Levitico 10:1

Ang Biblia 2011

Unya si Nadab ug si Abihu nga mga anak nga lalaki ni Aaron, matag usa kanila mikuha ug sudlanan sa insenso ug gibutangan nila kini ug kalayo ug ang ibabaw niini gibutangan nila ug insenso, ug naghalad sila ug dili balaan nga kalayo sa atubangan sa Ginoo nga wala gayod isugo kanila.

Cross References

1 Mga Hari 18:38

Unya ang kalayo sa Ginoo mikunsad, ug misunog sa halad nga sunogon ug sa kahoy ug sa mga bato ug sa abog, ug gihurot pagtilap ang tubig nga diha sa kanal.

Salmo 141:2

Itugot nga ang akong pag-ampo isipon nga insenso sa imong atubangan, ug ang pagbayaw sa akong mga kamot ingon nga halad inihaw sa kahaponon!

Exodo 24:1

Unya siya miingon kang Moises, “Tungas kamo ngari sa Ginoo, ikaw ug si Aaron, si Nadab ug si Abihu ug ang 70 ka kadagkoan sa Israel ug pagsimba kamo diha sa layo.

Exodo 24:9

Unya mitungas si Moises ug si Aaron, si Nadab ug si Abihu ug ang 70 ka kadagkoan sa Israel.

Exodo 27:3

Paghimo ug mga kulon nga butangan sa abo niini ug mga pala ug mga dagkong panaksan ug mga kaw-it ug mga sangga sa kalayo. Ang tanan nga mga galamiton niini himoa gikan sa bronsi.

Exodo 28:1

“Unya paduola kanimo si Aaron nga imong igsoon ug ang iyang mga anak nga lalaki uban kaniya gikan sa katawhan sa Israel aron sa pag-alagad kanako ingon nga mga pari, si Aaron ug ang iyang mga anak nga lalaki nga si Nadab ug si Abihu, si Eleasar ug si Itamar.

Exodo 31:11

ug ang lana nga igdidihog ug ang humot nga insenso alang sa balaang dapit. Sumala sa tanan nga gisugo nako kanimo, buhaton nila kini.”

Exodo 37:29

Gibuhat niya ang balaan nga lana nga igdidihog ug ang lunsay nga humot nga insenso nga gisagol sama sa gibuhat sa tighimo ug pahumot.

Exodo 38:3

Ug gibuhat niya ang tanan nga mga kasangkapan sa halaran, ang mga kawa, ang mga pala, ang mga planggana, ang mga kaw-it ug ang mga sangga sa kalayo, ang tanan nga mga kasangkapan niini gibuhat niya gikan sa bronsi.

Exodo 40:27

Ug sa ibabaw niini nagsunog siya ug humot nga insenso sumala sa gisugo sa Ginoo kang Moises.

Exodo 6:23

Si Aaron nangasawa kang Eliseba, anak nga babaye ni Aminadab ug igsoon ni Nason. Ug gianak ni Eliseba kaniya si Nadab, si Abihu, si Eleasar ug si Itamar.

Exodo 8:27

Manglakaw kami ug tulo ka adlaw nga panaw ngadto sa kamingawan ug maghalad kami ngadto sa Ginoo nga among Dios sumala sa iyang isugo kanamo.”

Jeremias 19:5

ug nagtukod sila sa mga habog nga dapit ni Baal aron sa pagsunog sa ilang mga anak nga lalaki diha sa kalayo ingon nga mga halad nga sunogon alang sa Baal, nga wala nako isugo o imando o mosantop kini sa akong hunahuna,

Jeremias 32:35

Gitukod nila ang mga habog nga dapit ni Baal didto sa walog sa anak nga lalaki ni Hinom, aron sa paghalad sa ilang mga anak nga lalaki ug mga anak nga babaye ngadto kang Molec bisan ug wala ako magsugo kanila, o mosantop kini sa akong hunahuna nga buhaton nila kining dulumtanan aron pag-angin sa Juda sa pagpakasala.

Jeremias 44:15

Unya ang tanang mga lalaki nga nahibalo nga ang ilang mga asawa naghalad ug insenso ngadto sa laing mga dios, ug ang tanang mga babaye nga nagtindog didto, usa ka dakong tigom, ang tibuok katawhan nga nagpuyo sa Patros didto sa yuta sa Ehipto, mitubag kang Jeremias:

Jeremias 44:8

Ngano nga gihagit ninyo ako sa pagkasuko pinaagi sa mga buhat sa inyong mga kamot, sa pagsunog ug insenso ngadto sa laing mga dios didto sa yuta sa Ehipto diin miadto kamo aron sa pagpuyo aron ba kamo mahimulag ug mahimong usa ka tunglo ug usa ka pagtamay sa taliwala sa tanang mga nasod sa yuta?

Jeremias 7:31

Ug ilang gitukod ang habog nga dapit sa Tofet nga atua sa walog sa anak ni Hinom, aron sa pagsunog diha sa kalayo sa ilang mga anak nga lalaki ug sa ilang mga anak nga babaye, nga wala nako isugo o mosantop sa akong hunahuna.

Levitico 16:1

Ang Ginoo misulti kang Moises human mangamatay ang duha ka anak nga lalaki ni Aaron, sa diha nga miduol sila sa atubangan sa Ginoo ug nangamatay.

Levitico 16:12

Magkuha siya ug sudlanan sa insenso nga puno sa nagbaga nga uling gikan sa halaran sa atubangan sa Ginoo ug duha ka hakop sa insenso nga humot nga pinong pagkadugmok ug dad-on niya kini sa sulod sa tabil.

Levitico 22:9

Busa kinahanglang tumanon gayod nila ang akong tugon aron dili sila makasala tungod niini ug mangamatay kon ilang pasipad-an kini. Ako mao ang Ginoo nga nagbalaan kanila.

Levitico 9:24

Unya may kalayo nga migula gikan sa atubangan sa Ginoo, ug misunog sa halad nga sunogon ug sa mga tambok nga diha sa ibabaw sa halaran. Ug sa pagkakita sa tibuok nga katawhan niini naninggit sila ug nanghapa.

Numeros 16:46

Ug si Moises miingon kang Aaron, “Kuhaa ang imong sudlanan sa insenso ug butangi kini ug kalayo nga gikan sa halaran, butangi ug insenso ang ibabaw niini, ug dad-a dayon ngadto sa katilingban, ug paghimo ug pagtabon sa sala alang kanila kay adunay kasuko nga migula gikan sa Ginoo, ang kamatay misugod na.”

Numeros 26:61

Apan si Nadab ug si Abihu nangamatay sa diha nga mihalad sila ug dili balaan nga kalayo sa atubangan sa Ginoo.

Numeros 4:18

“Ayaw ninyo ipalaglag ang banay sa mga panimalay sa mga Kohatihanon gikan sa taliwala sa mga Levihanon.

Deuteronomio 12:32

“Matngoni gayod sa pagbuhat ang tanan nga gisugo nako kaninyo. Ayaw ninyo kini dugangi o kuhai.

Deuteronomio 17:3

ug miadto ug mialagad sa laing mga dios ug misimba kanila, o sa adlaw o sa bulan o sa bisan unsa sa panon sa langit nga akong gidili,

Deuteronomio 4:2

Ayaw ninyo dugangi ang pulong nga akong gisugo kaninyo, ayaw kini kuhai aron matuman ninyo ang kasugoan sa Ginoo nga inyong Dios nga akong gisugo kaninyo.

Mga Hebreo 9:4

diin didto gibutang ang bulawan nga halaran sa insenso ug ang sudlanan sa kasabotan, nga gisapawan ug bulawan sa tanang bahin niini diin gibutang ang tibod nga bulawan nga gisudlan sa mana ug ang sungkod ni Aaron nga nanalingsing ug ang mga papan nga gisulatan sa kasabotan.