinahanglang manglaba sa iyang mga bisti ug maligo sa tubig ug hugaw siya hangtod sa pagkakilomkilom.

Levitico 15:5

Ug si bisan kinsa nga makahikap sa iyang higdaanan, kinahanglang manglaba sa iyang mga bisti ug maligo sa tubig ug hugaw siya hangtod sa pagkakilomkilom.

Levitico 22:8

Kadtong mamatay sa iyang kaugalingon o gikuniskunis sa bangis nga mananap dili niya kaonon kay kini makahugaw sa iyang kaugalingon. Ako mao ang Ginoo.’

Levitico 7:24

Ang tambok sa mananap nga namatay ra ug iya ug ang tambok sa mananap nga gipatay ug mananap mahimong igahin alang sa bisan unsa nga laing paggamit, apan dili gayod ninyo kini kaonon.

Numeros 19:19

Ug ang tawo nga hinlo magwisik ngadto sa nahugaw sa ikatulo ug sa ikapito nga adlaw, ug sa ikapito nga adlaw hinloan niya siya ug manglaba siya sa iyang mga bisti ug maligo sa tubig ug mahinlo sa pagkakilomkilom.

Numeros 19:21

Ug kini usa ka lagda hangtod sa kahangtoran alang kanila. Ang magwisik sa tubig sa paghinlo manglaba sa iyang mga bisti ug ang makahikap sa tubig sa paghinlo mahugaw hangtod pagkakilomkilom.

Numeros 19:8

Ug siya nga nagsunog niini manglaba sa iyang mga bisti sa tubig ug hugasan niya sa tubig ang iyang lawas ug mahugaw siya hangtod sa pagkakilomkilom.

Deuteronomio 14:21

“Ayaw kamo pagkaon sa bisan unsa nga mamatay sa iyang kaugalingon. Mahimo nga inyo kining ihatag sa langyaw nga anaa sa inyong mga lungsod aron iya kining makaon o mahimong ibaligya ninyo kini sa langyaw kay kamo mga balaan man nga katawhan ngadto sa Ginoo nga inyong Dios. “Ayaw lutoa ang nating kanding diha sa gatas sa iyang inahan.

Gipadayag 7:14

Ako miingon kaniya, “Akong Ginoo, nasayod ikaw.” Ug siya miingon kanako, “Mao kini sila ang mga nakalabang sa dagkong kasakitan, ang ilang mga tag-as nga bisti gilabhan nila ug gipaputi diha sa dugo sa Nating Karnero.