Levitico 16:12

Ang Biblia 2011

Magkuha siya ug sudlanan sa insenso nga puno sa nagbaga nga uling gikan sa halaran sa atubangan sa Ginoo ug duha ka hakop sa insenso nga humot nga pinong pagkadugmok ug dad-on niya kini sa sulod sa tabil.

Cross References

Exodo 31:11

ug ang lana nga igdidihog ug ang humot nga insenso alang sa balaang dapit. Sumala sa tanan nga gisugo nako kanimo, buhaton nila kini.”

Exodo 37:29

Gibuhat niya ang balaan nga lana nga igdidihog ug ang lunsay nga humot nga insenso nga gisagol sama sa gibuhat sa tighimo ug pahumot.

Levitico 10:1

Unya si Nadab ug si Abihu nga mga anak nga lalaki ni Aaron, matag usa kanila mikuha ug sudlanan sa insenso ug gibutangan nila kini ug kalayo ug ang ibabaw niini gibutangan nila ug insenso, ug naghalad sila ug dili balaan nga kalayo sa atubangan sa Ginoo nga wala gayod isugo kanila.

Numeros 16:18

Busa ang matag usa mikuha sa iyang sudlanan sa insenso ug gibutangan nila kini ug kalayo ug gibutangan ug insenso ang ibabaw niini ug mibarog sila sa ganghaan sa tolda nga tagboanan kauban ni Moises ug ni Aaron.

Numeros 16:46

Ug si Moises miingon kang Aaron, “Kuhaa ang imong sudlanan sa insenso ug butangi kini ug kalayo nga gikan sa halaran, butangi ug insenso ang ibabaw niini, ug dad-a dayon ngadto sa katilingban, ug paghimo ug pagtabon sa sala alang kanila kay adunay kasuko nga migula gikan sa Ginoo, ang kamatay misugod na.”

Deuteronomio 33:10

Sila magtudlo kang Jacob sa imong mga tulumanon, ug sa imong Balaod sa Israel; magbutang sila ug insenso sa imong atubangan, ug tibuok nga halad nga sunogon sa ibabaw sa imong halaran.

Mga Hebreo 9:14

labaw pa gayod ang mahimo sa dugo ni Cristo, nga pinaagi sa Espiritu nga dayon mihalad sa iyang kaugalingon nga walay buling ngadto sa Dios aron sa paghinlo sa atong tanlag gikan sa mga patayng binuhatan aron mag-alagad sa Dios nga buhi.

Mga Hebreo 9:7

Apan ngadto sa ikaduhang bahin ang labawng pangulong pari mao lamang ang makasulod, ug kini makausa sa usa ka tuig. Siya magdala ug dugo nga iyang ihalad alang sa iyang kaugalingon ug sa mga sala sa katawhan nga wala tuyoa.

1 Juan 1:7

Apan kon kita naglakaw diha sa kahayag, ingon nga siya anaa sa kahayag, kita may pakig-ambitay sa usa ug usa, ug ang dugo ni Jesus nga iyang Anak naghinlo kanato gikan sa tanang sala.

Gipadayag 8:5

Unya gikuha sa anghel ang sudlanag insenso ug gipuno niya ug kalayo gikan sa halaran, ug kini iyang gilabay ngadto sa kalibotan, ug dihay pagdalugdog, mga kusog nga dahunog, mga pagpangilat ug linog.