Levitico 12:6

Ang Biblia 2011

“Kon ang mga adlaw sa pagputli kaniya matuman na, tungod ba sa anak nga lalaki o tungod sa anak nga babaye, kinahanglang magdala siya ug usa ka nating karnero nga usa ka tuig ang kagulangon ingon nga halad nga sunogon, ug usa ka kuyabog sa salampati o usa ka tukmo ingon nga halad tungod sa sala. Dad-on kini ngadto sa pultahan sa tolda nga tagboanan ngadto sa pari.

Cross References

Genesis 15:9

Ug siya miingon kaniya, “Dad-i ako ug usa ka baye nga nating baka nga tulo na ka tuig, usa ka kanding nga baye nga tulo na ka tuig, usa ka karnero nga laki nga tulo na ka tuig, usa ka tukmo ug usa ka salampati nga bata pa.”

Levitico 12:2

“Sultihi ang katawhan sa Israel: Kon ang babaye magsamkon ug manganak ug batang lalaki, mahugaw siya sulod sa pito ka adlaw, sama sa panahon sa iyang binulan nga pagdugo, mahugaw siya.

Levitico 12:5

Apan kon manganak siya ug babaye, mahugaw siya sulod sa duha ka semana, sama sa iyang binulan nga pagdugo ug sulod sa 66 ka adlaw, ug siya magpadayon sa pagpaputli tungod sa iyang dugo.

Levitico 12:7

Ang pari maghalad niini sa atubangan sa Ginoo ug maghimo sa halad sa pagtabon sa sala alang kaniya ug mahinlo siya gikan sa pagpangagi sa iyang dugo. Kini mao ang balaod alang kaniya nga manganak ug lalaki o babaye.

Levitico 14:22

ug duha ka tukmo o duha ka kuyabog sa salampati nga iyang maabot, ang usa alang sa halad tungod sa sala ug ang usa alang sa halad nga sunogon.

Levitico 15:14

Sa ikawalo nga adlaw magkuha siya ug duha ka tukmo o duha ka kuyabog sa salampati ug moadto siya sa atubangan sa Ginoo sa pultahan sa tolda nga tagboanan ug kini ihatag niya sa pari.

Levitico 15:29

Sa ikawalo nga adlaw magkuha siya ug duha ka tukmo o duha ka kuyabog sa salampati ug dad-on niya kini ngadto sa pari didto sa pultahan sa tolda nga tagboanan.

Numeros 6:10

Sa ikawalo nga adlaw magdala siya ug duha ka tukmo o duha ka kuyabog sa salampati ngadto sa pari didto sa pultahan sa tolda nga tagboanan.

Lucas 2:22

Sa pag-abot na sa panahon alang sa ilang pagputli sumala sa Balaod ni Moises, ilang gidala ang bata ngadto sa Jerusalem aron ihalad siya ngadto sa Ginoo,

Juan 1:29

Sa pagkasunod nga adlaw iyang nakita si Jesus nga nagpaingon kaniya ug siya miingon, “Tan-awa, ang Nating Karnero sa Dios, ang nagkuha sa sala sa kalibotan!

2 Mga Taga-Corinto 5:21

Tungod kanato si Cristo nga wala makasinati ug sala gihimo niya nga sala, aron diha kang Cristo mahimo kitang pagkamatarong sa Dios.

Mga Hebreo 7:26

Kay angay alang kanato ang maong labawng pangulong pari, balaan, walay sala, walay lama, linain gikan sa mga makasasala, tinuboy ngadto sa kahitas-an labaw pa sa kalangitan.