Levitico 16:6

Ang Biblia 2011

“Ihalad ni Aaron ang torong baka ingon nga halad tungod sa sala alang sa iyang kaugalingon ug maghimo siya sa pagtabon sa sala alang sa iyang kaugalingon ug alang sa iyang panimalay.

Cross References

Job 1:5

Ug sa molabay na ang mga adlaw sa ilang mga pagsaulog, si Job magpaadto ug magbalaan kanila, ug mosayo siya pagmata inigkabuntag ug maghalad ug mga halad nga sunogon, sumala sa gidaghanon nilang tanan kay miingon si Job, “Tingali ug nakasala ang akong mga anak, ug nagpasipala sa Dios diha sa ilang mga kasingkasing.” Mao kini ang himoon ni Job sa kanunay.

Ezequiel 43:19

ihatag nimo ngadto sa mga pari nga mga Levihanon nga gikan sa kaliwat ni Zadok, nga maoy moduol kanako, aron sa pag-alagad kanako, nag-ingon ang Ginoong Dios, ang usa ka batan-on nga torong baka alang sa halad tungod sa sala.

Ezequiel 43:27

Ug sa diha nga matapos na nila kining mga adlawa, sugod sa ikawalo nga adlaw ug sa umaabot pa, ang mga pari maghimo sa inyong mga halad nga sunogon diha sa halaran ug sa inyong mga halad sa pakigdait, ug ako magdawat kaninyo, nag-ingon ang Ginoong Dios.”

Levitico 16:3

Ingon niini ang pagsulod ni Aaron sa dapit nga labing balaan: dala ang usa ka nating baka nga laki alang sa halad tungod sa sala ug usa ka laking karnero alang sa halad nga sunogon.

Levitico 16:7

Unya kuhaon niya ang duha ka kanding ug ipahimutang niya kini sa atubangan sa Ginoo diha sa pultahan sa tolda nga tagboanan.

Levitico 9:7

Unya miingon si Moises kang Aaron, “Duol sa halaran ug ihalad ang imong halad tungod sa sala ug ang imong halad nga sunogon ug himoa ang pagtabon sa sala alang sa imong kaugalingon ug alang sa katawhan ug dad-a usab ang halad sa katawhan, ug himoa ang pagtabon sa sala alang kanila sumala sa gisugo sa Ginoo.”

Mga Hebreo 7:27

Lahi sa uban nga mga labawng pangulong pari, siya wala magkinahanglan sa adlaw-adlaw nga paghimo ug mga paghalad, una alang sa iyang kaugalingong mga sala ug unya alang sa mga sala sa katawhan. Kini gihimo niya sa makausa lamang alang sa tanang panahon sa paghalad niya sa iyang kaugalingon.

Mga Hebreo 9:12

siya sa makausa ug sa wala nay pagsubli misulod sa Balaang Dapit, nga nagdala dili sa dugo sa mga kanding ug sa mga nating baka kondili sa iyang kaugalingong dugo ug sa ingon niana nahimo niya ang pagtubos nga dayon.

Mga Hebreo 9:7

Apan ngadto sa ikaduhang bahin ang labawng pangulong pari mao lamang ang makasulod, ug kini makausa sa usa ka tuig. Siya magdala ug dugo nga iyang ihalad alang sa iyang kaugalingon ug sa mga sala sa katawhan nga wala tuyoa.