Levitico 1:17

Ang Biblia 2011

Laksion niya kini diha sa mga pako, apan dili na kini bahinon pa. Ug sunogon kini sa pari ibabaw sa halaran ibabaw sa sugnod diha sa kalayo. Kini mao ang halad nga sinunog, halad pinaagi sa kalayo, usa ka kahumot alang sa Ginoo.

Cross References

Genesis 15:10

Ug gidala kining tanan ni Abram ngadto kaniya ug gipikas ug gibutang tupad sa usa ug usa apan wala niya pikasa ang mga langgam.

Genesis 8:21

Sa diha nga ang Ginoo nakapanimaho sa kahumot, ang Ginoo miingon diha sa iyang kasingkasing, “Dili na nako tunglohon pag-usab ang yuta tungod sa tawo, kay ang tuyo sa kasingkasing sa tawo daotan sukad sa iyang pagkabata, ug dili na nako laglagon pag-usab ang tanang butang nga buhi sama sa akong gihimo.

Salmo 16:10

Tungod kay dili man nimo itugyan ang akong kalag ngadto sa Sheol, dili ikaw motugot nga ang imong balaan makakita sa Gahong.

Levitico 1:13

Apan hugasan niya ug tubig ang sulod sa ginhawaan ug ang mga paa, ug ihalad sa pari ang tibuok ug sunogon kini niya ibabaw sa halaran. Kini mao ang halad nga sinunog, halad pinaagi sa kalayo, usa ka kahumot alang sa Ginoo.

Levitico 2:2

Unya dad-on niya kini ngadto sa mga anak ni Aaron, ang mga pari. Unya ang pari magkuha ug usa ka hakop sa pinong harina ug sa lana, uban ang tanan nga insenso niini. Ug kini sunogon sa pari ingon nga handomanan niini ibabaw sa halaran, halad pinaagi sa kalayo, usa ka kahumot alang sa Ginoo.

Levitico 3:5

Unya ang mga anak ni Aaron magsunog niini ibabaw sa halaran uban sa halad nga gisunog ibabaw sa sugnod nga anaa sa ibabaw sa kalayo. Kini usa ka halad pinaagi sa kalayo, usa ka kahumot alang sa Ginoo.

Levitico 5:8

Dad-on niya kini ngadto sa pari nga maoy maghalad pag-una sa usa ingon nga halad tungod sa sala. Lungison sa pari ang ulo niini gikan sa liog apan dili niya bulagbulagon.

Levitico 6:14

“Kini mao ang balaod sa halad nga pagkaon. Ang mga anak ni Aaron maghalad niini atubangan sa Ginoo diha sa atubangan sa halaran.

Levitico 8:21

Ug sa nahugasan na ug tubig ang mga tinai ug ang mga paa, gisunog ni Moises ang tibuok laking karnero sa ibabaw sa halaran ingon nga halad nga sunogon, usa ka kahumot, usa ka halad pinaagi sa kalayo alang sa Ginoo, sumala sa gisugo sa Ginoo kang Moises.

Levitico 9:13

Ug ilang gitunol kaniya ang halad nga sunogon, sa tinagsa ka hiwa, ug ang ulo, ug iyang gisunog kini ibabaw sa halaran.

Numeros 15:3

ug maghimo kamo ug halad pinaagi sa kalayo alang sa Ginoo, usa ka halad nga inihaw nga sunogon o usa ka halad aron sa pagtuman sa usa ka panaad o ingon sa usa ka halad nga kinabubut-on o sa inyong gitakdang mga kasaulogan aron sa paghimo sa usa ka kahumot alang sa Ginoo gikan sa mga baka o gikan sa mga karnero,

Numeros 28:8

Ug ang lain nga nating karnero ihalad nimo sa pagkakilomkilom. Sama sa halad nga pagkaon sa buntag ug sama sa halad nga ilimnon, maghalad ikaw niini ingon nga halad pinaagi sa kalayo, usa ka kahumot alang sa Ginoo.

Mateo 27:50

Ug si Jesus mituaw pag-usab sa kusog nga tingog ug mitugyan sa iyang espiritu.

Juan 19:30

Sa nakainom na si Jesus sa suka, siya miingon, “Natapos na.” Ug giduko niya ang iyang ulo ug gitugyan ang iyang espiritu.

Roma 4:25

nga gitugyan ngadto sa kamatayon tungod sa atong kalapasan ug gibanhaw alang sa paghimo kanato nga matarong.

1 Pedro 3:18

Kay si Cristo usab namatay sa makausa tungod sa mga sala, ang matarong alang sa mga dili matarong, aron kamo iyang madala ngadto sa Dios, ingon nga gipatay siya diha sa lawas apan gibuhi diha sa espiritu.