Levitico 14:10

Ang Biblia 2011

“Sa ikawalo nga adlaw magkuha siya ug duha ka nating karnero nga laki nga walay tatsa ug usa ka nating karnero nga baye nga usa ka tuig ang kagulangon nga walay tatsa ug halad nga pagkaon nga balig tulo sa napulo ka bahin sa usa ka epha nga pinong harina nga sinagolan ug lana ug usa ka log nga lana.

Cross References

Exodo 29:40

Ug uban sa unang nating karnero usa ka ikanapulo nga bahin sa usa ka takos nga pinong harina nga sinagolan sa ikaupat nga bahin sa usa ka hin nga lana ug ikaupat nga bahin sa usa ka hin nga bino alang sa halad nga ilimnon.

Levitico 1:10

“Kon ang iyang halad alang sa halad nga sunogon gikan sa panon, sa mga karnero o sa mga kanding, ang iyang ihalad laki nga walay tatsa.

Levitico 1:3

“Kon ang iyang halad usa ka halad nga sunogon nga gikan sa mga baka, ihalad niya ang usa ka laki nga walay tatsa, ihalad niya kini didto sa pultahan sa tolda nga tagboanan aron siya dawaton sa atubangan sa Ginoo.

Levitico 14:11

Ang pari nga nagputli kaniya magpahimutang kaniya nga hinloanan ug niining mga butang sa atubangan sa Ginoo sa pultahan sa tolda nga tagboanan.

Levitico 14:12

Ug ang pari magkuha sa usa sa mga nating karnero nga laki, ug ihalad niya kini ingon nga halad tungod sa paglapas, uban sa usa ka takos nga lana, ug ibayaw kini ingon sa halad nga binayaw sa atubangan sa Ginoo.

Levitico 14:15

Unya ang pari magkuha gikan sa usa ka log nga lana ug ibubo niya sa palad sa iyang wala nga kamot

Levitico 14:21

“Apan kon siya kabos ug dili makaabot sa igo, magkuha siya ug usa ka nating karnero nga laki alang sa halad tungod sa paglapas nga ibayaw aron sa paghimo ug pagtabon sa sala alang kaniya ug pinong harina nga ikanapulo nga bahin sa usa ka epha nga sinagolan ug lana alang sa halad nga pagkaon ug usa ka takos nga lana,

Levitico 2:1

“Sa dihang adunay magdala ug halad nga pagkaon alang sa Ginoo, kinahanglan nga ang iyang ihalad pinong harina, ug buboan niya kini ug lana ug butangan niya ug insenso ang ibabaw niini.

Levitico 2:11

“Walay halad nga pagkaon nga ihalad ninyo sa Ginoo nga himoon uban ang patubo kay walay bisan unsang butang nga may patubo o may dugos nga ihalad pinaagi sa kalayo alang sa Ginoo.

Levitico 2:13

Kinahanglang timplahan nimo ug asin ang tanan nimong halad nga pagkaon ug ayaw kalimti pagbutang ang asin sa kasabotan uban sa inyong Dios diha sa inyong halad nga pagkaon. Uban sa tanan nimong halad, maghalad ikaw ug asin.

Levitico 23:13

Ang halad nga pagkaon uban niini, nga duha sa napulo ka bahin sa usa ka epha nga pinong harina nga sinagolan ug lana, ihalad kini pinaagi sa kalayo alang sa Ginoo, usa ka kahumot. Ug ang halad nga ilimnon ikaupat nga bahin sa usa ka hin nga bino.

Levitico 4:32

“Kon magdala siya ug nating karnero ingon nga iyang halad alang sa halad tungod sa sala, kinahanglan nga baye nga walay tatsa ang iyang dad-on.

Levitico 9:1

Sa ikawalo nga adlaw, gitawag ni Moises si Aaron ug ang iyang mga anak nga lalaki ug ang mga kadagkoan sa Israel.

Numeros 28:20

Ug ang ilang halad nga pagkaon, pinong harina nga sinagolan ug lana: tulo ka ikanapulo nga bahin sa epha inyong ihalad alang sa usa ka torong baka, duha ka ikanapulo nga bahin sa epha alang sa laking karnero,

Numeros 6:14

Ug ihalad niya ang iyang halad sa Ginoo, usa ka nating karnero nga laki nga usa ka tuig ang kagulangon nga walay tatsa ingon nga halad nga sunogon ug usa ka nating karnero nga baye nga usa ka tuig ang kagulangon nga walay tatsa ingon nga halad tungod sa sala ug usa ka laking karnero nga walay tatsa ingon nga halad sa pakigdait,

Numeros 7:43

Ang iyang halad usa ka bandihado nga plata nga ang gibug-aton 130 ka siklo ug usa ka planggana nga plata ang gibug-aton 70 ka siklo, sumala sa siklo sa balaang dapit, ang duha puno sa pinong harina nga sinagolan ug lana alang sa halad nga pagkaon,

Mateo 8:4

Unya si Jesus miingon kaniya, “Bantayi nga walay si bisan kinsa nga imong suginlan, ug lakaw ug pagpatan-aw sa pari ug himoa ang halad nga gisugo ni Moises ingon nga pagpamatuod ngadto sa katawhan.”

Marcos 1:44

ug miingon kaniya, “Bantayi nga wala ka gayoy isulti kang bisan kinsa apan lakaw, ipakita ang imong kaugalingon ngadto sa pari ug himoa ang halad nga gisugo ni Moises mahitungod sa imong pagkahinlo, ingon nga pagpamatuod ngadto sa katawhan.”

Lucas 5:14

Unya gimandoan siya ni Jesus, “Ayaw panugilon kang bisan kinsa, apan lakaw ug pakita ngadto sa pari ug himoa ang halad pahinungod sa imong pagkahinlo sumala sa gisugo ni Moises, ingon nga pagpamatuod ngadto sa katawhan.”

Juan 1:29

Sa pagkasunod nga adlaw iyang nakita si Jesus nga nagpaingon kaniya ug siya miingon, “Tan-awa, ang Nating Karnero sa Dios, ang nagkuha sa sala sa kalibotan!

Juan 6:33

Kay ang pan sa Dios mao kadtong nanaog gikan sa langit ug naghatag ug kinabuhi ngadto sa kalibotan.”

Juan 6:51

Ako mao ang buhing pan nga nanaog gikan sa langit. Si bisan kinsa nga mokaon niining maong pan, mabuhi sa dayon ug ang pan nga akong ihatag alang sa kinabuhi sa kalibotan mao ang akong unod.”

1 Pedro 1:19

kondili pinaagi sa bililhong dugo ni Cristo, sama sa dugo sa nating karnero nga walay buling o mansa.