Levitico 1:3

Ang Biblia 2011

“Kon ang iyang halad usa ka halad nga sunogon nga gikan sa mga baka, ihalad niya ang usa ka laki nga walay tatsa, ihalad niya kini didto sa pultahan sa tolda nga tagboanan aron siya dawaton sa atubangan sa Ginoo.

Cross References

Genesis 22:13

Unya giyahat ni Abraham ang iyang mga mata ug siya mitan-aw, ug iyang nakita nga sa iyang likod dihay usa ka laking karnero nga ang mga sungay nasangit sa kasampinitan. Ug miadto si Abraham ug gikuha niya ang karnero nga laki ug kini iyang gihalad ingon nga halad nga sunogon puli sa iyang anak.

Genesis 22:2

Ug siya miingon, “Kuhaa karon ang imong anak, ang bugtong nimong anak nga si Isaac nga imong pinalangga, ug lakaw ngadto sa yuta sa Moria ug didto ihalad siya ingon nga halad nga sunogon didto sa usa sa mga bukid nga akong isulti kanimo.”

Genesis 22:8

Ug si Abraham miingon, “Ang Dios maghatag ug nating karnero alang sa halad nga sunogon, anak ko.” Busa mipadayon sila sa paglakaw nga nagkuyog.

Genesis 8:20

Unya si Noe nagbuhat ug usa ka halaran alang sa Ginoo, ug nagkuha siya gikan sa tanan nga mananap nga hinlo ug sa tanan nga langgam nga hinlo ug naghalad siya ug mga halad nga sunogon didto sa halaran.

2 Cronicas 29:32

Ang gidaghanon sa mga halad nga sunogon nga gidala sa katilingban 70 ka torong baka, usa ka gatos ka laking karnero ug duha ka gatos ka nating karnero, kining tanan alang sa usa ka halad nga sunogon alang sa Ginoo.

2 Cronicas 35:12

Ilang gilain ang mga halad nga sunogon, aron ilang iapod-apod kini sumala sa mga pundok sa mga panimalay sa mga katigulangan sa mga tawo nga dili pari, aron ihalad ngadto sa Ginoo, ingon nga kini nasulat sa basahon ni Moises. Ug mao kini ang ilang gihimo sa mga laking baka.

Salmo 110:3

Ang imong katawhan mahinangpon nga maghalad sa ilang kaugalingon sa adlaw nga ikaw mangulo sa imong kasundalohan, diha sa balaan nga bukid. Gikan sa tagoangkan sa kabuntagon, sama sa yamog ang imong kabatan-on moabot kanimo.

Salmo 40:8

ako nalipay sa pagbuhat sa imong kabubut-on, O akong Dios; ang imong balaod ania sulod sa akong kasingkasing.”

Exodo 12:5

Ang inyong nating karnero kinahanglan nga walay tatsa, laki ug usa ka tuig ang kagulangon. Pilion ninyo kini gikan sa mga karnero o sa mga kanding

Exodo 24:5

Ug nagpadala siya ug mga batan-ong lalaki sa katawhan sa Israel nga naghalad ug mga halad nga sunogon ug naghalad sila ug mga halad sa pakigdait nga mga baka ngadto sa Ginoo.

Exodo 29:18

Ug sunoga ang tibuok nga laking karnero ibabaw sa halaran. Mao kini ang halad nga sunogon alang sa Ginoo. Kini maoy usa ka kahumot, ang halad ngadto sa Ginoo pinaagi sa kalayo.

Exodo 29:4

Dad-a si Aaron ug ang iyang mga anak nga lalaki ngadto sa pultahan sa tolda nga tagboanan ug hugasi sila sa tubig.

Exodo 29:42

Kini usa ka halad nga sunogon nga magpadayon hangtod sa inyong kaliwatan diha sa pultahan sa tolda nga tagboanan sa atubangan sa Ginoo, diin ako makigtagbo kaninyo aron sa pagpakigsulti kanimo.

Exodo 32:6

Ug misayo sila pagmata sa pagkasunod adlaw ug naghalad ug mga halad nga sunogon ug nagdala sila ug mga halad sa pakigdait. Ug nanglingkod ang katawhan aron sa pagkaon ug sa pag-inom ug nanindog sila aron sa pagdula.

Exodo 35:21

Ug nangadto sila, ang matag usa nga gitandog sa iyang kasingkasing ug ang matag usa nga gidasig sa iyang espiritu, ug nagdala sa halad alang sa Ginoo nga gamiton alang sa tolda nga tagboanan ug alang sa tanan nga mga pagpangalagad ug alang sa mga balaan nga bisti.

Exodo 35:29

Ang tanan nga katawhan sa Israel, mga babaye ug mga lalaki nga gidasig sa ilang mga kasingkasing sa pagdala ug bisan unsa alang sa buluhaton nga gisugo sa Ginoo pinaagi kang Moises aron ilang buhaton, nagdala niini ingon nga ilang kinabubut-ong halad ngadto sa Ginoo.

Exodo 35:5

Gikan kaninyo pagkuha kamo ug usa ka halad alang sa Ginoo. Si bisan kinsa nga manggihatagon ug kasingkasing, padad-a siya alang sa Ginoo ug halad nga bulawan, plata, bronsi,

Exodo 36:3

Ug gidawat nila gikan kang Moises ang tanang halad nga kinabubut-on nga gidala sa katawhan sa Israel alang sa buluhaton sa pagbuhat sa balaang puluy-anan. Ug sila nagpadayon sa pagdala ngadto kaniya ug mga kinabubut-ong halad matag buntag.

Exodo 38:1

Gibuhat niya ang halaran sa halad nga sunogon gikan sa kahoy nga akasya, lima ka maniko ang gitas-on niini ug lima ka maniko ang gilapdon, kwadrado kini, ug tulo ka maniko ang gihabogon niini.

Isaias 1:11

“Unsa man alang kanako ang gidaghanon sa inyong mga halad? nag-ingon ang Ginoo; nakabaton na ako ug igo nga mga halad nga sinunog nga mga laking karnero, ug tambok nga mga mananap nga pinakaon; dili ako mahimuot sa dugo sa mga torong baka, o sa mga nating karnero o sa mga laking kanding.

Ezequiel 20:40

“Kay sa akong balaan nga bukid, sa habog nga bukid sa Israel, nag-ingon ang Ginoong Dios, didto ang tibuok nga balay sa Israel, silang tanan mag-alagad kanako didto sa yuta. Didto dawaton nako sila, ug didto kinahanglanon nako ang inyong mga halad ug ang labing maayo sa inyong mga gasa uban ang tanan ninyong mga balaan nga halad.

Ezequiel 40:39

Ug didto sa agianan sa ganghaan may duha ka lamisa sa matag kilid, diin adto ihawon ang halad nga sunogon ug ang halad tungod sa sala ug ang halad tungod sa paglapas.

Levitico 1:10

“Kon ang iyang halad alang sa halad nga sunogon gikan sa panon, sa mga karnero o sa mga kanding, ang iyang ihalad laki nga walay tatsa.

Levitico 14:10

“Sa ikawalo nga adlaw magkuha siya ug duha ka nating karnero nga laki nga walay tatsa ug usa ka nating karnero nga baye nga usa ka tuig ang kagulangon nga walay tatsa ug halad nga pagkaon nga balig tulo sa napulo ka bahin sa usa ka epha nga pinong harina nga sinagolan ug lana ug usa ka log nga lana.

Levitico 16:7

Unya kuhaon niya ang duha ka kanding ug ipahimutang niya kini sa atubangan sa Ginoo diha sa pultahan sa tolda nga tagboanan.

Levitico 17:4

ug wala niya kini dad-a ngadto sa pultahan sa tolda nga tagboanan aron sa paghalad niini ingon nga halad alang sa Ginoo sa atubangan sa puluy-anan sa Ginoo, ang maong tawo sad-an tungod sa dugo. Nag-ula siya ug dugo ug kadtong tawhana ipahimulag gikan sa taliwala sa iyang katawhan.

Levitico 17:8

“Sultihi sila: Si bisan kinsang tawhana sa banay sa Israel o sa mga dumuduong nga nagpuyo sa taliwala nila nga maghalad ug halad nga sunogon o inihaw nga halad

Levitico 17:9

ug dili niya kini dad-on ngadto sa pultahan sa tolda nga tagboanan aron sa paghalad niini alang sa Ginoo, kadtong tawhana ipahimulag gikan sa iyang katawhan.

Levitico 23:12

Ug sa adlaw nga ibayaw ninyo ang binangan, paghalad kamo ug usa ka laking karnero nga usa ka tuig ang kagulangon nga walay tatsa ingon nga usa ka halad nga sunogon alang sa Ginoo.

Levitico 23:18

Paghalad kamo uban sa pan, pito ka nating karnero nga tagsa ka tuig ang kagulangon nga walay tatsa ug usa ka laking baka nga nati ug duha ka laking karnero, kini mao ang halad nga sunogon alang sa Ginoo uban sa ilang halad nga pagkaon ug sa ilang mga halad nga ilimnon, usa ka halad pinaagi sa kalayo, usa ka kahumot alang sa Ginoo.

Levitico 3:1

“Kon ang iyang halad usa ka inihaw nga halad sa pakigdait, kon siya maghalad gikan sa panon sa mga baka, laki o baye, maoy ihalad niya ang walay tatsa sa atubangan sa Ginoo.

Levitico 4:15

Ang mga kadagkoan sa katilingban magbutang sa ilang kamot sa ibabaw sa ulo sa torong baka sa atubangan sa Ginoo ug patyon nila ang torong baka sa atubangan sa Ginoo.

Levitico 4:23

kon ang sala nga iyang nabuhat gipahibalo na kaniya, magdala siya ug usa ka laking kanding nga walay tatsa ingon nga iyang halad.

Levitico 4:3

kon ang dinihogan nga pari maoy makasala unya makaangin sa katawhan sa pagpakasala tungod sa sala nga iyang nabuhat, pahalara siya ngadto sa Ginoo ug usa ka torong baka nga nati nga walay tatsa alang sa halad tungod sa sala.

Levitico 4:32

“Kon magdala siya ug nating karnero ingon nga iyang halad alang sa halad tungod sa sala, kinahanglan nga baye nga walay tatsa ang iyang dad-on.

Levitico 5:15

“Kon adunay tawo nga makalapas ug makasala nga wala tuyoa sa mga butang nga gibalaan alang sa Ginoo, kinahanglan nga magdala siya ingon nga iyang halad sa paglapas ngadto sa Ginoo, usa ka laking karnero nga walay tatsa gikan sa panon nga gibilihan ug tinimbang nga plata sumala sa siklo sa balaang dapit. Kini usa ka halad tungod sa paglapas.

Levitico 5:18

Magdala siya ngadto sa pari ug usa ka laking karnero nga walay tatsa gikan sa panon nga gibilihan ingon nga halad tungod sa paglapas, ug ang pari maghimo sa pagtabon sa sala alang kaniya tungod sa sayop nga iyang nabuhat nga wala tuyoa, ug siya pasayloon.

Levitico 6:2

“Kon adunay makasala ug magbuhat ug paglapas batok sa Ginoo pinaagi sa paglimbong sa iyang isigkatawo tungod sa gipatipigan o gibilin kaniya, o pinaagi sa pagpangawat o pagpanglupig sa iyang isigkatawo,

Levitico 6:8

Ang Ginoo miingon kang Moises,

Levitico 7:16

Apan kon ang iyang inihaw nga halad usa ka sinaad o halad nga kinabubut-on, kini kaonon niya sa adlaw sa iyang paghalad ug ang mahibilin kaonon niya sa adlaw nga mosunod.

Levitico 8:18

Unya gihalad niya ang laking karnero ingon nga halad nga sunogon, ug si Aaron ug ang iyang mga anak nga lalaki mitapion sa ilang mga kamot sa ulo sa karnero.

Levitico 8:21

Ug sa nahugasan na ug tubig ang mga tinai ug ang mga paa, gisunog ni Moises ang tibuok laking karnero sa ibabaw sa halaran ingon nga halad nga sunogon, usa ka kahumot, usa ka halad pinaagi sa kalayo alang sa Ginoo, sumala sa gisugo sa Ginoo kang Moises.

Levitico 9:2

Ug siya miingon kang Aaron, “Pagkuha ug usa ka nating baka nga laki alang sa halad tungod sa sala ug usa ka laking karnero alang sa halad nga sunogon, ang duha walay tatsa, ug ihalad kini sa atubangan sa Ginoo.

Zacarias 13:7

“Pagmata na, O espada, batok sa akong tigbantay sa karnero, batok sa tawo nga nagtindog sunod kanako,” nag-ingon ang Ginoo sa mga panon. “Tigbasa ang tigbantay aron ang mga karnero magkatibulaag; pabalikon nako ang akong kamot batok sa mga gagmay.

Malaquias 1:14

Tinunglo ang limbongan nga adunay laki sa iyang kahayopan ug gipanaad kini apan bisan pa niana naghalad ngadto sa Ginoo sa butang nga may tatsa, kay ako usa ka bantogang Hari, nag-ingon ang Ginoo sa mga panon, ug ang akong ngalan gikahadlokan taliwala sa kanasoran.

Numeros 15:3

ug maghimo kamo ug halad pinaagi sa kalayo alang sa Ginoo, usa ka halad nga inihaw nga sunogon o usa ka halad aron sa pagtuman sa usa ka panaad o ingon sa usa ka halad nga kinabubut-on o sa inyong gitakdang mga kasaulogan aron sa paghimo sa usa ka kahumot alang sa Ginoo gikan sa mga baka o gikan sa mga karnero,

Numeros 15:8

Ug sa diha nga ikaw mag-andam ug usa ka torong baka ingon nga halad nga sunogon o ingon nga usa ka halad nga inihaw aron sa pagtuman sa usa ka panaad o ingon nga mga halad sa pakigdait alang sa Ginoo,

Numeros 19:2

“Kini mao ang lagda sa balaod nga gisugo sa Ginoo: Sultihi ang katawhan sa Israel nga magdala sila kanimo ug usa ka dumaga nga baka nga pula nga walay tatsa, nga walay buling ug wala pa kasangoni ug yugo.

Numeros 23:19

Ang Dios dili tawo nga siya mamakak, o anak sa tawo nga siya maghinulsol. Nagsulti ba siya ug dili niya kini buhaton? O nagsulti ba siya ug dili niya kini tumanon?

Numeros 23:27

Ug si Balak miingon kang Balaam, “Dali dayon, dad-on ko ikaw sa laing dapit, basin pa lamang ug kini makapahimuot sa Dios nga ikaw magtunglo kanila alang kanako gikan didto.”

Numeros 23:3

Ug si Balaam miingon kang Balak, “Tindog tupad sa imong halad nga sunogon ug ako moadto, basin ug ang Ginoo moanhi sa pagpakigtagbo kanako. Ug bisan unsa nga iyang ipakita kanako, akong isugilon kanimo.” Ug siya miadto sa usa ka hawan nga bukid.

Numeros 23:30

Ug si Balak nagbuhat sumala sa giingon ni Balaam ug naghalad ug usa ka torong baka ug usa ka laking karnero ibabaw sa matag halaran.

Numeros 28:11

“Sa mga sinugdanan sa inyong mga bulan, kamo maghalad ug usa ka halad nga sunogon ngadto sa Ginoo: duha ka nating baka nga laki ug usa ka laking karnero, pito ka nating karnero nga laki nga usa ka tuig ang kagulangon nga walay tatsa,

Numeros 28:19

Apan kamo maghalad ug usa ka halad pinaagi sa kalayo, usa ka halad nga sunogon alang sa Ginoo: duha ka nating baka nga laki ug usa ka laking karnero, ug pito ka nating karnero nga tagsa ka tuig ang kagulangon. Susiha ninyo nga kini walay mga tatsa.

Numeros 28:31

Dugang sa magpadayon nga halad nga sunogon ug sa halad nga pagkaon niini, maghalad kamo niini uban sa mga halad nga ilimnon. Susiha nga kini sila walay tatsa.

Numeros 29:13

Ug kamo maghalad ug usa ka halad nga sunogon, usa ka halad pinaagi sa kalayo, usa ka kahumot alang sa Ginoo: napulo ug tulo ka nating baka nga laki, duha ka laking karnero, napulo ug upat ka nating karnero nga laki nga tagsa ka tuig ang kagulangon, kini kinahanglang walay tatsa.

Numeros 29:2

Ug maghalad kamo ug halad nga sunogon, usa ka kahumot alang sa Ginoo: usa ka nating baka nga laki, usa ka laking karnero, pito ka nating karnero nga laki nga tagsa ka tuig ang kagulangon nga walay tatsa,

Lucas 1:35

Ang anghel mitubag kaniya, “Ang Espiritu Santo mokunsad kanimo ug ang gahom sa Labing Halangdon molandong kanimo. Tungod niini, ang balaang bata nga matawo tawgon nga Anak sa Dios.

Juan 1:36

Samtang nagtan-aw siya kang Jesus nga naglakaw, siya miingon, “Tan-awa, mao kana ang Nating Karnero sa Dios!”

Juan 10:7

Busa si Jesus miingon pag-usab kanila, “Sa pagkatinuod gayod, sultihan ko kamo nga ako mao ang pultahan sa mga karnero.

Juan 10:9

Ako mao ang pultahan, kon adunay mosulod agi kanako, siya maluwas ug siya mosulod ug mogula ug makakaplag siya ug masibsib.

2 Mga Taga-Corinto 8:12

Kay kon anaa ang pagkamatinguhaon, kini kahimut-an sumala sa unsay anaa sa tawo, dili sumala sa unsay wala kaniya.

2 Mga Taga-Corinto 9:7

Ang matag usa maghatag sumala sa kabubut-on sa iyang kasingkasing, dili sa pagpanuko o ingon nga pinugos kay gihigugma sa Dios ang naghatag nga malipayon.

Mga Taga-Efeso 2:18

tungod kay pinaagi kaniya kita nakaduol na ngadto sa Amahan pinaagi sa usa ra ka Espiritu.

Mga Taga-Efeso 5:27

aron nga sa iyang atubangan ang iglesia ikahalad diha sa iyang katahom, walay buling o kunot o bisan unsa nga sama niini, aron siya mahimong balaan ug dili masaway.

Deuteronomio 12:27

ug ihalad ang inyong mga halad nga sunogon, ang unod ug ang dugo, sa ibabaw sa halaran sa Ginoo nga inyong Dios. Ang dugo sa inyong mga halad nga inihaw ibubo sa ibabaw sa halaran sa Ginoo nga inyong Dios apan ang unod kaona.

Deuteronomio 15:21

Ug kon kini adunay tatsa, kon kini piang o buta, o adunay dakong tatsa, ayaw kini ihalad ngadto sa Ginoo nga imong Dios.

Deuteronomio 17:1

“Ayaw kamo paghalad ug baka o karnero nga adunay tatsa, ngadto sa Ginoo nga inyong Dios bisan unsa nga tatsa, kay kana butang nga dulumtanan sa Ginoo nga inyong Dios.

Mga Hebreo 7:26

Kay angay alang kanato ang maong labawng pangulong pari, balaan, walay sala, walay lama, linain gikan sa mga makasasala, tinuboy ngadto sa kahitas-an labaw pa sa kalangitan.

Mga Hebreo 9:14

labaw pa gayod ang mahimo sa dugo ni Cristo, nga pinaagi sa Espiritu nga dayon mihalad sa iyang kaugalingon nga walay buling ngadto sa Dios aron sa paghinlo sa atong tanlag gikan sa mga patayng binuhatan aron mag-alagad sa Dios nga buhi.