Levitico 16:7

Ang Biblia 2011

Unya kuhaon niya ang duha ka kanding ug ipahimutang niya kini sa atubangan sa Ginoo diha sa pultahan sa tolda nga tagboanan.

Cross References

Levitico 1:3

“Kon ang iyang halad usa ka halad nga sunogon nga gikan sa mga baka, ihalad niya ang usa ka laki nga walay tatsa, ihalad niya kini didto sa pultahan sa tolda nga tagboanan aron siya dawaton sa atubangan sa Ginoo.

Levitico 16:6

“Ihalad ni Aaron ang torong baka ingon nga halad tungod sa sala alang sa iyang kaugalingon ug maghimo siya sa pagtabon sa sala alang sa iyang kaugalingon ug alang sa iyang panimalay.

Levitico 16:8

Ug ripahon ni Aaron ang duha ka kanding, ang usa alang sa Ginoo ug ang usa usab alang sa Asasel.

Levitico 4:4

Dad-on niya ang torong baka ngadto sa pultahan sa tolda nga tagboanan sa atubangan sa Ginoo, ug ibutang niya ang iyang kamot sa ibabaw sa ulo sa torong baka, ug patyon niya kini sa atubangan sa Ginoo.

Mateo 16:21

Sukad niadtong panahona si Jesus misugod sa pagpahayag ngadto sa iyang mga tinun-an nga kinahanglang moadto siya sa Jerusalem ug mag-antos sa daghang mga pagsakit gikan sa mga kadagkoan ug sa mga pangulong pari ug sa mga eskriba ug nga patyon siya ug sa ikatulong adlaw banhawon.

Roma 12:1

Busa naghangyo ako kaninyo mga igsoon, pinaagi sa mga kaluoy sa Dios, sa pagtugyan sa inyong mga lawas isip halad nga buhi, balaan ug makapahimuot sa Dios nga mao ang inyong espirituhanon nga pagsimba.