Levitico 10:6

Ang Biblia 2011

Ug si Moises miingon kang Aaron ug kang Eleasar ug kang Itamar nga iyang mga anak, “Ayaw ninyo ipadunghay ang mga buhok sa inyong mga ulo, ayaw usab ninyo gisia ang inyong mga bisti kay tingali unya ug kamo mangamatay, ug aron dili usab moabot ang kaligutgot ngadto sa tibuok nga katilingban. Apan ang inyong mga igsoon, ang tibuok nga katawhan sa Israel, magsubo tungod sa pagsunog nga gibuhat sa Ginoo.

Cross References

2 Samuel 24:1

Misilaob na usab ang kasuko sa Ginoo batok sa Israel ug iyang gipalihok si David batok kanila nga nag-ingon, “Lakaw, ipha ang Israel ug ang Juda.”

Esdras 7:5

nga anak ni Abisua nga anak ni Pinehas nga anak ni Eleasar nga anak ni Aaron nga pangulong pari—

Exodo 33:5

Kay ang Ginoo miingon kang Moises, “Sultihi ang katawhan sa Israel, ‘Kamo katawhan nga tikig ug liog. Kon sa makadiyot motungas ako uban kaninyo, puohon ko gayod kamo. Busa karon tangtanga ang inyong mga alahas gikan kaninyo aron ako mahibalo sa akong buhaton kaninyo.’ ”

Exodo 6:23

Si Aaron nangasawa kang Eliseba, anak nga babaye ni Aminadab ug igsoon ni Nason. Ug gianak ni Eliseba kaniya si Nadab, si Abihu, si Eleasar ug si Itamar.

Jeremias 7:29

Putli ang imong buhok ug isalibay kini; pagbangutan didto sa hawan nga kabungtoran kay ang Ginoo misalikway ug mibiya sa kaliwatan sa iyang kapungot.’

Levitico 13:45

“Ang tawo nga adunay sanla kinahanglan nga magsul-ob ug gision nga bisti, padunghay ang buhok sa iyang ulo ug tabonan niya ang iyang ibabaw nga ngabil, ug magsinggit siya, ‘Hugaw, hugaw.’

Miqueas 1:16

Pagpaupaw kamo sa inyong kaugalingon ug putla ang inyong buhok alang sa mga anak sa inyong kalipay; pagpaupaw kamo sama sa agila, kay sila mobiya gikan kaninyo ngadto sa pagkabihag.

Numeros 1:53

Apan ang mga Levihanon magpahiluna libot sa tolda sa pagpamatuod, aron walay kaligutgot nga moabot sa katilingban sa katawhan sa Israel, ug ang mga Levihanon magdumala sa tolda sa pagpamatuod.”

Numeros 14:6

Ug si Josue nga anak ni Nun ug si Caleb nga anak ni Jefone, nga kauban niadtong mga naniid sa yuta, migisi sa ilang mga bisti

Numeros 16:22

Ug sila mihapa ug miingon “O Dios, ang Dios sa mga espiritu sa tanan nga unod, kon makasala ang usa ka tawo, masuko ba ikaw sa tibuok nga katilingban?”

Numeros 18:5

Ug tumana ninyo ang katungdanan sa dapit nga balaan ug ang katungdanan sa halaran, aron wala nay kasuko nga moabot pag-usab ngadto sa katawhan sa Israel.

Numeros 20:25

Dad-a si Aaron ug si Eleasar nga iyang anak ug patungasa sila sa Bukid sa Hor.

Numeros 5:18

Unya ang pari magpahimutang sa babaye sa atubangan sa Ginoo ug padunghayon ang buhok sa babaye, ug ibutang sa iyang kamot ang halad nga pagkaon alang sa handomanan nga mao ang halad nga pagkaon sa pangabubho, ug sa kamot sa pari anaa ang pait nga tubig nga magdala sa tunglo.

Deuteronomio 33:9

Siya nag-ingon mahitungod sa iyang amahan ug sa iyang inahan, ‘Wala ako magtahod kanila’; Wala siya moila sa iyang mga igsoon ug wala magpakabana sa iyang mga anak. Kay sila nagbantay sa imong pulong ug nagtuman sa imong kasabotan.

Josue 22:18

nga motalikod man kamo niining adlawa sa pagsunod sa Ginoo? Ug kon kamo mosukol sa Ginoo niining adlawa, ugma masuko siya sa tibuok nga katilingban sa Israel.

Josue 22:20

Wala ba makasala si Acan nga anak ni Zera sa butang nga ginahin ug ang tibuok nga katilingban sa Israel nahiagom sa kasuko sa Ginoo? Ug dili lamang kay siya ra ang namatay sa iyang sala.’ ”

Josue 7:1

Apan ang katawhan sa Israel nakasala sa butang nga ginahin, kay si Acan nga anak ni Carmi nga anak ni Zabdi nga anak ni Zera sa banay ni Juda, mikuhag mga butang nga ginahin ug ang kaligutgot sa Ginoo misilaob batok sa katawhan sa Israel.

Josue 7:11

Ang Israel nakasala. Nakalapas sila sa akong kasabotan nga akong gisugo kanila. Ilang gikuha ang ubang butang nga ginahin. Nangawat sila ug namakak ug gitipon nila kini sa ilang kaugalingon mga butang.