Levitico 13:5

Ang Biblia 2011

Ug sa ikapito nga adlaw ang pari maghiling kaniya ug kon sa iyang pagtan-aw ang sakit mihunong ug kini wala mokaylap sa panit, ang pari maglain kaniya pag-usab sulod sa pito ka adlaw.

Cross References

Exodo 29:30

Ang anak nga lalaki nga mopuli kaniya sa pagkapari kinahanglan nga magsul-ob niini sulod sa pito ka adlaw sa dihang mosulod siya sa tolda nga tagboanan aron sa pag-alagad diha sa balaan nga dapit.

Levitico 13:4

Apan kon ang lipagha puti diha sa panit sa iyang lawas ug makita nga kini anaa lamang sa panit ug ang balhibo wala moputi, ang pari maglain sa tawo nga may sakit sulod sa pito ka adlaw.

Levitico 13:6

Sa ikapito nga adlaw ang pari maghiling kaniya pag-usab ug kon daw milagom ang sakit ug nga wala mokaylap sa panit, ang pari magpahibalo nga siya hinlo na ug nga kini nuka lamang, unya labhan niya ang iyang mga bisti ug siya mahinlo.

Levitico 14:8

Ug kadtong hinloan manglaba sa iyang mga bisti ug kiskison niya ang tanan niyang buhok ug maligo siya sa tubig ug mahinlo siya. Ug human niana mosulod siya sa kampo apan mopuyo siya sa gawas sa iyang tolda sulod sa pito ka adlaw.