Juan 9:8

Ang Biblia 2011

Unya ang iyang mga silingan ug ang mga nakakita kaniya kaniadto ingon nga makililimos, miingon, “Dili ba mao man kini siya ang tawo nga kaniadto kanunayng naglingkod ug nagpakilimos?”

Cross References

Marcos 10:46

Unya miabot sila sa Jerico ug sa dihang mibiya na siya sa Jerico kauban sa iyang mga tinun-an ug sa usa ka dakong panon sa katawhan, naglingkod didto sa daplin sa dalan ang usa ka makililimos nga buta nga si Bartimeo, anak ni Timeo.

Lucas 1:58

Ang iyang mga silingan ug kabanayan nakadungog nga ang Ginoo nagpakita ug dakong kaluoy kaniya, ug sila nalipay duyog kaniya.

Lucas 18:35

Sa dihang nagkaduol siya sa Jerico, diha sa daplin sa dalan naglingkod ang usa ka buta nga nagpakilimos.

Juan 9:9

Dihay miingon, “Mao kini siya.” Ug ang uban miingon, “Dili, hinuon kaanggid-anggid kini siya.” Siya miingon, “Ako mao kadto siya.”

Ruth 1:19

Busa silang duha nanglakaw hangtod nga miabot sila sa Betlehem. Ug sa dihang miabot sila sa Betlehem, ang tibuok siyudad nagkagubot mahitungod kanila ug sila miingon, “Mao ba kini si Naomi?”

1 Samuel 2:8

Siya magbangon sa kabos gikan sa abog; siya magtuboy sa timawa gikan sa tapok sa abo, aron palingkoron sila uban sa mga pangulo, ug manunod sa trono sa himaya. Kay ang mga haligi sa yuta iya sa Ginoo, ug diha niini iyang gipahimutang ang kalibotan.

1 Samuel 21:11

Ug ang mga sulugoon ni Akis miingon kaniya, “Dili ba kini mao si David nga hari sa yuta? Wala ba sila mag-awit kaniya ngadto sa usa ug usa sa ilang pagsayaw, ‘Si Saul nakapatay sa iyang mga linibo, ug si David sa iyang mga tagnapulo ka libo’?”