Levitico 16:22

Ang Biblia 2011

Ug ang kanding magdala sa ibabaw niya sa tanan nilang kasal-anan ngadto sa dapit nga walay nagpuyo ug buhian niya ang kanding ngadto sa kamingawan.

Cross References

Salmo 103:10

Dili siya magbuhat sumala sa atong mga kasal-anan, o magbalos kanato sumala sa atong mga kalapasan.

Salmo 103:12

sama sa gilay-on sa silangan gikan sa kasadpan, mao usab ang gilay-on sa iyang pagpahimulag kanato gikan sa atong mga kalapasan.

Ezequiel 18:22

Walay usa sa iyang kalapasan nga iyang nahimo nga hinumdoman batok kaniya. Tungod sa pagkamatarong nga iyang nahimo siya mabuhi.

Ezequiel 4:4

“Unya higda sa imong wala nga kilid, ug ibutang ang kasal-anan sa balay sa Israel diha niini. Sumala sa gidaghanon sa mga adlaw nga maghigda ikaw niana, ikaw magpas-an sa ilang silot.

Levitico 14:7

Ug magwisik siya sa makapito ibabaw sa sanlahon nga hinloan ug siya magpahibalo nga ang maong tawo hinlo na ug buhian ang langgam nga buhi ngadto sa hawan nga kapatagan.

Levitico 16:21

Ibutang ni Aaron ang duha niya ka kamot sa ibabaw sa ulo sa kanding nga buhi ug isugid niya sa ibabaw niini ang tanan nga kasal-anan sa katawhan sa Israel ug ang tanan nila nga mga kalapasan, ang tanan nila nga mga sala. Ug kini ibutang niya sa ibabaw sa ulo sa kanding ug ipadala kini ngadto sa kamingawan pinaagi sa kamot sa usa ka tawo nga tinudlo alang niini.

Levitico 16:23

“Si Aaron moadto sa tolda nga tagboanan ug hukason niya ang mga bisti nga lino nga iyang gisul-ob sa pagsulod niya sa dapit nga balaan ug kini ibilin niya didto.

Miqueas 7:19

Siya magbaton pag-usab ug kaluoy kanato, siya magyatak sa atong mga kasal-anan. Isalibay nimo ang tanan namong mga sala ngadto sa kahiladman sa dagat.

Juan 1:29

Sa pagkasunod nga adlaw iyang nakita si Jesus nga nagpaingon kaniya ug siya miingon, “Tan-awa, ang Nating Karnero sa Dios, ang nagkuha sa sala sa kalibotan!

Mga Taga-Galacia 3:13

Si Cristo milukat kanato gikan sa tunglo sa Balaod sa diha nga nahimo siyang tunglo alang kanato—kay nasulat, “Tinunglo ang matag usa nga gibitay diha sa kahoy”—

Mga Hebreo 9:28

mao usab si Cristo, human makahalad sa makausa aron sa pagkuha sa mga sala sa daghan motungha sa ikaduhang higayon, dili mahitungod sa sala, kondili sa pagluwas kanila nga mainitong nagpaabot kaniya.

1 Pedro 2:24

Siya gayod mao ang midala sa atong mga sala diha sa iyang lawas ngadto sa kahoy, aron kita mamatay ngadto sa sala ug mabuhi ngadto sa pagkamatarong. Pinaagi sa iyang mga samad kamo nangaayo.