Levitico 16:29

Ang Biblia 2011

“Kini mahimong usa ka lagda hangtod sa kahangtoran alang kaninyo. Sa ikapito nga bulan, sa ikanapulo nga adlaw sa bulan, hikawi ninyo ang inyong mga kaugalingon ug ayaw kamo pagbuhat ug bisan unsa, lumad man o dumuduong nga nagpuyo sa taliwala kaninyo,

Cross References

1 Mga Hari 8:2

Ug ang tanang mga tawo sa Israel nagtigom sa ilang kaugalingon ngadto kang Hari Solomon sa adlaw sa kasaulogan sa bulan sa Etanim nga mao ang ikapito nga bulan.

Esdras 3:1

Sa dihang miabot ang ikapito nga bulan, ug ang mga kaliwat sa Israel diha sa mga siyudad, ang katawhan nagtigom ingon nga usa ka tawo didto sa Jerusalem.

Esdras 8:21

Unya ako nagpahibalo ug usa ka pagpuasa didto sa suba sa Ahava, aron kami magpaubos sa among kaugalingon sa atubangan sa among Dios, sa pagpangita gikan kaniya sa usa ka tul-id nga dalan alang kanamo, alang sa among mga kabataan ug sa tanan namong kabtangan.

Salmo 35:13

Apan ako, sa dihang nasakit sila, nagbisti ako ug sako, gisakit nako ang akong kalag pinaagi sa pagpuasa, Nag-ampo ako nga nagduko ang ulo,

Salmo 69:10

Sa diha nga ako nagpaubos sa akong kaugalingon uban ang pagpuasa, nahimo kining kaulawan kanako.

Exodo 12:16

Sa unang adlaw, paghimo kamo ug balaang panagtigom ug sa ikapitong adlaw paghimo usab kamo ug balaang panagtigom. Ayaw kamo pagbuhat niining mga adlawa apan mao lamay andama ninyo ang pagkaon sa tanan.

Exodo 20:10

apan ang ikapitong adlaw maoy adlaw nga igpapahulay alang sa Ginoo nga imong Dios. Niining adlawa ayaw pagbuhat ug bisan unsang buhat, ikaw o ang imong anak nga lalaki o ang imong anak nga babaye, ang imong sulugoon nga lalaki o ang imong sulugoon nga babaye o ang imong kahayopan o ang langyaw nga anaa sulod sa imong mga ganghaan.

Exodo 30:10

Sa ibabaw sa mga sungaysungay kinahanglan nga si Aaron maghimo ug pagtabon sa mga sala makausa sa matag tuig. Pinaagi sa dugo sa halad tungod sa sala alang sa pagtabon sa mga sala, siya maghimo ug pagtabon sa mga sala alang niini makausa sa matag tuig sa tanan ninyong kaliwatan. Kini labing balaan alang sa Ginoo.”

Exodo 31:14

Tumana ninyo ang adlaw nga igpapahulay, kay kini balaan alang kaninyo. Ang magpasipala niini kinahanglan nga patyon gayod kay si bisan kinsa nga magbuhat ug bisan unsang buluhaton niining adlawa, kanang tawhana ipahimulag gikan sa taliwala sa iyang katawhan.

Exodo 31:15

Buhata ninyo ang inyong buluhaton sulod sa unom ka adlaw apan ang ikapitong adlaw mao ang adlaw sa balaan nga pagpahulay, balaan ngadto sa Ginoo. Si bisan kinsa nga magbuhat ug bisan unsang buluhaton sa adlaw nga igpapahulay, kinahanglan nga patyon gayod.

Isaias 58:13

“Kon ilikay nimo ang imong tiil gikan sa adlaw nga igpapahulay, gikan sa pagbuhat sa imong kalipay sa akong adlaw nga balaan, ug magtawag sa adlaw nga igpapahulay nga usa ka kahimut-an, ug ang balaan nga adlaw sa Ginoo nga halangdon; kon pasidunggan nimo kini, dili magsubay sa imong mga pamaagi o mangita sa imong kaugalingon nga kalipay, o magsulti sa kaugalingon mong mga pulong,

Isaias 58:3

‘Ngano man nga kami nagpuasa, ug ikaw wala makakita niini? Ngano nga nagpaubos kami sa among kaugalingon, ug ikaw wala makamatikod niini?’ Tan-awa, sa adlaw sa inyong pagpuasa kamo nangita sa kaugalingon ninyong kalipay, ug nagdaogdaog sa tanan ninyong mamumuo.

Isaias 58:5

Mao ba kini ang pagpuasa nga akong gipili: usa ka adlaw alang sa tawo aron magpaubos sa iyang kaugalingon? Kini aron ba nga iduko niya ang iyang ulo sama sa bugang, ug magbukhad sa bisti nga sako ug abo sa ilalom niya? Tawgon ba nimo kini nga pagpuasa, ug usa ka adlaw nga kahimut-an sa Ginoo?

Daniel 10:12

Unya siya miingon kanako, “Ayaw kahadlok, Daniel, kay sukad sa unang adlaw nga gipahiluna nimo ang imong kasingkasing sa pagsabot, ug nagpaubos ikaw sa imong kaugalingon atubangan sa imong Dios, ang imong mga pulong gidungog ug ako mianhi tungod sa imong mga pulong.

Daniel 10:3

Ako wala mokaon ug maayong mga pagkaon, walay karne o bino nga misulod sa akong baba, ug wala ako magdihog sa akong kaugalingon, sulod sa tibuok tulo ka semana.

Levitico 23:21

Himoa ninyo ang pagpahibalo nianang adlawa, paghimo kamo ug usa ka balaan nga panagtigom. Dili kamo magbuhat ug bug-at nga buluhaton. Kini usa ka lagda hangtod sa kahangtoran diha sa tanan ninyong mga puluy-anan hangtod sa tanan ninyong kaliwatan.

Levitico 23:3

Unom ka adlaw kamo nga magbuhat sa mga buluhaton, apan ang ikapito nga adlaw usa ka adlaw nga igpapahulay sa balaan nga pagpahulay, ang panagtigom nga balaan. Wala gayoy magbuhat ug bisan unsa nga buluhaton, kini usa ka adlaw nga igpapahulay alang sa Ginoo diha sa tanan ninyong mga puluy-anan.

Levitico 23:36

Pito ka adlaw kamo nga maghalad ug halad pinaagi sa kalayo alang sa Ginoo. Sa ikawalo nga adlaw paghimo kamo ug usa ka balaan nga panagtigom ug paghalad ug usa ka halad pinaagi sa kalayo alang sa Ginoo; kini usa ka balaan nga panagtigom. Dili kamo magbuhat ug buluhaton nga bug-at.

Levitico 25:9

Unya patingoga ug kusog ang trumpeta sa ikanapulo nga adlaw sa ikapito nga bulan, sa Adlaw sa Pagtabon sa Sala, patingoga ninyo ang trumpeta ngadto sa tibuok ninyong yuta.

Levitico 3:17

Kini usa ka tulumanon nga dayon alang sa inyong mga kaliwatan, sa tanan ninyong mga puluy-anan, aron dili kamo magkaon ug tambok o dugo.”

Numeros 29:7

“Sa ikanapulo nga adlaw niining ikapito nga bulan, maghimo kamo ug usa ka balaan nga panagtigom ug maghikaw sa inyong kaugalingon, dili kamo magbuhat ug bisan unsa nga buluhaton.

Mga Buhat 27:9

Ug sa milabay na ang taas nga panahon ug kuyaw na ang paglawig tungod kay ang tingpuasa milabay na man, si Pablo mitambag kanila

1 Mga Taga-Corinto 11:31

Apan kon kita nakasusi sa atong kaugalingon, kita dili na hukman.

Mga Hebreo 4:10

kay ang nakasulod ngadto sa pahulay niya, mipahulay usab sa iyang mga buhat ingon nga ang Dios usab sa iyang mga buhat.

1 Samuel 7:6

Busa sila nagtigom didto sa Mispa ug nagkalos ug tubig ug gibubo kini sa atubangan sa Ginoo. Nagpuasa sila niadtong adlawa ug miingon, “Kami nakasala batok sa Ginoo.” Ug si Samuel nahimong maghuhukom sa katawhan sa Israel didto sa Mispa.