Levitico 16:16

Ang Biblia 2011

Sa ingon niini himoon niya ang pagtabon sa sala alang sa dapit nga balaan, tungod sa mga kahugawan sa katawhan sa Israel ug tungod sa ilang mga kalapasan ug sa tanan nilang mga sala. Sa samang paagi himoon usab niya kini alang sa tolda nga tagboanan nga nahimutang sa taliwala nila, sa kinataliwad-an sa ilang mga kahugawan.

Cross References

Exodo 30:10

Sa ibabaw sa mga sungaysungay kinahanglan nga si Aaron maghimo ug pagtabon sa mga sala makausa sa matag tuig. Pinaagi sa dugo sa halad tungod sa sala alang sa pagtabon sa mga sala, siya maghimo ug pagtabon sa mga sala alang niini makausa sa matag tuig sa tanan ninyong kaliwatan. Kini labing balaan alang sa Ginoo.”

Levitico 16:17

Kinahanglang walay si bisan kinsa nga tawo diha sa sulod sa tolda nga tagboanan sa dihang siya mosulod aron sa paghimo sa pagtabon sa sala didto sa dapit nga balaan, hangtod nga siya mogula ug nga mahimo na ang pagtabon sa sala alang sa iyang kaugalingon ug alang sa iyang panimalay ug alang sa tibuok nga katilingban sa Israel.

Levitico 16:18

Unya mogula siya ngadto sa halaran nga anaa sa atubangan sa Ginoo ug maghimo siya sa pagtabon sa sala alang niini ug magkuha siya sa dugo sa torong baka ug sa dugo sa kanding ug iya kining ilibot pagbutang sa ibabaw sa mga sungaysungay sa halaran.

Levitico 23:27

“Apan sa ikanapulo nga adlaw niining ikapito nga bulan mao ang Adlaw sa Pagtabon sa Sala. Kini mao ang panahon sa balaan nga panagtigom ug hikawi ninyo ang inyong kaugalingon ug paghalad kamo ug halad pinaagi sa kalayo alang sa Ginoo.

Levitico 8:15

Gipatay kini ni Moises ug gikuha niya ang dugo ug pinaagi sa iyang tudlo gibutang niya kini diha sa mga sungaysungay sa halaran sa palibot ug giputli niya ang halaran. Unya gibubo niya ang uban nga dugo diha sa tungtonganan sa halaran ug kini gibalaan niya aron sa paghimo ug pagtabon sa sala alang niini.

Numeros 17:11

Busa gibuhat kini ni Moises sumala sa sugo sa Ginoo kaniya, kini gibuhat niya.

Numeros 28:15

Ug usab usa ka laking kanding ingon nga usa ka halad tungod sa sala ngadto sa Ginoo; kini ihalad dugang sa magpadayon nga halad nga sunogon ug sa halad nga ilimnon niini.

Juan 14:3

Ug sa makaadto na ako ug makaandam na ug dapit alang kaninyo, moanhi ako pag-usab ug kuhaon nako kamo aron nga asa ako atua usab kamo.

Mga Hebreo 2:17

Busa kinahanglan nga mahimo siya nga sama sa iyang mga igsoon sa tanang kahimtang, sa tuyo nga mahimo siyang labawng pangulong pari nga maluluy-on ug kasaligan diha sa pagpangalagad sa Dios alang sa kapasayloan sa mga sala sa katawhan.