Levitico 10:2

Ang Biblia 2011

Ug may migula nga kalayo gikan sa atubangan sa Ginoo ug milamoy kanila ug nangamatay sila sa atubangan sa Ginoo.

Cross References

2 Samuel 6:7

Ug ang kasuko sa Ginoo misilaob batok kang Uzza ug ang Dios naglaglag kaniya didto tungod kay iyang gibutang ang iyang kamot sa sudlanan sa kasabotan ug didto namatay siya tupad sa sudlanan sa kasabotan sa Dios.

1 Mga Hari 13:28

Ug miadto siya ug iyang nakita ang lawas nga nasalibay sa dalan ug ang asno ug ang liyon nga nagtindog tupad sa lawas. Ang liyon wala mokaon sa lawas o magwataswatas sa asno.

1 Mga Hari 18:38

Unya ang kalayo sa Ginoo mikunsad, ug misunog sa halad nga sunogon ug sa kahoy ug sa mga bato ug sa abog, ug gihurot pagtilap ang tubig nga diha sa kanal.

2 Mga Hari 1:10

Apan si Elias mitubag sa pangulo sa tag-50, “Kon ako usa ka tawo sa Dios, pakanaogon unta ang kalayo gikan sa langit ug lamyon ikaw ug ang imong 50 ka tawo.” Ug dihay kalayo nga mikanaog gikan sa langit ug gilamoy siya ug ang iyang 50 ka tawo.

2 Mga Hari 1:12

Apan si Elias mitubag kanila, “Kon ako usa ka tawo sa Dios, pakanaogon unta ang kalayo gikan sa langit, ug ikaw lamyon ug ang imong 50 ka tawo.” Ug ang kalayo sa Dios mikanaog gikan sa langit ug gilamoy siya ug ang iyang 50 ka tawo.

1 Cronicas 13:10

Ug ang kasuko sa Ginoo misilaob batok kang Uza ug iyang gipatay siya tungod kay iya mang giisa ang iyang kamot ngadto sa sudlanan sa kasabotan ug didto namatay siya sa atubangan sa Ginoo.

1 Cronicas 15:13

Tungod kay kini wala ninyo dad-a sa unang higayon, ang Ginoo nga atong Dios nasuko kanato, tungod kay wala nato ampingi kini sumala sa paagi nga gitakda.”

1 Cronicas 24:2

Apan si Nadab ug si Abihu namatay una sa ilang amahan ug walay mga anak busa si Eleasar ug si Itamar nahimong mga pari.

Job 1:16

Samtang nagsulti pa siya, may lain na usab nga miabot ug miingon, “Ang kalayo sa Dios nahulog gikan sa langit, ug nasunog ang mga karnero ug ang mga sulugoon ug gihurot sila ug ako na lamang ang nakaikyas aron sa pagsugilon kanimo.”

Salmo 50:3

Ang atong Dios moanhi ug dili magpakahilom, sa iyang atubangan may nagdilaab nga kalayo, may dakong bagyo nga naglibot kaniya.

Exodo 24:1

Unya siya miingon kang Moises, “Tungas kamo ngari sa Ginoo, ikaw ug si Aaron, si Nadab ug si Abihu ug ang 70 ka kadagkoan sa Israel ug pagsimba kamo diha sa layo.

Isaias 30:33

Kay dugay na nga giandam ang usa ka dapit nga nagdilaab, alang sa hari kini giandam. Kini gihimo niya nga lalom ug dako, pinaagi sa kalayo ug daghang kahoy. Ang gininhawa sa Ginoo, sama sa usa ka sapa nga asupre, naghaling niini.

Levitico 10:5

Busa sila miduol, ug ginamit ang ilang mga bisti, gidala nila ang mga patay ngadto sa gawas sa kampo sumala sa giingon ni Moises.

Levitico 16:1

Ang Ginoo misulti kang Moises human mangamatay ang duha ka anak nga lalaki ni Aaron, sa diha nga miduol sila sa atubangan sa Ginoo ug nangamatay.

Levitico 9:24

Unya may kalayo nga migula gikan sa atubangan sa Ginoo, ug misunog sa halad nga sunogon ug sa mga tambok nga diha sa ibabaw sa halaran. Ug sa pagkakita sa tibuok nga katawhan niini naninggit sila ug nanghapa.

Numeros 14:37

ang maong mga tawo nga nagdala ug daotang taho mahitungod sa yuta, nangamatay pinaagi sa kamatay sa atubangan sa Ginoo.

Numeros 16:35

Ug migula ang kalayo gikan sa Ginoo ug milamoy sa 250 ka tawo nga naghalad sa insenso.

Numeros 16:49

Unya kadtong mga nangamatay pinaagi sa katalagman 14,700, wala pay labot sa mga nangamatay tungod sa hitabo ni Korah.

Numeros 26:61

Apan si Nadab ug si Abihu nangamatay sa diha nga mihalad sila ug dili balaan nga kalayo sa atubangan sa Ginoo.

Mga Buhat 5:10

Ug dihadiha natumba siya sa tiilan ni Pedro ug namatay. Sa pagsulod sa mga batan-ong lalaki, ilang nakita siya nga patay na ug giyayongan nila siya paingon sa gawas ug gilubong tupad sa iyang bana.

Mga Buhat 5:5

Sa pagkadungog ni Ananias niining mga pulonga, siya natumba ug namatay. Ug giabot ug dakong kahadlok ang tanang nakadungog niini.

1 Mga Taga-Corinto 10:11

Karon kining mga butanga nahitabo kanila ingon nga pasidaan ug gisulat alang sa pagtudlo kanato nga maabtan sa kataposan sa kapanahonan.

1 Samuel 6:19

Iyang gipatay ang pipila ka tawo sa Bet-semes tungod kay sila mitan-aw sa sulod sa sudlanan sa kasabotan sa Ginoo. Iyang gipatay ang 70 ka tawo gikan kanila, ug ang mga tawo nagbangotan tungod kay ang Ginoo naghimo ug dakong pagpamatay diha sa katawhan.