Levitico 10:19

Ang Biblia 2011

Ug si Aaron miingon kang Moises, “Tan-awa, naghalad sila karon sa ilang halad tungod sa sala, ug sa ilang halad nga sunogon sa atubangan sa Ginoo, apan nahitabo kanako kining mga butanga! Kon nakakaon pa ako karon sa halad tungod sa sala, dawaton ba kaha kini sa Ginoo?”

Cross References

Isaias 1:11

“Unsa man alang kanako ang gidaghanon sa inyong mga halad? nag-ingon ang Ginoo; nakabaton na ako ug igo nga mga halad nga sinunog nga mga laking karnero, ug tambok nga mga mananap nga pinakaon; dili ako mahimuot sa dugo sa mga torong baka, o sa mga nating karnero o sa mga laking kanding.

Isaias 1:15

Sa diha nga bayawon ninyo ang inyong mga kamot, tagoon nako ang akong mga mata gikan kaninyo; bisan ug maghimo pa kamo ug daghang mga pag-ampo, dili ako mamati; ang inyong mga kamot puno sa dugo.

Jeremias 14:12

Bisan pa ug magpuasa sila, dili ako mamati sa ilang pagtuaw ug bisan pa ug maghalad sila ug halad nga sunogon ug halad nga pagkaon, dili ako modawat niini apan puohon nako sila pinaagi sa espada, pinaagi sa gutom ug pinaagi sa kamatay.”

Jeremias 6:20

Sa unsang tuyo nga midangat kanako ang insenso gikan sa Seba, o ang tam-is nga tubo gikan sa layong dapit? Ang inyong halad nga sunogon dili madawat, o ang inyong mga halad makapahimuot kanako.

Oseas 9:4

Sila dili na magbubo ug mga halad nga bino alang sa Ginoo, ug sila dili makapahimuot kaniya pinaagi sa ilang mga halad. Ang ilang pan mahisama sa pan sa nagsubo; ang tanan nga mokaon niini mahugawan, kay ang ilang pan alang man sa ilang kagutom; kini dili dad-on ngadto sa balay sa Ginoo.

Levitico 10:20

Sa pagkadungog ni Moises niini, nakapahimuot kini kaniya.

Levitico 9:12

Gipatay ni Aaron ang halad nga sunogon ug ang dugo gitunol kaniya sa iyang mga anak nga lalaki ug iyang gisablig libot sa ibabaw sa halaran.

Levitico 9:8

Busa si Aaron miduol sa halaran ug gipatay niya ang nating baka nga halad tungod sa sala nga alang sa iyang kaugalingon.

Malaquias 1:10

Aduna untay usa kaninyo nga magtak-op sa mga pultahan aron dili kamo maghaling ug kalayo ibabaw sa akong halaran sa walay hinungdan! Wala akoy kahimuot kaninyo, nag-ingon ang Ginoo sa mga panon, ug dili ako modawat ug halad gikan sa inyong kamot.

Malaquias 1:13

‘Pagkakapoy ba niini,’ kamo nag-ingon ug nagkusmod kanako, nag-ingon ang Ginoo sa mga panon. Inyong gidala ang nakuha pinaagi sa pagpanlupig o ang piang o masakiton ug kini inyong gidala ingon nga inyong halad! Dawaton ba nako kana gikan sa inyong kamot? nag-ingon ang Ginoo.

Malaquias 2:13

Ug kini usab inyong gibuhat. Gitabonan ninyo ug mga luha ang halaran sa Ginoo, uban ang paghilak ug pag-agulo tungod kay siya wala na magtagad sa halad o modawat niini uban ang kahimuot gikan sa inyong kamot.

Deuteronomio 12:7

Ug didto pangaon kamo sa atubangan sa Ginoo nga inyong Dios ug paglipay kamo ug ang inyong panimalay, diha sa tanan ninyong gimbuhaton nga gipanalangin kaninyo sa Ginoo nga inyong Dios.

Deuteronomio 26:14

Wala ako mokaon sa ikapulo samtang ako nagbangutan o magkuha ug bisan usa gikan niini samtang ako hugaw o maghalad niini alang sa mga patay. Nagtuman ako sa tingog sa Ginoo nga akong Dios, nagbuhat ako sumala sa tanan nga gisugo nimo kanako.

Mga Taga-Filipos 4:4

Paglipay kamo kanunay diha sa Ginoo; usbon nako pag-ingon, paglipay kamo.

Mga Hebreo 7:27

Lahi sa uban nga mga labawng pangulong pari, siya wala magkinahanglan sa adlaw-adlaw nga paghimo ug mga paghalad, una alang sa iyang kaugalingong mga sala ug unya alang sa mga sala sa katawhan. Kini gihimo niya sa makausa lamang alang sa tanang panahon sa paghalad niya sa iyang kaugalingon.

Mga Hebreo 9:8

Pinaagi niini ang Espiritu Santo nagpasabot nga ang agianan ngadto sa Dapit nga Balaan dili pa binuksan samtang nagbarog pa gihapon ang una nga tolda,