Levitico 12:2

Ang Biblia 2011

“Sultihi ang katawhan sa Israel: Kon ang babaye magsamkon ug manganak ug batang lalaki, mahugaw siya sulod sa pito ka adlaw, sama sa panahon sa iyang binulan nga pagdugo, mahugaw siya.

Cross References

Genesis 1:28

Ug gipanalanginan sila sa Dios, ug ang Dios miingon kanila, “Sanay kamo ug panaghan, ug lukpa ang yuta ug dumalaha kini ug kamo ang maggahom ibabaw sa mga isda sa dagat, ug sa mga langgam sa kalangitan, ug sa tanan nga buhing binuhat nga naglihok sa ibabaw sa yuta.”

Genesis 3:16

Ngadto sa babaye miingon siya, “Padaghanon nako pag-ayo ang kasakit sa imong pagpanamkon ug sa kasakit ikaw magpahimugso ug mga anak, apan mangandoy gihapon ikaw sa imong bana ug siya magbuot kanimo.”

2 Samuel 11:4

Busa si David nagpadala ug mga sinugo, ug gikuha siya, ug siya miadto kaniya ug si David nakigdulog kaniya. (Niadtong tungora si Batseba nahinloan na gikan sa iyang pagkahugaw.) Unya siya mipauli sa iyang balay.

Job 14:4

Kinsa ang makadala ug usa ka hinlo nga butang gikan sa hugaw? Walay bisan usa.

Job 15:14

Unsa ba ang tawo nga mahimo siyang hinlo? O siya nga gipanganak sa babaye nga mahimo siyang matarong?

Job 25:4

Unsaon man sa tawo sa pagkahimong matarong atubangan sa Dios? Unsaon man pagkahinlo niya nga natawo sa usa ka babaye?

Salmo 51:5

Tan-awa, natawo ako diha sa kasal-anan, ug sa sala gipanamkon ako sa akong inahan.

Levitico 12:1

Ang Ginoo miingon kang Moises,

Levitico 12:5

Apan kon manganak siya ug babaye, mahugaw siya sulod sa duha ka semana, sama sa iyang binulan nga pagdugo ug sulod sa 66 ka adlaw, ug siya magpadayon sa pagpaputli tungod sa iyang dugo.

Levitico 15:19

“Kon ang babaye abotan sa iyang binulan nga pagdugo, hugaw siya sulod sa pito ka adlaw, ug si bisan kinsa nga makahikap kaniya hugaw hangtod sa pagkakilomkilom.

Levitico 18:19

“Ayaw pagduol sa usa ka babaye aron sa pagbukas sa iyang pagkahubo samtang anaa pa siya sa iyang binulan nga pagkahugaw.

Levitico 5:3

O kon makahikap siya ug hugaw sa tawo, sa bisan unsa nga kahugaw nga makahugaw sa tawo ug siya wala mahibalo niini, kon mahibaloan na niya kini, siya sad-an.

Lucas 2:22

Sa pag-abot na sa panahon alang sa ilang pagputli sumala sa Balaod ni Moises, ilang gidala ang bata ngadto sa Jerusalem aron ihalad siya ngadto sa Ginoo,