Levitico 11:44

Ang Biblia 2011

Kay ako mao ang Ginoo nga inyong Dios. Balaana ninyo ang inyong kaugalingon ug pagbalaan kamo kay ako balaan man. Ayaw ninyo hugawi ang inyong kaugalingon sa bisan unsa nga mananap nga nagkamang sa ibabaw sa yuta.

Cross References

Salmo 99:5

Bayawa ninyo ang Ginoo nga atong Dios; simba kamo didto sa tumbanan sa iyang mga tiil! Balaan siya!

Salmo 99:9

Bayawa ninyo ang Ginoo nga atong Dios, ug simba kamo didto sa iyang balaan nga bungtod; kay ang Ginoo nga atong Dios balaan!

Exodo 16:12

“Ako nakadungog sa mga pagbagulbol sa katawhan sa Israel. Ingna sila, ‘Sa pagkagabii mangaon kamo ug unod ug sa pagkabuntag mangabusog kamo sa pan, unya mahibalo kamo nga ako mao ang Ginoo nga inyong Dios.’ ”

Exodo 19:10

Ug ang Ginoo miingon kang Moises, “Adtoa ang katawhan ug balaana sila karon ug ugma ug palabhi kanila ang ilang mga bisti.

Exodo 19:6

Ug alang kanako kamo mahimo nga usa ka gingharian sa mga pari, ug usa ka balaan nga nasod. Kini mao ang mga pulong nga imong isulti sa mga anak sa Israel.”

Exodo 20:2

“Ako mao ang Ginoo nga inyong Dios nga nagkuha kaninyo gikan sa yuta sa Ehipto, gikan sa dapit sa kaulipnan.

Exodo 22:30

Buhata usab ninyo kini sa inyong mga baka ug sa inyong mga karnero. Pito ka adlaw nga magpabilin ang kamagulangan diha sa iyang inahan ug sa ikawalo nga adlaw, ihatag kini kanako.

Exodo 22:31

“Kamo mahimong mga tawo nga balaan alang kanako busa ayaw kamo pangaon ug unod nga gikuniskunis sa mga mananap nga ihalas sa kapatagan, ilabay ninyo kini ngadto sa mga iro.

Exodo 23:25

Kinahanglan nga mag-alagad kamo sa Ginoo nga inyong Dios ug ako magpanalangin sa inyong pan ug sa inyong tubig ug kuhaon nako ang sakit gikan kaninyo.

Exodo 6:7

Kuhaon ko kamo ingon nga akong katawhan ug ako mahimo nga inyong Dios. Ug kamo mahibalo nga ako, ang Ginoo nga inyong Dios, nagpagula kaninyo gikan sa mga kabug-at nga gipapas-an kaninyo sa mga Ehiptohanon.

Isaias 43:3

Kay ako mao ang Ginoo nga imong Dios, ang Balaan sa Israel, ang imong Manluluwas. Gihatag nako ang Ehipto ingon nga imong lukat, ang Etiopia ug ang Seba ingon nga puli alang kanimo.

Isaias 51:15

Kay ako mao ang Ginoo nga imong Dios, nga nagkutaw sa dagat aron ang mga balod niini magdahunog— si Yahweh sa mga panon mao ang iyang ngalan.

Levitico 10:3

Unya si Moises miingon kang Aaron, “Kini mao ang gisulti sa Ginoo, ‘Ipakita nako ang akong kaugalingon nga balaan ngadto kanila nga duol kanako, ug sa atubangan sa tibuok nga katawhan himayaon ako.’ ” Ug si Aaron naghilom lamang.

Levitico 11:43

Ayaw ninyo himoang dulumtanan ang inyong mga kaugalingon pinaagi sa bisan unsa nga mananap nga nagkamang, ayaw usab ninyo bulingi ang inyong kaugalingon pinaagi niini aron dili kamo mahugawan.

Levitico 18:2

“Sultihi ang katawhan sa Israel nga ako ang Ginoo nga inyong Dios.

Levitico 19:10

Ayaw hagdawi ang inyong parasan, ayaw usab pamunita ang mga bunga nga nahulog sa parasan; ibilin kini alang sa mga kabos ug sa dumuduong. Ako mao ang Ginoo nga inyong Dios.

Levitico 19:2

“Sultihi ang tibuok nga katilingban sa katawhan sa Israel: Pagbalaan kamo kay ako nga mao ang Ginoo nga inyong Dios balaan.

Levitico 19:3

Kamong tanan kinahanglang magtahod sa iyang inahan ug sa iyang amahan ug tumana ang akong mga adlaw nga igpapahulay. Ako mao ang Ginoo nga inyong Dios.

Levitico 19:4

Ayaw kamo pagdangop ngadto sa mga larawan ug ayaw usab kamo pagbuhat alang kaninyo ug mga dios nga tinunaw. Ako mao ang Ginoo nga inyong Dios.

Levitico 20:26

Magbalaan kamo alang kanako kay ako, ang Ginoo, balaan, ug naglain kaninyo gikan sa mga katawhan aron mahimong akoa.

Levitico 20:7

Busa ihalad ang inyong kaugalingon ug pagbalaan kamo kay ako mao ang Ginoo nga inyong Dios.

Levitico 21:8

Busa balaanon nimo siya kay siya man ang maghalad sa pan alang sa inyong Dios, balaan siya alang kaninyo, kay ako, ang Ginoo nga nagbalaan kaninyo, balaan.

Amos 3:3

“Magkakuyog ba sa pagpanglakaw ang duha ka tawo gawas kon sila magkasabot?

Numeros 15:40

Busa hinumdomi ug buhata ninyo ang tanan nakong kasugoan ug magbalaan kamo alang sa inyong Dios.

Mateo 5:48

Busa kinahanglang magmahingpit kamo ingon nga hingpit ang inyong Amahan nga langitnon.

Deuteronomio 14:2

Kay kamo usa ka katawhan nga balaan ngadto sa Ginoo nga inyong Dios ug ang Ginoo nagpili kaninyo aron mahimo nga usa ka katawhan alang sa iyang kaugalingong pagpanag-iya gikan sa tanan nga mga katawhan nga anaa sa ibabaw sa nawong sa yuta.

1 Mga Taga-Tesalonica 4:7

Kay ang Dios wala magtawag kanato alang sa kahugawan, kondili sa pagkabalaan.

Josue 24:19

Apan si Josue miingon sa katawhan, “Dili kamo makaalagad sa Ginoo kay siya balaan nga Dios. Siya Dios nga abubhoan; siya dili mopasaylo sa inyong mga kalapasan o sa inyong mga kasal-anan.

1 Pedro 2:9

Apan kamo mao ang usa ka pinili nga kaliwat, harianong pagkapari, ang balaan nga nasod, ang katawhan nga iya sa Dios, aron kamo magmantala sa kahibulongang mga buhat niya nga nagtawag kaninyo gikan sa kangitngit ngadto sa iyang katingalahang kahayag.

Gipadayag 22:11

Ang nagbuhat ug daotan pabuhata gihapon siya ug daotan ug ang hugaw papadayona gihapon sa pagkahugaw, ug ang matarong pabuhata gihapon ug matarong, ug ang balaan papadayona gihapon sa pagkabalaan.”

1 Samuel 2:2

“Walay laing balaan sama sa Ginoo, walay lain gawas kanimo; walay laing bato sama sa atong Dios.

1 Samuel 6:20

Unya ang mga tawo sa Bet-semes miingon, “Kinsa ba ang makahimo sa pagtindog sa atubangan sa Ginoo, kining balaan nga Dios? Ug kang kinsa man siya moadto aron kita makalikay kaniya?”