Levitico 10:14

Ang Biblia 2011

Apan ang dughan nga gibayaw ug ang paa nga gihalad kaona ninyo diha sa usa ka dapit nga hinlo, ikaw ug ang imong mga anak nga lalaki ug ang imong mga anak nga babaye uban kanimo, kay kini gihatag ingon nga imong bahin ug sa imong mga anak nga lalaki, gikan sa mga inihaw nga halad sa pakigdait sa katawhan sa Israel.

Cross References

Exodo 29:33

Kaonon nila kadtong mga butang nga pinaagi niini mahimo ang pagtabon sa mga sala, aron sa paggahin ug sa pagbalaan kanila, apan ang langyaw kinahanglan nga dili mokaon niini tungod kay kini balaan.

Ezequiel 42:13

Unya siya miingon kanako, “Ang mga lawak sa amihanan ug ang mga lawak sa habagatan nga anaa sa atbang sa luna mao ang balaan nga mga lawak, diin ang mga pari nga moduol sa Ginoo magkaon sa labing balaan nga mga halad. Didto nila ibutang ang labing balaan nga mga halad, ang halad nga pagkaon ug ang halad tungod sa sala ug ang halad tungod sa paglapas, kay ang dapit balaan.

Levitico 10:13

Kaona ninyo kini diha sa dapit nga balaan kay kini mao ang imong bahin ug ang bahin sa imong mga anak nga lalaki gikan sa mga halad pinaagi sa kalayo alang sa Ginoo, kay kini gisugo kanako.

Levitico 22:13

Apan kon ang anak nga babaye sa pari nabiyuda o gibulagan sa bana ug walay anak ug mibalik siya sa balay sa iyang amahan, ingon sa iyang pagkabatan-on, makakaon siya sa pagkaon sa iyang amahan. Apan walay si bisan kinsa nga tagagawas nga makakaon niini.

Levitico 9:21

Apan ang mga dughan ug ang tuo nga paa gibayaw ni Aaron ingon nga halad nga binayaw sa atubangan sa Ginoo sumala sa gisugo ni Moises.

Numeros 18:11

Ug kini imo usab, ang halad sa ilang mga gasa, ang tanang mga halad nga binayaw gikan sa katawhan sa Israel. Kini gihatag nako kanimo ug sa imong mga anak nga lalaki ug mga anak nga babaye uban kanimo, ingon nga bahin hangtod sa kahangtoran. Ang tanan nga hinlo diha sa imong balay makakaon niini.

Numeros 5:9

Ug ang tanan nga halad, ang tanang mga butang nga balaan sa katawhan sa Israel nga gidala ngadto sa pari, maiya sa pari.

Juan 4:34

Si Jesus miingon kanila, “Ang akong pagkaon mao ang pagbuhat sa kabubut-on sa nagpadala kanako ug ang pagtapos sa iyang buluhaton.