Levitico 13:6

Ang Biblia 2011

Sa ikapito nga adlaw ang pari maghiling kaniya pag-usab ug kon daw milagom ang sakit ug nga wala mokaylap sa panit, ang pari magpahibalo nga siya hinlo na ug nga kini nuka lamang, unya labhan niya ang iyang mga bisti ug siya mahinlo.

Cross References

1 Mga Hari 8:38

bisan unsa nga pag-ampo o pakiluoy nga himoon sa bisan kinsang tawo o sa tibuok nimong katawhan nga Israel, matag usa nahibalo sa kasakit sa iyang kaugalingong kasingkasing ug magbayaw sa iyang mga kamot nganhi niining balaya,

1 Mga Hari 8:45

pamatia diha sa langit ang ilang pag-ampo ug ang ilang pagpakiluoy ug labani ang ilang katungod.

Salmo 19:12

Kinsa ba ang makaila sa iyang mga sayop? Hinloi ako gikan sa mga sala nga natago.

Mga Panultihon 20:9

Kinsay makaingon, “Akong gihimo ang akong kasingkasing nga hinlo; ako putli gikan sa akong sala”?

Ecclesiastes 7:20

Wala gayoy tawo nga matarong ibabaw sa yuta nga nagbuhat ug maayo ug wala magpakasala.

Isaias 42:3

sa usa ka nabuak nga bagakay dili siya mobali, ug sa usa ka nagpid-ok nga pabilo dili siya mopalong; siya sa matinud-anon nga magdala ug hustisya.

Levitico 11:25

Ug si bisan kinsa nga magdala ug bahin sa patayng lawas niini, kinahanglang manglaba sa iyang mga bisti ug hugaw siya hangtod sa pagkakilomkilom.

Levitico 11:28

Ang magdala ug patayng lawas niini, kinahanglang manglaba sa iyang mga bisti, ug magpabilin siyang hugaw hangtod sa hapon. Kini hugaw alang kaninyo.

Levitico 11:40

Ug ang magkaon sa patayng lawas niini, kinahanglan nga manglaba sa iyang mga bisti ug hugaw siya hangtod sa pagkakilomkilom. Ang magpas-an usab sa patayng lawas niini, kinahanglang manglaba sa iyang mga bisti ug hugaw siya hangtod sa pagkakilomkilom.

Levitico 13:2

“Kon ang tawo adunay hubag sa panit sa iyang lawas o nuka o lipagha ug kini mahimong sakit nga sanla sa panit sa iyang lawas, kinahanglang dad-on siya ngadto kang Aaron nga pari o ngadto sa usa sa mga pari nga iyang mga anak.

Levitico 13:5

Ug sa ikapito nga adlaw ang pari maghiling kaniya ug kon sa iyang pagtan-aw ang sakit mihunong ug kini wala mokaylap sa panit, ang pari maglain kaniya pag-usab sulod sa pito ka adlaw.

Levitico 13:7

Apan kon ang nuka mokaylap sa panit human siya magpakita sa pari aron sa pagpahinlo kaniya, kinahanglang magpakita siya pag-usab sa pari.

Levitico 14:8

Ug kadtong hinloan manglaba sa iyang mga bisti ug kiskison niya ang tanan niyang buhok ug maligo siya sa tubig ug mahinlo siya. Ug human niana mosulod siya sa kampo apan mopuyo siya sa gawas sa iyang tolda sulod sa pito ka adlaw.

Roma 14:1

Mahitungod sa tawo nga luya ug pagtuo, dawata ninyo siya, dili sa pakiglalis bahin sa mga katarongan.

2 Mga Taga-Corinto 7:1

Kay nakabaton man kita niining maong mga saad, mga hinigugma, hinloan nato ang atong kaugalingon sa tanang kahugaw sa unod ug sa espiritu, ug hingpiton nato ang pagkabalaan diha sa pagkahadlok sa Dios.

Deuteronomio 32:5

Nagpakasala sila kaniya, dili na sila iyang mga anak tungod sa ilang sala; sila usa ka sukwahi ug hiwi nga kaliwatan.

Mga Hebreo 10:22

busa manuol kita sa Dios uban ang matinud-anon nga kasingkasing uban sa hingpit nga kasigurohan sa pagtuo, human mahinlo ang atong mga kasingkasing pinaagi sa pagbisibis gikan sa daotan nga tanlag ug human mahugasi ang atong mga lawas sa lunsay nga tubig.

Mga Hebreo 9:10

sila may kalabotan lamang mahitungod sa mga pagkaon ug ilimnon ug sa nagkalainlaing mga pagpanghugas, mga tulumanon alang sa lawas nga gipahamtang aron tumanon hangtod sa panahon sa pagbag-o.

Santiago 3:2

Kay kitang tanan mangasayop man sa daghang paagi, ug kon aduna may tawo nga dili masayop sa iyang pagpanulti, hamtong siya nga tawo, makapugong sa tibuok lawas usab.