Levitico 16:4

Ang Biblia 2011

Magsul-ob siya sa balaang bisti nga lino ug karsunsilyo nga lino ug magbakos siya ug bakos nga lino ug magsul-ob siya ug purong nga lino. Kini mao ang balaan nga mga bisti. Ligoon niya ug tubig ang tibuok niyang lawas ug isul-ob ang mga bisti.

Cross References

Exodo 28:2

Kinahanglan nga magbuhat ikaw ug mga bisti nga balaan alang kang Aaron nga imong igsoon, alang sa himaya ug alang sa katahom.

Exodo 29:4

Dad-a si Aaron ug ang iyang mga anak nga lalaki ngadto sa pultahan sa tolda nga tagboanan ug hugasi sila sa tubig.

Exodo 30:20

Sa diha nga mosulod sila sa tolda nga tagboanan o sa diha nga moduol sila sa halaran aron sa pag-alagad, sa pagsunog ug usa ka halad alang sa Ginoo pinaagi sa kalayo, kinahanglan nga manghugas gayod sila aron dili sila mangamatay.

Exodo 40:12

Ug dad-a si Aaron ug ang iyang mga anak nga lalaki ngadto sa pultahan sa tolda nga tagboanan, ug hugasi sila ug tubig.

Isaias 53:2

Kay siya mitubo sa iyang atubangan sama sa usa ka linghod nga tanom, ug sama sa gamot sa uga nga yuta; siya walay panagway o kaanyag nga kita motan-aw kaniya, ug walay katahom nga kita magtinguha kaniya.

Ezequiel 44:19

Ug sa diha nga sila mogula ngadto sa gawas nga hawanan, ngadto sa katawhan, hukason nila ang ilang bisti nga maoy gisul-ob nila sa ilang pag-alagad, ug hiposon kini didto sa mga balaang lawak, ug isul-ob nila ang laing mga bisti aron sila dili makatakod sa pagkabalaan ngadto sa katawhan pinaagi sa ilang mga bisti.

Ezequiel 9:2

Ug dihay unom ka tawo nga nanggula gikan sa ibabaw nga ganghaan nga nag-atubang sa amihanan, ang matag usa nga may hinagiban diha sa iyang kamot alang sa pagpatay ug uban kanila ang usa ka tawo nga nagsul-ob ug lino, nga may sudlanan sa igsusulat diha sa iyang kilid. Ug sila misulod ug mitindog tupad sa halaran nga bronsi.

Levitico 16:23

“Si Aaron moadto sa tolda nga tagboanan ug hukason niya ang mga bisti nga lino nga iyang gisul-ob sa pagsulod niya sa dapit nga balaan ug kini ibilin niya didto.

Levitico 16:24

Unya ligoon niya ang iyang lawas sa tubig didto sa dapit nga balaan ug isul-ob niya ang iyang mga bisti ug mogula siya ug ihalad niya ang iyang halad nga sunogon ug ang halad nga sunogon sa katawhan ug maghimo siya sa pagtabon sa sala alang sa iyang kaugalingon ug alang sa katawhan.

Levitico 16:32

Ang pari nga dinihogan ug nga gigahin ingon nga pari puli sa iyang amahan maghimo sa pagtabon sa sala ug magsul-ob siya sa mga balaang bisti nga lino.

Levitico 6:10

Ang pari magsul-ob sa iyang bisti nga lino ug magsul-ob siya ug mga karsunsilyo nga lino sa iyang lawas. Ug iyang hiposon ang abo sa kalayo nga nag-ut-ot sa halad nga sinunog ibabaw sa halaran ug kini ibutang niya duol sa halaran.

Levitico 6:3

o makakaplag siya ug nawala ug milimod mahitungod niini ug makapanumpa siya ug bakak, bisan unsa niining tanan nga mabuhat sa tawo, makasala siya niini.

Lucas 1:35

Ang anghel mitubag kaniya, “Ang Espiritu Santo mokunsad kanimo ug ang gahom sa Labing Halangdon molandong kanimo. Tungod niini, ang balaang bata nga matawo tawgon nga Anak sa Dios.

Mga Taga-Filipos 2:7

apan gihaw-asan niya ang iyang kaugalingon diha sa kinaiya sa usa ka ulipon, diha sa iyang pagkasama sa mga tawo. Ug sa nakita diha sa tawhanon nga dagway,

Mga Hebreo 10:22

busa manuol kita sa Dios uban ang matinud-anon nga kasingkasing uban sa hingpit nga kasigurohan sa pagtuo, human mahinlo ang atong mga kasingkasing pinaagi sa pagbisibis gikan sa daotan nga tanlag ug human mahugasi ang atong mga lawas sa lunsay nga tubig.

Mga Hebreo 2:14

Busa ingon nga ang mga anak nakaambit man sa unod ug dugo, siya gayod usab miambit niini, aron pinaagi sa kamatayon malaglag niya ang may gahom sa kamatayon, nga sa ato pa, ang yawa,

Mga Hebreo 7:26

Kay angay alang kanato ang maong labawng pangulong pari, balaan, walay sala, walay lama, linain gikan sa mga makasasala, tinuboy ngadto sa kahitas-an labaw pa sa kalangitan.