Levitico 10:9

Ang Biblia 2011

“Ayaw pag-inom ug bino o isog nga ilimnon, ikaw ug ang imong mga anak nga lalaki uban kanimo sa dihang kamo mosulod sa tolda nga tagboanan aron kamo dili mamatay. Kini usa ka lagda hangtod sa kahangtoran sa tanan ninyong mga kaliwatan.

Cross References

Exodo 27:21

Sulod sa tolda nga tagboanan sa gawas sa tabil nga anaa sa atubangan sa pagpamatuod, si Aaron ug ang iyang mga anak nga lalaki mao ang mag-atiman gikan sa hapon hangtod sa buntag atubangan sa Ginoo. Kini mahimong tulumanon hangtod sa kahangtoran nga tumanon sa katawhan sa Israel ngadto sa ilang mga kaliwatan.

Mga Panultihon 20:1

Ang bino tigbugalbugal, ang isog nga ilimnon tighimo ug kasamok, ug si bisan kinsa nga mahisalaag tungod niini dili maalamon.

Isaias 28:7

Kini usab sila nagsamparay tungod sa bino ug nagsusapinday tungod sa isog nga ilimnon; ang pari ug ang propeta nagsamparay tungod sa isog nga ilimnon, sila nangalibog tungod sa bino, sila nagsusapinday tungod sa isog nga ilimnon; sila nangasayop diha sa panan-aw, sila nangapandol diha sa paghukom.

Ezequiel 44:21

Walay pari nga moinom ug bino sa diha nga sila mosulod ngadto sa sulod nga hawanan.

Oseas 4:11

Ang bino ug ang bag-ong bino magkuha sa pagpanabot.

Levitico 10:8

Unya ang Ginoo misulti kang Aaron nga nag-ingon,

Levitico 3:17

Kini usa ka tulumanon nga dayon alang sa inyong mga kaliwatan, sa tanan ninyong mga puluy-anan, aron dili kamo magkaon ug tambok o dugo.”

Numeros 6:20

Ug ang pari magbayaw niini ingon nga halad nga binayaw sa atubangan sa Ginoo. Kini balaan nga bahin alang sa pari, uban sa dughan nga gibayaw ug sa paa nga gihalad. Ug sa human niini, mahimo nang moinom ug bino ang Nazareo.

Numeros 6:3

kinahanglan nga mobiya siya gikan sa bino ug sa isog nga ilimnon, dili siya moinom sa suka gikan sa bino o sa isog nga ilimnon, dili usab siya moinom ug bisan unsa nga duga sa paras o magkaon sa paras nga lab-as o binulad.

Lucas 1:15

kay siya mahimong bantogan sa atubangan sa Ginoo, dili siya moinom ug bino o isog nga ilimnon, ug siya mapuno sa Espiritu Santo, bisan sa diha pa siya sa tiyan sa iyang inahan.

Mga Taga-Efeso 5:18

Ug ayaw kamo paghubog sa bino, kay kana maoy pagpatuyang; hinuon magpapuno kamo sa Espiritu.

1 Timoteo 3:3

dili palahubog, dili tigpangdapat hinuon lumo, dili palaaway, ug dili mahigugmaon ug salapi.

1 Timoteo 3:8

Ang mga alagad usab sa iglesia kinahanglang magmaligdong, matinud-anon, dili tig-inom ug daghang bino, dili hakog sa salawayong pagpanapi.

1 Timoteo 5:23

Ayaw na pag-inom ug tubig lamang, kondili inom ug diyotay nga bino alang sa imong kutokuto ug sa imong kanunay nga pagsakit.

Tito 1:7

Kay ang pangulo sa iglesia, ingon nga piniyalan sa Dios, kinahanglang dili masaway, dili magpahimuot sa iyang kaugalingon, dili masuk-anon, dili hinginom ug bino, dili tigpangdapat, dili hinapi