Levitico 15:29

Ang Biblia 2011

Sa ikawalo nga adlaw magkuha siya ug duha ka tukmo o duha ka kuyabog sa salampati ug dad-on niya kini ngadto sa pari didto sa pultahan sa tolda nga tagboanan.

Cross References

Levitico 12:6

“Kon ang mga adlaw sa pagputli kaniya matuman na, tungod ba sa anak nga lalaki o tungod sa anak nga babaye, kinahanglang magdala siya ug usa ka nating karnero nga usa ka tuig ang kagulangon ingon nga halad nga sunogon, ug usa ka kuyabog sa salampati o usa ka tukmo ingon nga halad tungod sa sala. Dad-on kini ngadto sa pultahan sa tolda nga tagboanan ngadto sa pari.

Levitico 12:8

Kon dili siya makaabot sa pagdala ug usa ka nating karnero, magdala siya ug duha ka tukmo o duha ka kuyabog sa salampati, ang usa alang sa halad nga sunogon ug ang usa sa halad tungod sa sala. Ug ang pari maghimo sa pagtabon sa sala alang kaniya ug mahinlo siya.”

Levitico 15:14

Sa ikawalo nga adlaw magkuha siya ug duha ka tukmo o duha ka kuyabog sa salampati ug moadto siya sa atubangan sa Ginoo sa pultahan sa tolda nga tagboanan ug kini ihatag niya sa pari.

Levitico 15:28

Apan sa dihang moundang na ang iyang pagdugo, mag-ihap siya ug pito ka adlaw ug human niana mahinlo siya.

Levitico 15:30

Ang pari maghalad sa usa ka langgam ingon nga halad tungod sa sala ug ang usa ingon nga halad nga sunogon, ug ang pari maghimo sa pagtabon sa sala alang kaniya sa atubangan sa Ginoo tungod sa pagkahugaw sa iyang pagdugo.

Levitico 9:1

Sa ikawalo nga adlaw, gitawag ni Moises si Aaron ug ang iyang mga anak nga lalaki ug ang mga kadagkoan sa Israel.

Numeros 6:10

Sa ikawalo nga adlaw magdala siya ug duha ka tukmo o duha ka kuyabog sa salampati ngadto sa pari didto sa pultahan sa tolda nga tagboanan.

Mateo 21:12

Unya si Jesus misulod sa Templo ug iyang gihinginlan ang tanang namaligya ug namalit diha sa Templo ug iyang gipanglimbuwad ang mga lamisa sa mga tigpangilis ug salapi ug ang mga lingkoranan sa mga namaligya ug salampati.