Levitico 11:42

Ang Biblia 2011

Ang tanan nga nagkamang pinaagi sa iyang tiyan ug ang tanan nga nagkamang pinaagi sa upat ka tiil o ang tanan nga adunay daghang mga tiil, ang tanan nga mananap nga nagkamang sa yuta, ayaw kamo pagkaon niana kay kini dulumtanan.

Cross References

Genesis 1:20

Unya ang Dios miingon, “Mapuno ang katubigan sa daghan nga buhing binuhat ug manglupad ang kalanggaman sa ibabaw sa yuta diha sa wanang sa kalangitan.”

Isaias 65:25

Ang lobo ug ang nating karnero magsalo sa pagsibsib, ug ang liyon mokaon sa dagami sama sa torong baka ug ang abog mahimong kan-onon sa bitin. Sila dili magdaot o maglaglag diha sa tibuok nakong bukid nga balaan, nag-ingon ang Ginoo.”

Levitico 11:41

“Ang tanan nga mananap nga nagkamang sa yuta dulumtanan, kini dili kaonon.

Levitico 11:43

Ayaw ninyo himoang dulumtanan ang inyong mga kaugalingon pinaagi sa bisan unsa nga mananap nga nagkamang, ayaw usab ninyo bulingi ang inyong kaugalingon pinaagi niini aron dili kamo mahugawan.

Miqueas 7:17

sila magtilap sa abog sama sa usa ka bitin, sama sa mga nagkamang sa yuta; sila manggula nga magkurog gikan sa ilang mga salipdanan; uban sa kahadlok moduol sila sa Ginoo nga atong Dios, ug sila mangalisang tungod kanimo.

Mateo 23:23

“Alaot kamong mga eskriba ug mga Pariseo, mga tigpakaaron-ingnon! Kay naghatag kamo ug ikapulo sa mga lamas, sa herbabuyna, sa anis ug sa kumino, apan wala kamo magtagad sa labaw pang mahinungdanong mga butang sa Balaod, ang hustisya, kaluoy, ug pagtuo. Kining mga butanga kinahanglan gayod unta nga inyong buhaton, sa walay pagpabaya sa uban.

Mateo 3:7

Apan sa pagtan-aw niya nga daghan sa mga Pariseo ug sa mga Saduceo ang miadto aron sa pagpabautismo, siya miingon kanila, “Kamong kaliwat sa mga bitin! Kinsa bay nagpasidaan kaninyo sa pag-ikyas gikan sa kapungot nga umaabot?

Juan 8:44

Kamo gikan sa inyong amahan nga mao ang yawa ug nagtinguha kamo sa pagbuhat sa kabubut-on sa inyong amahan. Siya mamumuno gayod sukad pa sa sinugdan, ug walay labot sa kamatuoran kay ang kamatuoran wala man diha kaniya. Sa dihang mamakak siya, magsulti siya tukma sa iyang kaugalingong kinaiya kay siya bakakon man ug amahan sa mga bakak.

2 Mga Taga-Corinto 11:13

Kay kining mga tawhana mga mini nga apostoles, limbongan nga mga magbubuhat, nagtakoban sa ilang kaugalingon ingon nga mga apostoles ni Cristo.

2 Mga Taga-Corinto 11:3

Apan nahadlok ako nga ingon nga ang bitin milimbong kang Eva pinaagi sa iyang pagkamalimbongon, ang inyong mga panghunahuna mahisalaag gikan sa inyong matinud-anon ug putli nga pag-alagad kang Cristo.

Tito 1:12

Usa kanila, nga ilang kaugalingong propeta, miingon, “Ang mga Cretanhon kanunay gayong bakakon, mga mananap nga daotan, mga palakaon nga tapolan.”