Levitico 10:15

Ang Biblia 2011

Dad-on nila ang paa nga gihalad ug ang dughan nga gibayaw uban sa mga tambok nga halad pinaagi sa kalayo aron ibayaw ingon nga halad nga binayaw sa atubangan sa Ginoo ug kini maimo ug sa imong mga anak nga lalaki ingon nga bahin hangtod sa kahangtoran sumala sa sugo sa Ginoo.”

Cross References

Genesis 13:15

Kay ang tanang yuta nga imong nakita, ihatag nako kanimo ug sa imong kaliwatan hangtod sa kahangtoran.

Genesis 17:13

Siya nga natawo sa imong balay ug siya nga inyong pinalit kinahanglang tulion. Ug ang akong kasabotan nga anaa sa inyong unod mahimong usa ka kasabotan nga walay kataposan.

Genesis 17:17

Unya si Abraham mihapa sa yuta ug mikatawa, ug miingon sa iyang kaugalingon, “Sa lalaki nga usa na ka gatos ka tuig, matawo pa ba ang usa ka anak? Ug si Sarah nga 90 na ka tuig, manganak pa ba?”

Genesis 17:8

Ug ihatag nako nganha kanimo ug sa imong kaliwatan nga sunod kanimo ang yuta diin ikaw milangyaw, ang tibuok nga yuta sa Canaan aron mapanag-iya ninyo sa dayon, ug ako mahimo nga ilang Dios.”

Exodo 29:27

Ihalad ang dughan sa halad nga binayaw, ug ang binayaw nga paa nga maoy bahin sa pari ug nga gihalad gikan sa laking karnero nga gigamit alang sa paggahin kay kini alang kang Aaron ug sa iyang mga anak nga lalaki.

Exodo 29:28

Maiya kini ni Aaron ug sa iyang mga anak nga lalaki ingon nga tulumanon nga walay kataposan gikan sa katawhan sa Israel kay kini mao ang bahin sa mga pari nga ihalad sa katawhan sa Israel gikan sa ilang mga halad sa pakigdait, nga ilang halad ngadto sa Ginoo.

Levitico 2:3

Ug ang nahibilin sa halad nga pagkaon iya na ni Aaron ug sa iyang mga anak nga lalaki. Kini labing balaan sa mga halad pinaagi sa kalayo alang sa Ginoo.

Levitico 3:17

Kini usa ka tulumanon nga dayon alang sa inyong mga kaliwatan, sa tanan ninyong mga puluy-anan, aron dili kamo magkaon ug tambok o dugo.”

Levitico 7:34

Kay ang dughan nga gibayaw ug ang paa nga gihalad akong gikuha gikan sa katawhan sa Israel gikan sa mga inihaw sa ilang halad sa pakigdait ug gihatag kini kang Aaron nga pari ug sa iyang mga anak nga lalaki ingon nga ilang bahin hangtod sa kahangtoran gikan sa mga anak sa Israel.

Numeros 5:9

Ug ang tanan nga halad, ang tanang mga butang nga balaan sa katawhan sa Israel nga gidala ngadto sa pari, maiya sa pari.