Levitico 17:10

Ang Biblia 2011

“Si bisan kinsang tawhana sa banay sa Israel o sa mga dumuduong nga nagpuyo sa taliwala nila nga magkaon sa bisan unsa nga dugo, akong ipaatubang ang akong nawong batok nianang tawhana nga magkaon ug dugo ug ipahimulag nako siya gikan sa iyang katawhan.

Cross References

Genesis 9:4

Apan lamang, ayaw ninyo kaona ang unod uban ang kinabuhi niini, nga mao ang dugo.

2 Samuel 23:17

ug siya miingon, “Ipalayo unta kanako, O Ginoo, nga kini akong buhaton. Imnon ba nako ang dugo sa mga tawo nga miadto ingon nga nagtahan sa ilang mga kinabuhi?” Busa wala siya moinom niini. Kining mga butanga gihimo sa tulo ka gamhanang mga tawo.

Salmo 34:16

Ang nawong sa Ginoo batok sa mga tigbuhat ug daotan, aron sa pagputol sa handomanan nila gikan sa yuta.

Exodo 30:33

Si bisan kinsa nga magsagol ug sama niini ug magbutang niini sa usa ka langyaw, ipahimulag siya gikan sa iyang katawhan.’ ”

Jeremias 21:10

Kay nakahukom ako batok niining siyudad alang sa kadaotan ug dili alang sa kaayohan, nag-ingon ang Ginoo: ihatag kini ngadto sa kamot sa hari sa Babilonia ug iya kining sunogon sa kalayo.’

Jeremias 44:11

“Busa mao kini ang giingon sa Ginoo sa mga panon, ang Dios sa Israel: Tan-awa, ipaatubang nako ang akong nawong batok kaninyo alang sa kadaotan, aron sa paglaglag sa tibuok nga Juda.

Ezequiel 14:8

Ug ipaatubang nako ang akong nawong batok nianang tawhana, ug buhaton nako siya nga usa ka ilhanan ug usa ka sanglitanan ug ipahimulag nako siya gikan sa taliwala sa akong katawhan, ug kamo makaila nga ako mao ang Ginoo.

Ezequiel 15:7

Ug akong ipaatubang ang akong nawong batok kanila. Bisan ug makalingkawas sila gikan sa kalayo, ang kalayo maghurot gihapon kanila, ug kamo makaila nga ako mao ang Ginoo, sa diha nga ipaatubang nako ang akong nawong batok kanila.

Ezequiel 33:25

Busa sultihi sila, Mao kini ang giingon sa Ginoong Dios: Kamo nangaon ug unod uban sa dugo ug miyahat sa inyong mga mata ngadto sa inyong mga diosdios ug nagpaagas ug dugo; manag-iya ba diay kamo sa yuta?

Ezequiel 44:7

ang pagpasulod ninyo sa mga dumuduong, nga dili tinuli sa kasingkasing ug sa unod, aron makasulod sa akong balaang dapit sa pagpasipala niini, sa akong Templo, sa diha nga gihalad ninyo ang akong pan, ang tambok ug dugo. Inyong gilapas ang akong kasabotan, pinaagi sa tanan ninyong mga dulumtanan.

Levitico 17:11

Kay ang kinabuhi sa unod anaa sa dugo, ug ako naghatag kaninyo niana aron sa pagtabon sa sala sa inyong mga kalag diha sa ibabaw sa halaran, kay ang dugo mao ang naghimo sa pagtabon sa sala tungod sa kinabuhi.

Levitico 19:26

“Ayaw kamo pagkaon ug bisan unsa nga unod uban ang dugo niini. Ayaw paghupot ug anting-anting o pagtagnatagna.

Levitico 26:17

Ipaatubang nako ang akong nawong batok kaninyo ug pukanon kamo sa inyong mga kaaway ug ang mga nagdumot kaninyo magmando ibabaw kaninyo ug mangagiw kamo bisan walay maggukod kaninyo.

Levitico 3:17

Kini usa ka tulumanon nga dayon alang sa inyong mga kaliwatan, sa tanan ninyong mga puluy-anan, aron dili kamo magkaon ug tambok o dugo.”

Amos 9:4

Ug bisan pa ug moadto sila sa pagkabihag sa atubangan sa ilang mga kaaway, didto sugoon nako ang espada ug kini mopatay kanila; ug itutok nako kanila ang akong mga mata alang sa kadaotan ug dili alang sa kaayohan.”

Mga Buhat 15:20

apan magsulat ngadto kanila sa paglikay gikan sa kahugawan sa mga diosdios ug sa salawayong pakighilawas ug sa mananap nga tinuok ug sa dugo.

Mga Buhat 15:29

ang paglikay sa gihalad ngadto sa mga diosdios ug sa dugo, ug gikan sa mga mananap nga tinuok ug sa salawayong pakighilawas. Kon kamo maglikay gikan niining mga butanga, magbuhat kamo ug maayo. Adios.”

Deuteronomio 12:16

Apan ayaw ninyo kaona ang dugo, iyabo ninyo kini sa yuta sama sa tubig.

Deuteronomio 12:23

Siguroa lamang nga dili ninyo kaonon ang dugo kay ang dugo mao ang kinabuhi ug ayaw ninyo kaona ang kinabuhi uban sa iyang unod.

Deuteronomio 15:23

Lamang, ayaw kaona ang dugo niini; iyabo kini sa yuta sama sa tubig.

Mga Hebreo 10:29

Sa inyong paghunahuna, unsa pa kaha ka bug-at sa silot nga mahiagoman sa tawo nga miyatak sa Anak sa Dios, ug nagpakawalay bili sa dugo sa kasabotan nga pinaagi niini siya gibalaan, ug nanamastamas sa Espiritu sa grasya?

1 Samuel 14:32

Ang katawhan nag-ilog sa mga butang nga gipamilin sa kaaway, nanguha sila ug karnero, baka ug mga nati nga baka, ug gipang-ihaw nila sa yuta ug ang katawhan nangaon niini uban ang dugo.

1 Samuel 14:33

Unya ilang gisultihan si Saul nga nag-ingon, “Tan-awa, ang katawhan nakasala batok sa Ginoo, kay nangaon sila lakip ang dugo.” Ug siya miingon, “Kamo nagbuhat sa mabudhion gayod. Paligiri ako ug usa ka dakong bato niining adlawa.”