Levitico 14:9

Ang Biblia 2011

Sa ikapito nga adlaw kiskison niya ang tanang buhok sa iyang ulo ug sa iyang bungot ug sa mga kilay sa iyang mga mata, kiskison niya ang tanan niyang balhibo. Unya labhan niya ang iyang mga bisti ug ligoon niya ang iyang lawas sa tubig ug mahinlo siya.

Cross References

Levitico 14:20

Unya ihalad sa pari ang halad nga sunogon, ug ang halad nga pagkaon didto sa ibabaw sa halaran. Ug ang pari maghimo ug pagtabon sa sala alang kaniya ug mahinlo siya.

Levitico 14:8

Ug kadtong hinloan manglaba sa iyang mga bisti ug kiskison niya ang tanan niyang buhok ug maligo siya sa tubig ug mahinlo siya. Ug human niana mosulod siya sa kampo apan mopuyo siya sa gawas sa iyang tolda sulod sa pito ka adlaw.

Numeros 6:9

“Ug kon adunay tawo nga mamatay sa kalit duol kaniya ug nahugawan ang iyang binalaan nga ulo, kiskisan niya ang iyang ulo sa adlaw nga maputli na siya, sa ikapito nga adlaw kiskisan niya kini.

Numeros 8:7

Ug mao kini ang imong buhaton sa paghinlo kanila: isablig sa ibabaw nila ang tubig sa paghinlo ug pakiskisi nila pinaagi sa labaha ang tibuok nilang lawas, ug palabhi nila ang ilang mga bisti ug maghinlo sila sa ilang kaugalingon.

Deuteronomio 21:12

dad-on nimo siya sa imong balay ug kiskisan niya ang iyang ulo ug putlan niya ang iyang mga kuko.