Levitico 1:5

Ang Biblia 2011

Patyon niya ang torong baka sa atubangan sa Ginoo ug ang mga pari nga mga anak ni Aaron maghalad sa dugo ug magsablig niini libot sa halaran nga anaa sa pultahan sa tolda nga tagboanan.

Cross References

2 Cronicas 35:11

Ilang giihaw ang nating karnero alang sa Pagsaylo ug ang mga pari miwisik ug dugo nga ilang nadawat gikan kanila samtang ang mga Levihanon nagpanit sa inihaw.

Exodo 29:11

Ug patya ang torong baka sa atubangan sa Ginoo, sa pultahan sa tolda nga tagboanan.

Exodo 29:16

Ug ihawa ang laking karnero ug kuhaa ang dugo niini ug isablig sa tanang kilid sa halaran.

Exodo 40:6

Ibutang ang halaran sa halad nga sunogon diha sa atubangan sa pultahan sa Tolda, sa tolda nga tagboanan.

Isaias 52:15

siya makapakugang usab sa daghang mga nasod; ang mga hari magtak-om sa ilang mga baba tungod kaniya; kay kadtong wala pa ikasugilon kanila makita nila, ug kadtong wala pa nila madungog ilang masabtan.

Ezequiel 36:25

Unya bisbisan ko kamo sa hinlo nga tubig, ug kamo mangahinlo gikan sa tanan ninyong kahugawan, ug gikan sa tanan ninyong diosdios hinloan ko kamo.

Ezequiel 43:18

Ug siya miingon kanako, “Anak sa tawo, mao kini ang gisulti sa Ginoong Dios: Mao kini ang mga tulumanon alang sa halaran: Sa adlaw nga kini himoon alang sa paghalad ug mga halad nga sunogon sa ibabaw niini, ug alang sa pagsablig ug dugo diha niini,

Levitico 1:11

Patyon niya kini dapit sa amihanan nga kilid sa halaran sa atubangan sa Ginoo ug ang mga pari nga mga anak ni Aaron magsablig sa dugo niini libot sa halaran.

Levitico 1:15

Ug dad-on kini sa pari ngadto sa halaran, ug lungison ang ulo niini, ug sunogon kini diha sa halaran, ug ang dugo niini patuloon sa kilid sa halaran.

Levitico 16:15

“Unya patyon niya ang kanding nga alang sa halad tungod sa sala alang sa katawhan, ug dad-on niya ang dugo ngadto sa sulod sa tabil ug buhaton niya sa dugo niini ang sama sa iyang gibuhat sa dugo sa torong baka, ug iwisik kini sa ibabaw sa tabon ug sa atubangan sa tabon.

Levitico 17:11

Kay ang kinabuhi sa unod anaa sa dugo, ug ako naghatag kaninyo niana aron sa pagtabon sa sala sa inyong mga kalag diha sa ibabaw sa halaran, kay ang dugo mao ang naghimo sa pagtabon sa sala tungod sa kinabuhi.

Levitico 3:13

Ibutang niya ang iyang kamot sa ibabaw sa ulo niini ug patyon niya kini sa atubangan sa tolda nga tagboanan ug ang mga anak ni Aaron magsablig sa dugo niini libot sa halaran.

Levitico 3:2

Ibutang niya ang iyang kamot sa ibabaw sa ulo sa iyang halad, ug patyon niya kini didto sa pultahan sa tolda nga tagboanan ug ang mga pari, ang mga anak ni Aaron, magsablig sa dugo niini libot sa halaran.

Levitico 3:8

Ug ibutang niya ang iyang kamot ibabaw sa ulo sa iyang halad ug kini iyang patyon sa atubangan sa Tolda nga Tagboanan ug ang mga anak ni Aaron magsablig sa dugo niini libot sa halaran.

Levitico 4:29

Ibutang niya ang iyang kamot sa ibabaw sa ulo sa halad tungod sa sala ug patyon niya kini sa dapit sa halad nga sunogon.

Levitico 4:33

Ibutang niya ang iyang kamot sa ibabaw sa ulo sa halad tungod sa sala ug patyon niya kini ingon nga halad tungod sa sala didto sa dapit diin patyon ang halad nga sunogon.

Levitico 4:7

Ang pari magbutang ug dugo sa ibabaw sa mga sungaysungay sa halaran sa insenso nga humot nga anaa sa tolda nga tagboanan sa atubangan sa Ginoo. Ug ang nahibilin nga dugo sa torong baka iyabo niya diha sa tungtonganan sa halaran sa halad nga sunogon nga anaa sa pultahan sa tolda nga tagboanan.

Miqueas 6:6

“Uban sa unsa man nga ako maodto sa atubangan sa Ginoo, ug moyukbo sa atubangan sa halangdon nga Dios? Moduol ba ako kaniya uban sa mga halad nga sunogon, ug uban sa mga nating baka nga tagsa ka tuig ang kagulangon?

Numeros 18:17

Apan ang kamagulangan sa baka o ang kamagulangan sa karnero o ang kamagulangan sa kanding, dili nimo lukaton, balaan kini. Isablig ang dugo niini sa ibabaw sa halaran ug sunoga ang tambok niini ingon nga halad pinaagi sa kalayo, ingon nga usa ka kahumot alang sa Ginoo.

Mga Hebreo 10:11

Ug ang matag pari sa adlaw-adlaw anaa sa iyang pagpangalagad, sa pagsubli sa paghimo sa mao rang mga halad nga inihaw nga dili gayod makawala sa mga sala.

Mga Hebreo 12:24

ug kang Jesus, ang tigpataliwala sa usa ka bag-ong kasabotan, ug sa binisibis nga dugo nga nagsulti sa labi pa ka maayong pulong kay sa dugo ni Abel.

1 Pedro 1:2

nga gipili sumala sa nahibaloan nang daan sa Dios nga Amahan ug gibalaan sa Espiritu ngadto sa pagkamasinugtanon kang Jesu-Cristo ug pagbisibis sa iyang dugo: Ang grasya ug kalinaw modagaya unta diha kaninyo.

1 Samuel 1:25

Unya ilang giihaw ang torong baka ug ilang gidala ang bata ngadto kang Eli.