Levitico 1:4

Ang Biblia 2011

Iyang ibutang ang iyang kamot sa ibabaw sa ulo sa halad nga sunogon ug kini dawaton alang kaniya aron sa pagtabon sa sala alang kaniya.

Cross References

Exodo 28:38

Anha kini sa agtang ni Aaron, ug si Aaron magdala sa bisan unsang sala nga nabuhat diha sa halad nga balaan nga gigahin sa katawhan sa Israel ingon nga mga balaang gasa. Kinahanglang anha kini kanunay sa iyang agtang aron sila dawaton sa atubangan sa Ginoo.

Exodo 29:10

“Unya dad-a ang torong baka sa atubangan sa tolda nga tagboanan. Si Aaron ug ang iyang mga anak nga lalaki kinahanglan nga magtapion sa ilang mga kamot sa ibabaw sa ulo sa torong baka.

Exodo 29:15

“Unya kuhaa ang usa sa mga laking karnero, ug si Aaron ug ang iyang mga anak nga lalaki magtapion sa ilang mga kamot sa ulo sa laking karnero.

Exodo 29:19

“Kuhaa ang lain nga laking karnero, ug si Aaron ug ang iyang mga anak nga lalaki magtapion sa ilang mga kamot ibabaw sa ulo sa laking karnero.

Exodo 29:33

Kaonon nila kadtong mga butang nga pinaagi niini mahimo ang pagtabon sa mga sala, aron sa paggahin ug sa pagbalaan kanila, apan ang langyaw kinahanglan nga dili mokaon niini tungod kay kini balaan.

Isaias 56:7

kini akong dad-on ngadto sa akong bukid nga balaan, ug himoon nako sila nga malipayon diha sa akong balay nga ampoanan; ang ilang mga halad nga sinunog ug ang ilang mga halad nga inihaw dawaton nako sa ibabaw sa akong halaran, kay ang akong balay tawgon nga usa ka balay nga ampoanan alang sa tanang mga katawhan.

Ezequiel 45:15

ug usa ka karnero gikan sa matag panon nga duha ka gatos, gikan sa mga pasibsibanan sa Israel. Kini mao ang halad alang sa mga halad nga pagkaon ug alang sa mga halad nga sunogon ug alang sa mga halad sa pakigdait, sa paghimo sa pagtabon sa sala alang kanila, nag-ingon ang Ginoong Dios.

Daniel 9:24

Ang gisugo mahitungod sa imong katawhan ug sa imong balaang siyudad, sa paghuman sa kalapasan ug sa pagtapos sa mga sala, ug sa paghimo sa pagtabon alang sa kasal-anan, ug sa pagdala sa walay kataposang pagkamatarong, ug sa pagmatuod sa panan-awon ug sa propeta, ug pagdihog sa labing balaan nga dapit, 70 ka pito ka tuig.

Levitico 16:21

Ibutang ni Aaron ang duha niya ka kamot sa ibabaw sa ulo sa kanding nga buhi ug isugid niya sa ibabaw niini ang tanan nga kasal-anan sa katawhan sa Israel ug ang tanan nila nga mga kalapasan, ang tanan nila nga mga sala. Ug kini ibutang niya sa ibabaw sa ulo sa kanding ug ipadala kini ngadto sa kamingawan pinaagi sa kamot sa usa ka tawo nga tinudlo alang niini.

Levitico 16:24

Unya ligoon niya ang iyang lawas sa tubig didto sa dapit nga balaan ug isul-ob niya ang iyang mga bisti ug mogula siya ug ihalad niya ang iyang halad nga sunogon ug ang halad nga sunogon sa katawhan ug maghimo siya sa pagtabon sa sala alang sa iyang kaugalingon ug alang sa katawhan.

Levitico 22:21

Ug si bisan kinsa nga maghalad ug mga halad sa pakigdait alang sa Ginoo aron sa pagtuman ug usa ka panaad o kinabubut-on nga halad gikan sa panon sa baka o sa panon sa karnero, kinahanglan nga kini hingpit aron dawaton; kinahanglan nga walay tatsa.

Levitico 22:27

“Sa diha nga ang usa ka torong baka o ang usa ka karnero o usa ka kanding ipanganak, magpabilin kini sa inahan sulod sa pito ka adlaw ug sugod sa ikawalo nga adlaw madawat na kini ingon nga halad pinaagi sa kalayo alang sa Ginoo.

Levitico 3:13

Ibutang niya ang iyang kamot sa ibabaw sa ulo niini ug patyon niya kini sa atubangan sa tolda nga tagboanan ug ang mga anak ni Aaron magsablig sa dugo niini libot sa halaran.

Levitico 3:2

Ibutang niya ang iyang kamot sa ibabaw sa ulo sa iyang halad, ug patyon niya kini didto sa pultahan sa tolda nga tagboanan ug ang mga pari, ang mga anak ni Aaron, magsablig sa dugo niini libot sa halaran.

Levitico 3:8

Ug ibutang niya ang iyang kamot ibabaw sa ulo sa iyang halad ug kini iyang patyon sa atubangan sa Tolda nga Tagboanan ug ang mga anak ni Aaron magsablig sa dugo niini libot sa halaran.

Levitico 4:15

Ang mga kadagkoan sa katilingban magbutang sa ilang kamot sa ibabaw sa ulo sa torong baka sa atubangan sa Ginoo ug patyon nila ang torong baka sa atubangan sa Ginoo.

Levitico 4:20

Mao kini ang iyang buhaton sa torong baka, sama sa iyang gibuhat sa torong baka nga halad tungod sa sala, busa buhaton usab niya kini. Ang pari maghimo sa pagtabon sa sala alang kanila ug pasayloon sila.

Levitico 4:24

Ibutang niya ang iyang kamot sa ibabaw sa ulo sa laking kanding ug patyon niya kini sa dapit diin patyon ang halad nga sunogon sa atubangan sa Ginoo. Kini usa ka halad tungod sa sala.

Levitico 4:26

Ug sunogon niya ang tanan nga tambok niini sa ibabaw sa halaran sama sa tambok sa inihaw nga halad sa pakigdait. Busa ang pari maghimo ug pagtabon sa sala alang kaniya, alang sa iyang sala, ug pasayloon siya.

Levitico 4:29

Ibutang niya ang iyang kamot sa ibabaw sa ulo sa halad tungod sa sala ug patyon niya kini sa dapit sa halad nga sunogon.

Levitico 4:31

Ug iyang kuhaon gikan niini ang tanang tambok sama sa pagkuha sa tambok sa inihaw nga halad sa pakigdait, ug ang pari magsunog niini sa ibabaw sa halaran ingon nga usa ka kahumot alang sa Ginoo, ug ang pari maghimo ug pagtabon sa sala alang sa maong tawo ug pasayloon siya.

Levitico 4:33

Ibutang niya ang iyang kamot sa ibabaw sa ulo sa halad tungod sa sala ug patyon niya kini ingon nga halad tungod sa sala didto sa dapit diin patyon ang halad nga sunogon.

Levitico 4:35

Iyang kuhaon gikan niini ang tanan nga tambok sama sa pagkuha sa tambok sa nating karnero gikan sa inihaw nga halad sa pakigdait ug sunogon kini sa pari diha sa halaran sama sa halad nga sunogon alang sa Ginoo, ug ang pari maghimo ug pagtabon sa sala alang kaniya alang sa sala nga iyang nabuhat, ug pasayloon siya.

Levitico 4:4

Dad-on niya ang torong baka ngadto sa pultahan sa tolda nga tagboanan sa atubangan sa Ginoo, ug ibutang niya ang iyang kamot sa ibabaw sa ulo sa torong baka, ug patyon niya kini sa atubangan sa Ginoo.

Levitico 5:6

ug dad-on niya ang iyang halad tungod sa paglapas ngadto sa Ginoo alang sa sala nga iyang nabuhat, usa ka baye gikan sa mga panon, nating karnero o kanding alang sa halad tungod sa sala, ug ang pari maghimo sa pagtabon sa sala alang kaniya, alang sa iyang sala.

Levitico 6:7

Ug ang pari maghimo sa pagtabon sa sala alang kaniya sa atubangan sa Ginoo ug pasayloon siya sa bisan unsa nga mga butang nga tungod niana sad-an siya.”

Levitico 8:14

Unya gidala niya ang torong baka nga halad tungod sa sala, ug si Aaron ug ang iyang mga anak nga lalaki mitapion sa ilang mga kamot sa ibabaw sa ulo sa torong baka nga alang sa halad tungod sa sala.

Levitico 8:18

Unya gihalad niya ang laking karnero ingon nga halad nga sunogon, ug si Aaron ug ang iyang mga anak nga lalaki mitapion sa ilang mga kamot sa ulo sa karnero.

Levitico 8:22

Unya gihalad niya ang lain nga laking karnero, ang karnero alang sa paggahin. Unya si Aaron ug ang iyang mga anak nga lalaki mitapion sa ilang mga kamot sa ibabaw sa ulo sa laking karnero.

Levitico 9:7

Unya miingon si Moises kang Aaron, “Duol sa halaran ug ihalad ang imong halad tungod sa sala ug ang imong halad nga sunogon ug himoa ang pagtabon sa sala alang sa imong kaugalingon ug alang sa katawhan ug dad-a usab ang halad sa katawhan, ug himoa ang pagtabon sa sala alang kanila sumala sa gisugo sa Ginoo.”

Numeros 15:25

Unya ang pari maghimo ug pagtabon sa sala alang sa tibuok nga katilingban sa katawhan sa Israel ug sila pasayloon kay kadto usa man ka sayop, ug sila nagdala sa ilang halad, usa ka halad pinaagi sa kalayo ngadto sa Ginoo ug ang ilang halad tungod sa sala sa atubangan sa Ginoo, alang sa ilang sayop.

Numeros 15:28

Ug ang pari maghimo sa pagtabon sa sala alang niadtong tawo nga nasayop, sa diha nga makasala siya nga wala tuyoa sa atubangan sa Ginoo, aron sa paghimo sa pagtabon sa sala alang kaniya ug siya pasayloon.

Numeros 25:13

ug kini alang kaniya ug sa iyang kaliwat nga mosunod kaniya, ang kasabotan sa pagkapari nga walay kataposan tungod kay siya adunay kainit alang sa Dios, ug naghimo ug pagtabon sa sala alang sa katawhan sa Israel.’ ”

Numeros 8:10

Sa dihang dad-on nimo ang mga Levihanon sa atubangan sa Ginoo, ang katawhan sa Israel magbutang sa ilang mga kamot ibabaw sa mga Levihanon.

Numeros 8:12

Ug ang mga Levihanon magbutang sa ilang mga kamot ibabaw sa mga ulo sa mga torong baka ug ihalad ang usa ingon nga halad tungod sa sala ug ang usa alang sa halad nga sunogon ngadto sa Ginoo aron sa paghimo sa pagtabon sa sala alang sa mga Levihanon.

Roma 12:1

Busa naghangyo ako kaninyo mga igsoon, pinaagi sa mga kaluoy sa Dios, sa pagtugyan sa inyong mga lawas isip halad nga buhi, balaan ug makapahimuot sa Dios nga mao ang inyong espirituhanon nga pagsimba.

Roma 3:25

nga gitanyag sa Dios ingon nga halad aron mapasaylo ang sala pinaagi sa iyang dugo, halad nga dawaton pinaagi sa pagtuo. Kini maoy pagpakita sa pagkamatarong sa Dios, kay tungod sa pagkamainantoson sa Dios gisayloan niya ang kasal-anan nga nahimo kaniadto;

Roma 5:11

Ug dili lamang kay kini ra, kondili nga nagmalipayon usab kita diha sa Dios pinaagi sa atong Ginoong Jesu-Cristo, nga pinaagi kaniya nadawat nato karon ang pasig-uli.

Mga Taga-Filipos 4:18

Apan ania na kanako ang tanang butang ug naghingapin pa gani. Nasangkapan na ako kay akong nadawat gikan kang Epafrodito ang mga butang gikan kaninyo, humot nga halad, usa ka halad nga inihaw nga hinangponon ug makapahimuot sa Dios.

Mga Hebreo 10:4

Kay dili gayod mahimo nga ang dugo sa mga laking baka ug mga kanding makakuha sa mga sala.

1 Juan 2:2

Ug siya mao ang halad sa pasig-uli alang sa atong mga sala ug dili lamang sa atong mga sala kondili sa mga sala usab sa tibuok kalibotan.