Levitico 14:43

Ang Biblia 2011

“Kon ang agup-op mobalik pagtakboy niadtong balaya, human kini kuhai sa mga bato ug human makiskisi niya ang balay ug human mabuliti,

Cross References

Ezequiel 24:13

Ang taya niini mao ang hugaw nga pagkalaw-ay. Tungod kay gihinloan ko na unta ikaw ug ikaw wala mahinlo, gikan sa imong pagkahugaw dili na gayod mahinlo pa hangtod nga matagbaw ako sa akong kasuko nganha kanimo.

Levitico 14:42

Unya sila magkuha ug laing mga bato ug ilang ihulip kini sa dapit nga gikuhaan sa mga bato ug magkuha sila ug laing apog nga minasa ug buliton nila ang balay.

Levitico 14:44

ang pari mosulod ug motan-aw. Ug kon makita nga ang agup-op mikaylap didto sa balay, agup-op kini nga mokutkot niadtong balaya, kini hugaw.

Levitico 14:48

“Apan kon ang pari mosulod ug motan-aw, ug ang agup-op wala mokaylap sa balay human kini mahulipi, ang pari magpahibalo nga ang balay hinlo kay ang agup-op nahanaw na.

2 Pedro 2:20

Kay kon makalingkawas sila gikan sa kahugawan sa kalibotan pinaagi sa ilang kahibalo sa atong Ginoo ug Manluluwas nga si Jesu-Cristo apan magapos na usab sila niini ug mabuntog, ang ulahing kahimtang nila labaw pa unya ka ngil-ad kay sa una.

2 Pedro 2:22

Apan nahitabo kini kanila sumala sa tinuod nga sanglitanan: Gibalikan sa iro ang iyang sinuka, ug ang baboy giligo aron lamang mobalik paglunang sa lapok.

Judas 1:12

Kining mga tawhana mga buling diha sa inyong mga pagsalosalo, nangumbira uban kaninyo, sa walay kaikog nagbusog sa ilang kaugalingon; kining mga tawhana mga panganod nga walay dalang ulan ug gipadpad sa hangin; mga kahoy nga walay mga bunga sa panahon sa tingbunga, makaduha mamatay, naibot.