Levitico 1:13

Ang Biblia 2011

Apan hugasan niya ug tubig ang sulod sa ginhawaan ug ang mga paa, ug ihalad sa pari ang tibuok ug sunogon kini niya ibabaw sa halaran. Kini mao ang halad nga sinunog, halad pinaagi sa kalayo, usa ka kahumot alang sa Ginoo.

Cross References

Genesis 8:21

Sa diha nga ang Ginoo nakapanimaho sa kahumot, ang Ginoo miingon diha sa iyang kasingkasing, “Dili na nako tunglohon pag-usab ang yuta tungod sa tawo, kay ang tuyo sa kasingkasing sa tawo daotan sukad sa iyang pagkabata, ug dili na nako laglagon pag-usab ang tanang butang nga buhi sama sa akong gihimo.

2 Cronicas 4:6

Naghimo usab siya ug napulo ka planggana nga hunawanan ug gibutang ang lima dapit sa habagatan ug lima dapit sa amihanan. Diha niini sila manghugas sa mga gigamit alang sa halad nga sunogon apan ang tangke alang lamang sa mga pari sa ilang pagpanghugas.

Ezequiel 40:38

Unya dihay usa ka lawak nga ang pultahan niini anaa sa agianan sa mga ganghaan, diin adto nila hugasi ang halad nga sunogon.

Levitico 1:9

Apan hugasan niya ug tubig ang mga sulod sa ginhawaan ug ang mga paa niini. Ug sunogon sa pari ang tibuok ibabaw sa halaran ingon nga usa ka halad nga sinunog, usa ka halad pinaagi sa kalayo, usa ka kahumot alang sa Ginoo.

Levitico 2:11

“Walay halad nga pagkaon nga ihalad ninyo sa Ginoo nga himoon uban ang patubo kay walay bisan unsang butang nga may patubo o may dugos nga ihalad pinaagi sa kalayo alang sa Ginoo.

Levitico 2:2

Unya dad-on niya kini ngadto sa mga anak ni Aaron, ang mga pari. Unya ang pari magkuha ug usa ka hakop sa pinong harina ug sa lana, uban ang tanan nga insenso niini. Ug kini sunogon sa pari ingon nga handomanan niini ibabaw sa halaran, halad pinaagi sa kalayo, usa ka kahumot alang sa Ginoo.

Levitico 3:5

Unya ang mga anak ni Aaron magsunog niini ibabaw sa halaran uban sa halad nga gisunog ibabaw sa sugnod nga anaa sa ibabaw sa kalayo. Kini usa ka halad pinaagi sa kalayo, usa ka kahumot alang sa Ginoo.

Levitico 4:31

Ug iyang kuhaon gikan niini ang tanang tambok sama sa pagkuha sa tambok sa inihaw nga halad sa pakigdait, ug ang pari magsunog niini sa ibabaw sa halaran ingon nga usa ka kahumot alang sa Ginoo, ug ang pari maghimo ug pagtabon sa sala alang sa maong tawo ug pasayloon siya.

Levitico 6:14

“Kini mao ang balaod sa halad nga pagkaon. Ang mga anak ni Aaron maghalad niini atubangan sa Ginoo diha sa atubangan sa halaran.

Levitico 8:21

Ug sa nahugasan na ug tubig ang mga tinai ug ang mga paa, gisunog ni Moises ang tibuok laking karnero sa ibabaw sa halaran ingon nga halad nga sunogon, usa ka kahumot, usa ka halad pinaagi sa kalayo alang sa Ginoo, sumala sa gisugo sa Ginoo kang Moises.

Numeros 15:3

ug maghimo kamo ug halad pinaagi sa kalayo alang sa Ginoo, usa ka halad nga inihaw nga sunogon o usa ka halad aron sa pagtuman sa usa ka panaad o ingon sa usa ka halad nga kinabubut-on o sa inyong gitakdang mga kasaulogan aron sa paghimo sa usa ka kahumot alang sa Ginoo gikan sa mga baka o gikan sa mga karnero,

Numeros 15:4

unya siya nga magdala sa iyang halad alang sa Ginoo magdala usab ug halad nga pagkaon, ikanapulo nga bahin sa epha nga pinong harina nga gisagolan ug ikaupat nga bahin sa usa ka hin nga lana

Numeros 28:11

“Sa mga sinugdanan sa inyong mga bulan, kamo maghalad ug usa ka halad nga sunogon ngadto sa Ginoo: duha ka nating baka nga laki ug usa ka laking karnero, pito ka nating karnero nga laki nga usa ka tuig ang kagulangon nga walay tatsa,

Numeros 28:8

Ug ang lain nga nating karnero ihalad nimo sa pagkakilomkilom. Sama sa halad nga pagkaon sa buntag ug sama sa halad nga ilimnon, maghalad ikaw niini ingon nga halad pinaagi sa kalayo, usa ka kahumot alang sa Ginoo.

Deuteronomio 12:27

ug ihalad ang inyong mga halad nga sunogon, ang unod ug ang dugo, sa ibabaw sa halaran sa Ginoo nga inyong Dios. Ang dugo sa inyong mga halad nga inihaw ibubo sa ibabaw sa halaran sa Ginoo nga inyong Dios apan ang unod kaona.