Levitico 14:7

Ang Biblia 2011

Ug magwisik siya sa makapito ibabaw sa sanlahon nga hinloan ug siya magpahibalo nga ang maong tawo hinlo na ug buhian ang langgam nga buhi ngadto sa hawan nga kapatagan.

Cross References

2 Mga Hari 5:10

Ug si Eliseo nagpadala ug usa ka sinugo ngadto kaniya nga nag-ingon, “Lakaw ug hugasi ang imong kaugalingon didto sa Jordan sa makapito ug ang imong lawas maulian ug ikaw mahinlo.”

2 Mga Hari 5:14

Busa siya miadto ug mitunlob sa iyang kaugalingon sa makapito didto sa Jordan, sumala sa pulong sa tawo sa Dios, ug ang iyang lawas naulian sama sa lawas sa gamayng bata ug siya nahinlo.

Salmo 51:2

Hugasi ako pag-ayo gikan sa akong kasal-anan, ug hinloi ako gikan sa akong sala!

Salmo 51:7

Hinloi ako pinaagi sa hisopo, ug mahinlo ako; hugasi ako, ug mahimo ako nga puti kaayo.

Isaias 52:15

siya makapakugang usab sa daghang mga nasod; ang mga hari magtak-om sa ilang mga baba tungod kaniya; kay kadtong wala pa ikasugilon kanila makita nila, ug kadtong wala pa nila madungog ilang masabtan.

Ezequiel 36:25

Unya bisbisan ko kamo sa hinlo nga tubig, ug kamo mangahinlo gikan sa tanan ninyong kahugawan, ug gikan sa tanan ninyong diosdios hinloan ko kamo.

Daniel 9:24

Ang gisugo mahitungod sa imong katawhan ug sa imong balaang siyudad, sa paghuman sa kalapasan ug sa pagtapos sa mga sala, ug sa paghimo sa pagtabon alang sa kasal-anan, ug sa pagdala sa walay kataposang pagkamatarong, ug sa pagmatuod sa panan-awon ug sa propeta, ug pagdihog sa labing balaan nga dapit, 70 ka pito ka tuig.

Levitico 13:13

kinahanglang hilngon siya sa pari, ug kon ang sanla milukop sa tibuok niyang lawas, siya magpahibalo nga ang maong tawo hinlo; kay kini miputi man, siya hinlo.

Levitico 13:17

Ug ang pari maghiling kaniya, ug kon ang sakit sa panit miputi, ang pari magpahibalo nga hinlo ang masakiton, siya hinlo.

Levitico 14:51

Ug kuhaon niya ang kahoy nga cedro ug ang hisopo ug ang pula nga higot uban sa langgam nga buhi ug ituslob kini sa dugo sa langgam nga gipatay ug sa tubig nga nag-agas ug wisikan sa makapito ang balay.

Levitico 16:14

Magkuha siya sa dugo sa torong baka, ug iwisik niya kini pinaagi sa iyang tudlo ngadto sa silangan nga bahin sa tabon, ug sa atubangan sa tabon magwisik siya ug dugo pinaagi sa iyang tudlo sa makapito.

Levitico 16:19

Sa makapito wisikan niya ug dugo ang ibabaw niini pinaagi sa iyang tudlo, ug maghinlo niini ug magbalaan niini gikan sa mga kahugawan sa katawhan sa Israel.

Levitico 16:22

Ug ang kanding magdala sa ibabaw niya sa tanan nilang kasal-anan ngadto sa dapit nga walay nagpuyo ug buhian niya ang kanding ngadto sa kamingawan.

Levitico 4:17

ug ituslob sa pari ang iyang tudlo sa dugo niini ug iwisik kini sa makapito sa atubangan sa Ginoo, sa atubangan sa tabil.

Levitico 4:6

Ituslob sa pari ang iyang tudlo sa dugo, ug iwisik niya ang dugo sa makapito sa atubangan sa Ginoo, atubangan sa tabil sa balaan nga dapit.

Levitico 8:11

Giwisikan niya ug lana ang ibabaw sa halaran sa makapito ug gidihogan niya ang halaran ug ang tanang mga kasangkapan niini ug ang hugasanan ug ang tungtonganan niini aron sa pagbalaan niini.

Miqueas 7:19

Siya magbaton pag-usab ug kaluoy kanato, siya magyatak sa atong mga kasal-anan. Isalibay nimo ang tanan namong mga sala ngadto sa kahiladman sa dagat.

Numeros 19:12

Iyang hinloan ang iyang kaugalingon sa tubig sa ikatulo nga adlaw ug sa ikapito nga adlaw mahinlo siya. Apan kon dili siya manghinlo, sa ikatulo nga adlaw, sa ikapito nga adlaw dili siya mahinlo.

Juan 19:34

Apan usa sa mga sundalo miduslak ug bangkaw sa iyang kilid ug dihadiha mibuhagay ang dugo ug tubig.

Mga Hebreo 10:22

busa manuol kita sa Dios uban ang matinud-anon nga kasingkasing uban sa hingpit nga kasigurohan sa pagtuo, human mahinlo ang atong mga kasingkasing pinaagi sa pagbisibis gikan sa daotan nga tanlag ug human mahugasi ang atong mga lawas sa lunsay nga tubig.

Mga Hebreo 12:24

ug kang Jesus, ang tigpataliwala sa usa ka bag-ong kasabotan, ug sa binisibis nga dugo nga nagsulti sa labi pa ka maayong pulong kay sa dugo ni Abel.

Mga Hebreo 9:13

Kay kon ang dugo sa mga kanding ug sa mga laking baka, ug ang mga agiw sa bayeng baka, sa ikasablig na kini ngadto sa mga nahugawan, makabalaan man gani alang sa pagkaputli sa unod,

Mga Hebreo 9:19

Kay sa diha nga ang tanang kasugoan sa Balaod gipahayag na ni Moises ngadto sa tanang katawhan, siya mikuha sa dugo sa mga nating baka ug mga kanding, sinudlan ug tubig ug ginamit ang pula nga delana ug hisopo, iyang giwisikan ang basahon ug ang tanang mga tawo.

Mga Hebreo 9:21

Ug sa samang paagi iyang giwisikan ug dugo ang tolda ug ang tanang galamiton sa pagsimba.

Mga Hebreo 9:26

Kay kon mao pa, kinahanglan unta nga magsublisubli siya sa pag-antos sukad sa pagkatukod sa kalibotan. Apan karon siya nagpakita sa makausa sa kataposan sa kapanahonan aron sa pagpapas sa sala pinaagi sa paghalad sa iyang kaugalingon.

1 Pedro 1:2

nga gipili sumala sa nahibaloan nang daan sa Dios nga Amahan ug gibalaan sa Espiritu ngadto sa pagkamasinugtanon kang Jesu-Cristo ug pagbisibis sa iyang dugo: Ang grasya ug kalinaw modagaya unta diha kaninyo.

1 Juan 5:6

Kini siya mao ang mianhi pinaagi sa tubig ug dugo si Jesu-Cristo, dili pinaagi sa tubig lamang, kondili pinaagi sa tubig ug sa dugo.