Kini mao ang balaod mahitungod sa mga mananap ug sa mga langgam ug sa tanan nga buhing binuhat nga naglihok sa mga tubig, ug sa tanan nga mananap nga nagkamang ibabaw sa yuta,
Kini mao ang balaod mahitungod sa agup-op diha sa bisti nga delana o lino nga anaa sa lindog o sa hulog sa hablanan, o sa bisan unsa nga hinimo ug panit aron sa paghukom kon kini hinlo ba o hugaw.
“Sa ingon niana lainon nimo ang katawhan sa Israel gikan sa ilang pagkahugaw aron sila dili mangamatay sa ilang pagkahugaw sa diha nga ilang hugawan ang akong puluy-anan nga anaa sa taliwala nila.”
ug alang usab sa babaye nga anaa sa iyang kahugaw tungod sa iyang pagdugo, ug mahitungod sa adunay nag-agos, lalaki man o babaye, ug sa lalaki nga makighilawas sa babaye nga anaa sa kahugaw.
“Kini mao ang balaod sa diha nga ang usa ka tawo mamatay sulod sa tolda: ang matag usa nga mosulod sa tolda ug ang tanan nga anaa sa tolda, mahugaw sa pito ka adlaw.
“Kini mao ang balaod alang sa Nazareo sa diha nga mahingpit ang mga adlaw sa iyang pagkaginahin: dad-on siya ngadto sa pultahan sa tolda nga tagboanan.