Levitico 14:21

Ang Biblia 2011

“Apan kon siya kabos ug dili makaabot sa igo, magkuha siya ug usa ka nating karnero nga laki alang sa halad tungod sa paglapas nga ibayaw aron sa paghimo ug pagtabon sa sala alang kaniya ug pinong harina nga ikanapulo nga bahin sa usa ka epha nga sinagolan ug lana alang sa halad nga pagkaon ug usa ka takos nga lana,

Cross References

Job 34:19

nga dili magpakita ug pagdapig ngadto sa mga pangulo, o magtagad sa mga dato labaw kay sa kabos, kay silang tanan buhat man sa iyang mga kamot?

Mga Panultihon 17:5

Siya nga magyubit sa kabos nagtamay sa iyang Magbubuhat; ang malipay sa katalagman dili mahimo nga dili silotan.

Mga Panultihon 22:2

Ang adunahan ug ang kabos mag-usa pagtagbo; ang Ginoo mao ang nagbuhat kanila nga tanan.

Ezequiel 46:7

Ingon nga halad nga pagkaon, siya magtagana ug usa ka epha uban sa torong baka ug usa ka epha uban sa laking karnero ug uban sa mga nating karnero sumala sa iyang mahimo, ug usa ka hin nga lana sa matag epha.

Levitico 1:14

“Kon ang iyang halad alang sa Ginoo usa ka halad nga sunogon nga mga langgam, kinahanglan nga ang iyang ihalad tukmo o mga kuyabog sa salampati.

Levitico 12:8

Kon dili siya makaabot sa pagdala ug usa ka nating karnero, magdala siya ug duha ka tukmo o duha ka kuyabog sa salampati, ang usa alang sa halad nga sunogon ug ang usa sa halad tungod sa sala. Ug ang pari maghimo sa pagtabon sa sala alang kaniya ug mahinlo siya.”

Levitico 14:10

“Sa ikawalo nga adlaw magkuha siya ug duha ka nating karnero nga laki nga walay tatsa ug usa ka nating karnero nga baye nga usa ka tuig ang kagulangon nga walay tatsa ug halad nga pagkaon nga balig tulo sa napulo ka bahin sa usa ka epha nga pinong harina nga sinagolan ug lana ug usa ka log nga lana.

Levitico 14:22

ug duha ka tukmo o duha ka kuyabog sa salampati nga iyang maabot, ang usa alang sa halad tungod sa sala ug ang usa alang sa halad nga sunogon.

Levitico 27:8

Apan kon siya kabos kaayo sa pagbayad sa bili nga imong gihatag, dad-on siya ngadto sa atubangan sa pari, ug ang pari magbanabana sa iyang bili sumala sa mahimo sa nanaad, ang pari maghatag kaniya ug bili.

Levitico 5:11

“Apan kon dili siya makaabot sa pagdala ug duha ka tukmo o duha ka kuyabog sa salampati, ingon nga halad tungod sa sala nga iyang nahimo, magdala siya ug ikanapulo nga bahin sa usa ka epha nga pinong harina alang sa halad tungod sa sala. Dili niya kini butangan ug lana o butangan ug insenso kay kini halad tungod sa sala.

Levitico 5:7

“Apan kon siya dili makaabot sa pagdala ug usa ka nating karnero, magdala siya ug duha ka tukmo o duha ka kuyabog sa salampati ingon nga halad tungod sa paglapas alang sa Ginoo tungod sa sala nga iyang nahimo, ang usa ingon nga halad tungod sa sala ug ang usa ingon nga halad nga sunogon.

Lucas 6:20

Unya giyahat niya ang iyang mga mata ngadto sa iyang mga tinun-an ug miingon: “Bulahan kamong mga kabos, kay inyo ang gingharian sa Dios.

2 Mga Taga-Corinto 8:12

Kay kon anaa ang pagkamatinguhaon, kini kahimut-an sumala sa unsay anaa sa tawo, dili sumala sa unsay wala kaniya.

2 Mga Taga-Corinto 8:9

Kay kamo nasayod sa grasya sa atong Ginoong Jesu-Cristo, nga bisan tuod siya dato, siya nahimong kabos tungod ug alang kaninyo aron nga pinaagi sa iyang kakabos kamo mahimong dato.

1 Samuel 2:8

Siya magbangon sa kabos gikan sa abog; siya magtuboy sa timawa gikan sa tapok sa abo, aron palingkoron sila uban sa mga pangulo, ug manunod sa trono sa himaya. Kay ang mga haligi sa yuta iya sa Ginoo, ug diha niini iyang gipahimutang ang kalibotan.