Levitico 16:20

Ang Biblia 2011

“Human niya mahimo ang pagtabon sa sala alang sa dapit nga balaan ug sa tolda nga tagboanan ug sa halaran, ihalad niya ang kanding nga buhi.

Cross References

Ezequiel 45:20

Unya himoon nimo ang samang paagi sa ikapitong adlaw sa bulan alang sa matag usa nga nakasala tungod sa sayop o sa pagkawalay kahibalo, busa himoon nimo ang pagtabon sa sala alang sa Templo.

Levitico 16:16

Sa ingon niini himoon niya ang pagtabon sa sala alang sa dapit nga balaan, tungod sa mga kahugawan sa katawhan sa Israel ug tungod sa ilang mga kalapasan ug sa tanan nilang mga sala. Sa samang paagi himoon usab niya kini alang sa tolda nga tagboanan nga nahimutang sa taliwala nila, sa kinataliwad-an sa ilang mga kahugawan.

Levitico 16:19

Sa makapito wisikan niya ug dugo ang ibabaw niini pinaagi sa iyang tudlo, ug maghinlo niini ug magbalaan niini gikan sa mga kahugawan sa katawhan sa Israel.

Levitico 16:21

Ibutang ni Aaron ang duha niya ka kamot sa ibabaw sa ulo sa kanding nga buhi ug isugid niya sa ibabaw niini ang tanan nga kasal-anan sa katawhan sa Israel ug ang tanan nila nga mga kalapasan, ang tanan nila nga mga sala. Ug kini ibutang niya sa ibabaw sa ulo sa kanding ug ipadala kini ngadto sa kamingawan pinaagi sa kamot sa usa ka tawo nga tinudlo alang niini.

Levitico 6:30

Walay halad tungod sa sala nga kaonon nga ang dugo niini gidala ngadto sa tolda nga tagboanan aron himoon ang pagtabon sa sala didto sa dapit nga balaan. Kini sunogon sa kalayo.

Levitico 8:15

Gipatay kini ni Moises ug gikuha niya ang dugo ug pinaagi sa iyang tudlo gibutang niya kini diha sa mga sungaysungay sa halaran sa palibot ug giputli niya ang halaran. Unya gibubo niya ang uban nga dugo diha sa tungtonganan sa halaran ug kini gibalaan niya aron sa paghimo ug pagtabon sa sala alang niini.

Roma 4:25

nga gitugyan ngadto sa kamatayon tungod sa atong kalapasan ug gibanhaw alang sa paghimo kanato nga matarong.

Roma 8:34

Kinsa man ang mopakanaog sa hukom? Si Cristo Jesus nga namatay apan nabanhaw gikan sa mga patay, nga anaa karon sa tuo sa Dios, nga nangamuyo gayod alang kanato.

2 Mga Taga-Corinto 5:19

ingon nga ang Dios diha kang Cristo nagpasig-uli sa kalibotan ngadto sa iyang kaugalingon sa walay pag-isip batok kanila sa ilang kalapasan. Ug siya nagpiyal kanamo sa mensahe sa pagpasig-uli.

Mga Taga-Colosas 1:20

ug pinaagi kaniya mipasig-uli nganha sa iyang kaugalingon ang tanang mga butang sa kayutaan o sa kalangitan, ug naghimo sa pakigdait pinaagi sa iyang dugo diha sa krus.

Mga Hebreo 7:25

Busa sa tanang panahon siya makaluwas sa mga moduol sa Dios pinaagi kaniya, kay buhi man siya sa kanunay aron sa pagpangamuyo alang kanila.

Gipadayag 1:18

ug ang buhi. Ako namatay, apan tan-awa, ako karon buhi hangtod sa kahangtoran, ug ania kanako ang mga yawi sa Kamatayon ug sa Hades.