Levitico 13:46

Ang Biblia 2011

Siya magpabilin nga hugaw sa tibuok nga panahon nga anaa pa kaniya ang sakit, hugaw siya. Magpuyo siya nga mag-inusara sa puluy-anan gawas sa kampo.

Cross References

2 Samuel 3:29

Mahiadto unta sa ulo ni Joab, ug sa ibabaw sa tibuok panimalay sa iyang amahan, ug dili unta kawad-an ang banay ni Joab ug tawo nga may nag-agos o usa ka sanlahon o kadtong magkupot sa kalinyas o kadtong mapukan pinaagi sa espada o kadtong makabsan ug pan!”

2 Mga Hari 15:5

Ug gisilotan sa Ginoo ang hari, mao nga siya nahimong usa ka sanlahon hangtod sa adlaw sa iyang kamatayon ug nagpuyo siya sa lain nga balay. Ug si Jotam nga anak sa hari maoy nagdumala sa panimalay, nangulo sa katawhan sa yuta.

2 Mga Hari 7:3

Karon dihay upat ka tawong sanlahon sa tugkaran sa ganghaan ug sila nag-ingon sa usa ug usa, “Nganong manglingkod man kita dinhi hangtod nga kita mangamatay?

2 Cronicas 26:21

Si Hari Uzias sanlahon hangtod sa adlaw sa iyang kamatayon, ug ingon nga sanlahon nagpuyo siya sa usa ka linain nga balay tungod kay wala siya pasudla sa balay sa Ginoo. Si Jotam nga iyang anak maoy nagdumala sa balay sa hari, nagdumala sa katawhan sa yuta.

Mga Panultihon 30:12

Adunay putli diha sa ilang kaugalingong mga mata, apan wala mahinloi sa ilang pagkahugaw.

Mga Pagbangotan 1:1

Pagkamingaw sa siyudad nga kaniadto puno sa mga tawo! Nahimo siya nga sama sa usa ka biyuda, siya nga kaniadto bantogan taliwala sa mga kanasoran! Siya nga kaniadto usa ka prinsesa taliwala sa mga lalawigan nahimo nga usa ka sakop.

Mga Pagbangotan 1:8

Ang Jerusalem nakasala ug dako busa siya nahimong talamayon; ang tanan nga nagpasidungog kaniya nagbiaybiay kaniya, kay nakita nila ang iyang pagkahubo; Oo, siya nag-agulo, ug gilingiw ang iyang nawong.

Mga Pagbangotan 4:15

“Pamahawa kamo, mga hugaw!” ang mga tawo misinggit kanila; “Pahawa! Pahawa! Ayaw paghikap!” Busa nahimo silang mga layas ug libod-suroy; ang mga tawo miingon taliwala sa kanasoran, “Dili na sila makapuyo uban kanato.”

Levitico 13:47

“Kon adunay agup-op diha sa bisti, balhibo man o lino nga bisti,

Levitico 14:3

Ug ang pari mogula sa kampo ug ang pari maghimo ug paghiling. Unya kon makita nga ang sakit sa sanlahon maayo na,

Levitico 23:29

Kay si bisan kinsa nga dili maghikaw sa iyang kaugalingon niining adlawa, ipahimulag gikan sa iyang katawhan.

Lucas 17:12

Ug sa pagsulod niya sa usa ka balangay, siya gisugat sa napulo ka tawong sanlahon nga nagtindog sa layo,

1 Mga Taga-Corinto 5:5

itugyan ninyo kanang tawhana ngadto kang Satanas aron malaglag ang iyang lawas, aron maluwas ang iyang espiritu unya sa adlaw sa Ginoo.

2 Mga Taga-Tesalonica 3:14

Kon aduna may magdumili sa pagtuman sa among gisulti niining sulata, timan-i ninyo kanang tawhana ug ayaw pakig-uban kaniya aron siya mobati ug kaulaw.

2 Mga Taga-Tesalonica 3:6

Karon, mga igsoon, sa ngalan sa atong Ginoong Jesu-Cristo, kami magsugo kaninyo nga magpalayo kamo gikan sa tanang igsoon nga nagkinabuhi nga tapolan ug dili sumala sa pagtulun-an nga inyong nadawat gikan kanamo.

1 Timoteo 6:5

ug paglalisay sa mga tawo nga dunot ug panghunahuna ug nakabsan sa kamatuoran, nagdahom nga ang pagkadiosnon maoy paagi sa pagpadato.

Gipadayag 21:27

Apan dinhi niini walay bisan unsa nga hugaw nga pasudlon, ang naghimo ug mga dulumtanan o bakak, kondili sila lamang nga nasulat diha sa basahon sa kinabuhi nga iya sa Nating Karnero.

Gipadayag 22:15

Sa gawas anaa ang mga iro, ang mga salamangkiro, ang mga makihilawason, ang mga mamumuno, ang mga nagsimba ug mga diosdios, ug ang tanang nahigugma ug naghimo sa bakak.