Levitico 12:3

Ang Biblia 2011

Ug sa ikawalo nga adlaw tulion ang unod sa yamis sa bata.

Cross References

Exodo 22:30

Buhata usab ninyo kini sa inyong mga baka ug sa inyong mga karnero. Pito ka adlaw nga magpabilin ang kamagulangan diha sa iyang inahan ug sa ikawalo nga adlaw, ihatag kini kanako.

Levitico 12:4

Unya ang inahan magpadayon sulod sa 33 ka adlaw sa pagpaputli tungod sa iyang dugo. Dili siya makahikap sa bisan unsang butang nga balaan o makaadto sa balaang dapit hangtod nga matuman ang mga adlaw sa pagputli kaniya.

Levitico 15:3

Kini mao ang balaod sa iyang pagkahugaw tungod sa nag-agos kaniya, nagpadayon man kini pag-agos sa iyang lawas o miundang ba hinuon, kini hugaw diha kaniya.

Lucas 1:59

Ug sa ikawalo nga adlaw sila nangabot aron sa pagtuli sa bata, ug nganlan unta nila siya ug Zacarias, sama sa iyang amahan.

Lucas 2:21

Sa milabay na ang walo ka adlaw, sa dihang gituli siya, ilang ginganlan siya ug Jesus, ang ngalan nga gihatag kaniya sa anghel sa wala pa siya isamkon.

Mga Buhat 15:1

Apan dihay pipila ka tawo nga miabot gikan sa Judea ug nagtudlo sa kaigsoonan, “Gawas kon matuli kamo sumala sa batasan ni Moises, dili kamo maluwas.”

Roma 3:19

Karon nahibalo kita nga bisan unsay gisulti sa Balaod, kini gisulti ngadto kanila nga nailalom sa Balaod aron ang matag baba matak-om ug aron ang tibuok kalibotan mailalom sa paghukom sa Dios.

Mga Taga-Galacia 3:17

Apan ako magsulti niini: ang Balaod nga ulahing miabot human sa 430 ka tuig, dili makasalikway sa kasabotan nga giuyonan nang daan sa Dios, aron nga mapapas ang saad.

Mga Taga-Galacia 5:3

Ako magsulti pag-usab sa matag usa ka tawo nga nagpatuli, nga siya nailalom sa katungdanan sa pagtuman sa tibuok nga Balaod.

Deuteronomio 30:6

Ug ang Ginoo nga inyong Dios magbag-o sa inyong kasingkasing ug sa kasingkasing sa inyong kaliwatan aron inyong higugmaon ang Ginoo nga inyong Dios sa tibuok ninyong kasingkasing ug sa tibuok ninyong kalag aron mabuhi kamo.

Mga Taga-Filipos 3:5

Gituli ako sa ikawalo nga adlaw, gikan sa kaliwatan ni Israel, sa banay ni Benjamin, Hebreo nga gikan sa mga Hebreo, sumala sa Balaod, usa ka Pariseo.

Mga Taga-Colosas 2:11

Diha kaniya usab kamo natuli sa pagtuli nga dili hinimo sa mga kamot, pinaagi sa paghukas sa unodnon nga lawas diha sa pagtuli nga pinaagi kang Cristo,