Levitico 16:2

Ang Biblia 2011

Ang Ginoo miingon kang Moises, “Sultihi si Aaron nga imong igsoon nga dili sa tanan nga panahon siya mosulod sa dapit nga balaan, sa sulod sa tabil sa atubangan sa tabon nga anaa ibabaw sa sudlanan sa kasabotan, aron dili siya mamatay kay ako motungha diha sa panganod sa ibabaw sa tabon.

Cross References

1 Mga Hari 6:16

Ug gitukod niya ang luyong bahin sa balay, 20 ka maniko, pinaagi sa mga tabla nga cedro gikan sa salog ngadto sa mga sagbayan, gitukod niya kini sa sulod ingon nga kinasulorang lawak, ang labing balaang dapit.

1 Mga Hari 8:6

Ug gidala sa mga pari ang sudlanan sa kasabotan sa Ginoo ngadto sa dapit niini, ngadto sa kinasulorang lawak sa balay, sa labing balaang dapit, ilalom sa mga pako sa mga kerubin.

2 Cronicas 5:14

nga tungod niana ang mga pari wala na makapadayon sa pag-alagad tungod sa panganod kay ang himaya sa Ginoo milukop man sa balay sa Dios.

Exodo 30:10

Sa ibabaw sa mga sungaysungay kinahanglan nga si Aaron maghimo ug pagtabon sa mga sala makausa sa matag tuig. Pinaagi sa dugo sa halad tungod sa sala alang sa pagtabon sa mga sala, siya maghimo ug pagtabon sa mga sala alang niini makausa sa matag tuig sa tanan ninyong kaliwatan. Kini labing balaan alang sa Ginoo.”

Levitico 16:13

Ug ibutang niya ang insenso sa ibabaw sa kalayo sa atubangan sa Ginoo aron ang aso sa insenso motabon sa tabon nga anaa sa ibabaw sa sudlanan sa kasabotan aron siya dili mamatay.

Levitico 16:34

Kini mahimong lagda nga walay kataposan alang kaninyo, sa paghimo sa pagtabon sa sala alang sa katawhan sa Israel tungod sa tanan nilang mga sala, makausa sa matag tuig.” Ug gibuhat kini ni Moises sumala sa gisugo kaniya sa Ginoo.

Levitico 23:27

“Apan sa ikanapulo nga adlaw niining ikapito nga bulan mao ang Adlaw sa Pagtabon sa Sala. Kini mao ang panahon sa balaan nga panagtigom ug hikawi ninyo ang inyong kaugalingon ug paghalad kamo ug halad pinaagi sa kalayo alang sa Ginoo.

Levitico 8:35

Ug sa pultahan sa tolda nga tagboanan magpabilin kamo sa adlaw ug sa gabii sulod sa pito ka adlaw ug maghimo sa gisugo sa Ginoo kay tingali unya ug mangamatay kamo kay mao kini ang gisugo kanako.”

Numeros 17:10

Ug ang Ginoo miingon kang Moises, “Ibalik pagbutang ang sungkod ni Aaron sa atubangan sa pagpamatuod, aron kini tipigan ingon nga usa ka timaan alang sa mga misukol aron taposon nimo ang ilang pagbagulbol kay tingali unya ug mangamatay sila.”

Numeros 18:7

Ug ikaw ug ang imong mga anak uban kanimo magtuman sa inyong pagkapari alang sa tanang butang sa halaran ug sa anaa sa sulod sa tabil, ug mag-alagad kamo. Ako naghatag kaninyo sa pagkapari ingon nga gasa sa pag-alagad, ug ang walay labot nga moduol kinahanglang patyon.”

Numeros 4:19

Apan kini buhaton ninyo aron sila mabuhi ug dili mamatay, sa diha nga sila moduol sa mga butang nga labing balaan. Si Aaron ug ang iyang mga anak mangadto ug magtudlo kanila sa matag usa sa iyang katungdanan ug sa iyang dad-onon.

Numeros 4:5

Sa diha nga mogikan na ang mga nagkampo, si Aaron ug ang iyang mga anak nga lalaki mosulod ug manangtang sa tabil sa salimbong ug kini itabon nila sa sudlanan sa pagpamatuod.

Mateo 27:51

Ug unya ang tabil sa Templo nagisi gikan sa taas ngadto sa ubos ug ang yuta mikurog ug ang mga batong tiunay nangliki.

Mga Hebreo 6:19

Gibatonan nato kini ingon nga usa ka kasaligan ug lig-on nga angkla sa kalag, usa ka paglaom nga molatas ngadto sa kinasulorang bahin sa templo luyo sa tabil,

Mga Hebreo 9:25

Dili usab aron sa pagsublisubli sa iyang paghalad sa iyang kaugalingon, sama sa tinuig nga pagsulod sa mga labawng pangulong pari ngadto sa Balaang Dapit, dinala ang dugo nga dili iyang kaugalingon.

Mga Hebreo 9:3

Sa luyo sa ikaduhang tabil diha ang tolda nga gitawag ug Dapit nga Labing Balaan,

Mga Hebreo 9:5

Ug sa ibabaw niini didto ang mga kerubin sa himaya, nga naglandong sa dapit diin ang sala mapasaylo. Mahitungod niining mga butanga, dili na kita karon makasulti sa tinagsa gayod.

Gipadayag 15:8

Ug ang templo napuno sa aso gikan sa himaya sa Dios ug gikan sa iyang gahom, ug walay si bisan kinsa nga makahimo sa pagsulod sa templo hangtod matapos ang pito ka katalagman sa pito ka anghel.