Levitico 1:9

Ang Biblia 2011

Apan hugasan niya ug tubig ang mga sulod sa ginhawaan ug ang mga paa niini. Ug sunogon sa pari ang tibuok ibabaw sa halaran ingon nga usa ka halad nga sinunog, usa ka halad pinaagi sa kalayo, usa ka kahumot alang sa Ginoo.

Cross References

Genesis 8:21

Sa diha nga ang Ginoo nakapanimaho sa kahumot, ang Ginoo miingon diha sa iyang kasingkasing, “Dili na nako tunglohon pag-usab ang yuta tungod sa tawo, kay ang tuyo sa kasingkasing sa tawo daotan sukad sa iyang pagkabata, ug dili na nako laglagon pag-usab ang tanang butang nga buhi sama sa akong gihimo.

1 Cronicas 6:34

nga anak ni Elkana, nga anak ni Jeroham, nga anak ni Eliel, nga anak ni Toa,

2 Cronicas 4:6

Naghimo usab siya ug napulo ka planggana nga hunawanan ug gibutang ang lima dapit sa habagatan ug lima dapit sa amihanan. Diha niini sila manghugas sa mga gigamit alang sa halad nga sunogon apan ang tangke alang lamang sa mga pari sa ilang pagpanghugas.

Salmo 51:6

Tan-awa, ikaw nagtinguha ug kamatuoran sa mga sulod nga bahin; busa tudloi ako sa kaalam diha sa tinago nakong kasingkasing.

Salmo 66:15

Ihalad nako kanimo ang mga halad nga sunogon gikan sa mga pinatambok, uban sa aso sa mga halad nga laking karnero; Maghalad ako ug mga torong baka ug mga kanding. Selah

Exodo 12:9

Ayaw kamo pagkaon sa bisan unsa niini nga hilaw, o pinabukalan ug tubig, kondili inasal nga uban ang ulo niini, ang mga tiil niini ug ang sulod sa ginhawaan niini.

Exodo 29:18

Ug sunoga ang tibuok nga laking karnero ibabaw sa halaran. Mao kini ang halad nga sunogon alang sa Ginoo. Kini maoy usa ka kahumot, ang halad ngadto sa Ginoo pinaagi sa kalayo.

Exodo 29:25

Unya kuhaa kini gikan sa ilang mga kamot ug daobi sa halaran dugang sa halad nga gisunog, ingon nga usa ka kahumot sa atubangan sa Ginoo. Kini usa ka halad pinaagi sa kalayo alang sa Ginoo.

Jeremias 4:14

O Jerusalem, hugasi ang imong kasingkasing gikan sa kadaotan, aron ikaw maluwas. Hangtod kanus-a ba nga ang imong daotan nga hunahuna magpuyo diha kanimo?

Ezequiel 20:28

Kay sa diha nga gidala nako sila ngadto sa yuta nga akong gipanumpa nga ihatag kanila, sa diha nga sila nakakita ug habog nga bungtod o kahoy nga labong ug dahon, sila naghimo didto sa ilang mga paghalad, ug didto nagdulot sa ilang halad nga mahagiton. Didto gipautbo usab nila ang ilang humot nga halad ug didto gibubo ang ilang mga halad nga ilimnon.

Ezequiel 20:41

Dawaton ko kamo ingon nga usa ka kahumot, sa diha nga kuhaon kamo nako gikan sa mga katawhan ug sa diha nga tigomon kamo nako gikan sa mga kayutaan diin kamo gipatibulaag, ug akong ipadayag ang akong pagkabalaan diha kaninyo sa atubangan sa mga nasod.

Ezequiel 40:38

Unya dihay usa ka lawak nga ang pultahan niini anaa sa agianan sa mga ganghaan, diin adto nila hugasi ang halad nga sunogon.

Levitico 1:13

Apan hugasan niya ug tubig ang sulod sa ginhawaan ug ang mga paa, ug ihalad sa pari ang tibuok ug sunogon kini niya ibabaw sa halaran. Kini mao ang halad nga sinunog, halad pinaagi sa kalayo, usa ka kahumot alang sa Ginoo.

Levitico 1:17

Laksion niya kini diha sa mga pako, apan dili na kini bahinon pa. Ug sunogon kini sa pari ibabaw sa halaran ibabaw sa sugnod diha sa kalayo. Kini mao ang halad nga sinunog, halad pinaagi sa kalayo, usa ka kahumot alang sa Ginoo.

Levitico 2:16

Ug ang pari magsunog ug bahin sa mga lugas nga gidugmok ug bahin sa lana niini ingon nga handomanan niini, uban ang tanan nga insenso niini. Kini usa ka halad pinaagi sa kalayo alang sa Ginoo.

Levitico 2:2

Unya dad-on niya kini ngadto sa mga anak ni Aaron, ang mga pari. Unya ang pari magkuha ug usa ka hakop sa pinong harina ug sa lana, uban ang tanan nga insenso niini. Ug kini sunogon sa pari ingon nga handomanan niini ibabaw sa halaran, halad pinaagi sa kalayo, usa ka kahumot alang sa Ginoo.

Levitico 2:9

Ang pari magkuha ug diyotay gikan sa halad nga pagkaon alang sa handomanan niini, ug sunogon kini ibabaw sa halaran, halad pinaagi sa kalayo, usa ka kahumot alang sa Ginoo.

Levitico 3:11

Ug ang pari magsunog niini ibabaw sa halaran ingon nga pagkaon nga gihalad pinaagi sa kalayo ngadto sa Ginoo.

Levitico 3:5

Unya ang mga anak ni Aaron magsunog niini ibabaw sa halaran uban sa halad nga gisunog ibabaw sa sugnod nga anaa sa ibabaw sa kalayo. Kini usa ka halad pinaagi sa kalayo, usa ka kahumot alang sa Ginoo.

Levitico 4:31

Ug iyang kuhaon gikan niini ang tanang tambok sama sa pagkuha sa tambok sa inihaw nga halad sa pakigdait, ug ang pari magsunog niini sa ibabaw sa halaran ingon nga usa ka kahumot alang sa Ginoo, ug ang pari maghimo ug pagtabon sa sala alang sa maong tawo ug pasayloon siya.

Levitico 6:14

“Kini mao ang balaod sa halad nga pagkaon. Ang mga anak ni Aaron maghalad niini atubangan sa Ginoo diha sa atubangan sa halaran.

Levitico 8:21

Ug sa nahugasan na ug tubig ang mga tinai ug ang mga paa, gisunog ni Moises ang tibuok laking karnero sa ibabaw sa halaran ingon nga halad nga sunogon, usa ka kahumot, usa ka halad pinaagi sa kalayo alang sa Ginoo, sumala sa gisugo sa Ginoo kang Moises.

Levitico 8:28

Unya gikuha ni Moises ang maong mga butang gikan sa ilang mga kamot ug gisunog niya kini sa halaran uban sa halad nga sunogon ingon nga halad sa paggahin, usa ka kahumot nga makapahimuot, usa ka halad pinaagi sa kalayo alang sa Ginoo.

Levitico 9:14

Ug iyang gihugasan ang mga tinai ug ang mga paa, ug gisunog kini uban sa halad nga sunogon ibabaw sa halaran.

Zacarias 13:7

“Pagmata na, O espada, batok sa akong tigbantay sa karnero, batok sa tawo nga nagtindog sunod kanako,” nag-ingon ang Ginoo sa mga panon. “Tigbasa ang tigbantay aron ang mga karnero magkatibulaag; pabalikon nako ang akong kamot batok sa mga gagmay.

Numeros 15:3

ug maghimo kamo ug halad pinaagi sa kalayo alang sa Ginoo, usa ka halad nga inihaw nga sunogon o usa ka halad aron sa pagtuman sa usa ka panaad o ingon sa usa ka halad nga kinabubut-on o sa inyong gitakdang mga kasaulogan aron sa paghimo sa usa ka kahumot alang sa Ginoo gikan sa mga baka o gikan sa mga karnero,

Numeros 28:11

“Sa mga sinugdanan sa inyong mga bulan, kamo maghalad ug usa ka halad nga sunogon ngadto sa Ginoo: duha ka nating baka nga laki ug usa ka laking karnero, pito ka nating karnero nga laki nga usa ka tuig ang kagulangon nga walay tatsa,

Numeros 28:7

Ug ang halad nga ilimnon niini mao ang ikaupat nga bahin sa usa ka hin alang sa matag nating karnero. Sa dapit nga balaan magbubo ikaw ug halad nga ilimnon nga isog, ilimnon alang sa Ginoo.

Numeros 28:8

Ug ang lain nga nating karnero ihalad nimo sa pagkakilomkilom. Sama sa halad nga pagkaon sa buntag ug sama sa halad nga ilimnon, maghalad ikaw niini ingon nga halad pinaagi sa kalayo, usa ka kahumot alang sa Ginoo.

2 Mga Taga-Corinto 2:15

Kita ang kahumot ni Cristo ngadto sa Dios diha kanila nga mga nangaluwas ug kanila nga mga nangalaglag,

Mga Taga-Efeso 5:2

Ug pagkinabuhi kamo diha sa gugma ingon nga si Cristo nahigugma kanato ug alang kanato, mitugyan sa iyang kaugalingon ingon nga humot nga halad ug halad nga inihaw ngadto sa Dios.

Deuteronomio 12:27

ug ihalad ang inyong mga halad nga sunogon, ang unod ug ang dugo, sa ibabaw sa halaran sa Ginoo nga inyong Dios. Ang dugo sa inyong mga halad nga inihaw ibubo sa ibabaw sa halaran sa Ginoo nga inyong Dios apan ang unod kaona.

Mga Taga-Filipos 4:18

Apan ania na kanako ang tanang butang ug naghingapin pa gani. Nasangkapan na ako kay akong nadawat gikan kang Epafrodito ang mga butang gikan kaninyo, humot nga halad, usa ka halad nga inihaw nga hinangponon ug makapahimuot sa Dios.