Levitico 14:14

Ang Biblia 2011

Ang pari magkuha sa dugo sa halad tungod sa paglapas ug ang pari magbutang niini sa tumoy sa tuong dalunggan sa tawo nga gihinloan ug sa ibabaw sa kumagko sa iyang tuong kamot ug sa ibabaw sa kumagko sa iyang tuong tiil.

Cross References

Exodo 29:20

Ug patya ang laking karnero ug pagkuha sa dugo niini ug ihidhid sa tumoy sa tuong dalunggan ni Aaron ug sa tumoy sa tuong mga dalunggan sa iyang mga anak nga lalaki, ug sa tumoy sa kumagko sa ilang mga tuong kamot ug sa tumoy sa kumagko sa mga tuo nga tiil nila, ug isablig ang dugo sa tanang kilid sa halaran.

Isaias 1:5

Ngano ba nga hampakon pa kamo? Nganong nagpadayon kamo sa pagsupil? Ang tibuok nga ulo masakiton, ug ang tibuok nga kasingkasing nagluya.

Levitico 14:19

Ang pari maghalad sa halad tungod sa sala ug maghimo siya ug pagtabon sa sala alang sa tawo nga hinloan tungod sa iyang pagkahugaw ug human niini, patyon niya ang halad nga sunogon.

Levitico 14:25

Patyon sa pari ang nating karnero nga halad tungod sa paglapas ug ang pari magkuha ug dugo gikan sa halad tungod sa paglapas ug ibutang niya sa tumoy sa tuong dalunggan sa tawo nga gihinloan ug sa kumagko sa iyang tuong kamot ug sa kumagko sa iyang tuong tiil.

Roma 12:1

Busa naghangyo ako kaninyo mga igsoon, pinaagi sa mga kaluoy sa Dios, sa pagtugyan sa inyong mga lawas isip halad nga buhi, balaan ug makapahimuot sa Dios nga mao ang inyong espirituhanon nga pagsimba.

Roma 6:13

Ayaw itugyan ang mga bahin sa inyong lawas ngadto sa sala ingon nga galamiton sa pagkadili matarong, hinuon itugyan ang inyong kaugalingon ngadto sa Dios ingon nga mga tawo nga nabuhi gikan sa kamatayon ug ang mga bahin sa inyong lawas ngadto sa Dios ingon nga mga galamiton sa pagkamatarong.

Roma 6:19

Nagsulti ako sa tawhanong paagi tungod sa inyong tawhanong kakulangan. Kay ingon nga kaniadto inyong gitugyan ang mga bahin sa inyong lawas ngadto sa kahugawan ug gikan sa usa ka kalapasan ngadto sa lain pang kalapasan, busa karon kinahanglang itugyan ninyo ang mga bahin sa inyong lawas ingon nga ulipon sa pagkamatarong ngadto sa pagkabalaan.

1 Mga Taga-Corinto 6:20

kay gipalit na kamo sa usa ka bili. Busa himayaa ninyo ang Dios pinaagi sa inyong lawas.

2 Mga Taga-Corinto 7:1

Kay nakabaton man kita niining maong mga saad, mga hinigugma, hinloan nato ang atong kaugalingon sa tanang kahugaw sa unod ug sa espiritu, ug hingpiton nato ang pagkabalaan diha sa pagkahadlok sa Dios.

Deuteronomio 24:8

“Pagbantay sa sakit nga sanla ug pagmatngon sa pagbuhat sumala sa tanan nga itudlo kaninyo sa mga pari nga Levihanon, sumala sa akong gisugo kanila pagmatngon kamo sa pagbuhat niini.

Mga Taga-Filipos 1:20

Ingon nga maoy akong mainitong pagpaabot ug paglaom nga dili gayod ako maulaw, apan nga inubanan sa tumang kaisog karon ug sa kanunay, si Cristo mapasidunggan dinhi sa akong lawas, bisan pa kon pinaagi sa kinabuhi o sa kamatayon.

1 Pedro 2:5

Ug ang inyong kaugalingon usab, ingon nga mga buhi nga bato, ipahimo ninyong espirituhanon nga balay, alang sa balaan nga pagkapari, aron sa paghalad ug espirituhanong mga halad nga kahimut-an sa Dios pinaagi kang Jesu-Cristo.