Levitico 16:23

Ang Biblia 2011

“Si Aaron moadto sa tolda nga tagboanan ug hukason niya ang mga bisti nga lino nga iyang gisul-ob sa pagsulod niya sa dapit nga balaan ug kini ibilin niya didto.

Cross References

Ezequiel 42:14

Sa diha nga ang mga pari mosulod sa balaang dapit, dili sila mogula niini ngadto sa gawas nga hawanan kon dili nila ibutang didto ang mga bisti nga ilang gisul-ob sa ilang pag-alagad, tungod kay kini balaan. Kinahanglang magsul-ob sila ug laing mga bisti sa dili pa sila moduol niadtong mga butang nga alang sa katawhan.”

Ezequiel 44:19

Ug sa diha nga sila mogula ngadto sa gawas nga hawanan, ngadto sa katawhan, hukason nila ang ilang bisti nga maoy gisul-ob nila sa ilang pag-alagad, ug hiposon kini didto sa mga balaang lawak, ug isul-ob nila ang laing mga bisti aron sila dili makatakod sa pagkabalaan ngadto sa katawhan pinaagi sa ilang mga bisti.

Levitico 16:22

Ug ang kanding magdala sa ibabaw niya sa tanan nilang kasal-anan ngadto sa dapit nga walay nagpuyo ug buhian niya ang kanding ngadto sa kamingawan.

Levitico 16:4

Magsul-ob siya sa balaang bisti nga lino ug karsunsilyo nga lino ug magbakos siya ug bakos nga lino ug magsul-ob siya ug purong nga lino. Kini mao ang balaan nga mga bisti. Ligoon niya ug tubig ang tibuok niyang lawas ug isul-ob ang mga bisti.

Levitico 6:11

Unya huboon niya ang iyang mga bisti ug magsul-ob siya ug lain nga mga bisti ug dad-on niya ang abo ngadto sa gawas sa kampo, ngadto sa dapit nga hinlo.

Roma 8:3

Kay ang wala mahimo sa Balaod nga nahuyang tungod sa unod gihimo sa Dios pinaagi sa pagpadala niya sa kaugalingon niyang Anak diha sa dagway sa makasasala nga tawo ug mahitungod sa sala, gisilotan niya ang sala diha sa unod,

Mga Hebreo 9:28

mao usab si Cristo, human makahalad sa makausa aron sa pagkuha sa mga sala sa daghan motungha sa ikaduhang higayon, dili mahitungod sa sala, kondili sa pagluwas kanila nga mainitong nagpaabot kaniya.