Levitico 12:8

Ang Biblia 2011

Kon dili siya makaabot sa pagdala ug usa ka nating karnero, magdala siya ug duha ka tukmo o duha ka kuyabog sa salampati, ang usa alang sa halad nga sunogon ug ang usa sa halad tungod sa sala. Ug ang pari maghimo sa pagtabon sa sala alang kaniya ug mahinlo siya.”

Cross References

Levitico 1:14

“Kon ang iyang halad alang sa Ginoo usa ka halad nga sunogon nga mga langgam, kinahanglan nga ang iyang ihalad tukmo o mga kuyabog sa salampati.

Levitico 12:7

Ang pari maghalad niini sa atubangan sa Ginoo ug maghimo sa halad sa pagtabon sa sala alang kaniya ug mahinlo siya gikan sa pagpangagi sa iyang dugo. Kini mao ang balaod alang kaniya nga manganak ug lalaki o babaye.

Levitico 13:1

Ang Ginoo miingon kang Moises ug kang Aaron,

Levitico 14:21

“Apan kon siya kabos ug dili makaabot sa igo, magkuha siya ug usa ka nating karnero nga laki alang sa halad tungod sa paglapas nga ibayaw aron sa paghimo ug pagtabon sa sala alang kaniya ug pinong harina nga ikanapulo nga bahin sa usa ka epha nga sinagolan ug lana alang sa halad nga pagkaon ug usa ka takos nga lana,

Levitico 14:22

ug duha ka tukmo o duha ka kuyabog sa salampati nga iyang maabot, ang usa alang sa halad tungod sa sala ug ang usa alang sa halad nga sunogon.

Levitico 15:14

Sa ikawalo nga adlaw magkuha siya ug duha ka tukmo o duha ka kuyabog sa salampati ug moadto siya sa atubangan sa Ginoo sa pultahan sa tolda nga tagboanan ug kini ihatag niya sa pari.

Levitico 15:15

Ang pari maghalad niini, ang usa ingon nga halad tungod sa sala ug ang usa ingon nga halad nga sunogon. Ug ang pari maghimo sa pagtabon sa sala alang kaniya sa atubangan sa Ginoo tungod sa iyang pag-agos.

Levitico 15:29

Sa ikawalo nga adlaw magkuha siya ug duha ka tukmo o duha ka kuyabog sa salampati ug dad-on niya kini ngadto sa pari didto sa pultahan sa tolda nga tagboanan.

Levitico 4:26

Ug sunogon niya ang tanan nga tambok niini sa ibabaw sa halaran sama sa tambok sa inihaw nga halad sa pakigdait. Busa ang pari maghimo ug pagtabon sa sala alang kaniya, alang sa iyang sala, ug pasayloon siya.

Levitico 5:11

“Apan kon dili siya makaabot sa pagdala ug duha ka tukmo o duha ka kuyabog sa salampati, ingon nga halad tungod sa sala nga iyang nahimo, magdala siya ug ikanapulo nga bahin sa usa ka epha nga pinong harina alang sa halad tungod sa sala. Dili niya kini butangan ug lana o butangan ug insenso kay kini halad tungod sa sala.

Levitico 5:7

“Apan kon siya dili makaabot sa pagdala ug usa ka nating karnero, magdala siya ug duha ka tukmo o duha ka kuyabog sa salampati ingon nga halad tungod sa paglapas alang sa Ginoo tungod sa sala nga iyang nahimo, ang usa ingon nga halad tungod sa sala ug ang usa ingon nga halad nga sunogon.

Mateo 21:12

Unya si Jesus misulod sa Templo ug iyang gihinginlan ang tanang namaligya ug namalit diha sa Templo ug iyang gipanglimbuwad ang mga lamisa sa mga tigpangilis ug salapi ug ang mga lingkoranan sa mga namaligya ug salampati.

2 Mga Taga-Corinto 8:9

Kay kamo nasayod sa grasya sa atong Ginoong Jesu-Cristo, nga bisan tuod siya dato, siya nahimong kabos tungod ug alang kaninyo aron nga pinaagi sa iyang kakabos kamo mahimong dato.