Juan 9:7

Ang Biblia 2011

ug giingnan siya, “Lakaw, panghilam-os didto sa linaw sa Siloam” (nga sa ato pa, Pinadala). Ug siya miadto ug nanghilam-os ug mibalik siya nga nakakita na.

Cross References

Nehemias 3:15

Si Sallum nga anak ni Colhose ug pangulo sa distrito sa Mispa maoy nag-ayo sa Ganghaan sa Tuboran. Gitukod niya kini pag-usab ug gitabonan kini ug gipatindog ang mga pultahan niini, ang mga tarugo niini ug ang mga trangka niini. Iyang gitukod ang paril sa Lanaw sa Sela sa tanaman sa hari hangtod sa mga hagdan paingon sa Siyudad ni David.

Salmo 146:8

ang Ginoo nagpabuka sa mga mata sa mga buta. Ang Ginoo nagpatindog niadtong mga nagsukamod; ang Ginoo nahigugma sa mga matarong.

Exodo 4:11

Unya ang Ginoo miingon kaniya, “Kinsa ba ang nagbuhat sa baba sa tawo? Kinsa ba ang naghimo sa tawo nga amang o bungol o makakita o buta? Dili ba ako man, ang Ginoo?

Isaias 32:3

Unya ang mga mata niadtong nakakita dili tak-opan, ug ang mga dalunggan niadtong nakadungog mamati.

Isaias 35:5

Unya ang mga mata sa mga buta mangabuka, ug ang mga dalunggan sa mga bungol makadungog;

Isaias 42:7

aron sa pagpabuka sa mga mata nga buta, aron sa pagpagula sa mga binilanggo gikan sa bilanggoan, gikan sa bilanggoan niadtong naglingkod diha sa kangitngit.

Isaias 43:8

Dad-a ang katawhan nga mga buta bisan ug adunay mga mata, ug ang mga bungol bisan ug adunay mga dalunggan!

Isaias 8:6

“Tungod kay kining katawhan nagdumili sa katubigan sa Siloa nga hinay nga nagdagayday, ug natunaw sa kahadlok kang Resin ug sa anak ni Remalias;

Mateo 11:5

ang mga buta makakita na ug ang mga bakol makalakaw na ug ang mga sanlahon nahinloan ug ang mga bungol makabati na ug ang mga patay gipamanhaw ug ang mga kabos giwalihan sa Maayong Balita.

Lucas 13:4

O kadtong napulo ug walo ka tawo nga natumpagan sa tore sa Siloam ug nangamatay, nagtuo ba kamo nga sila labaw pa ka malapason kay sa uban pa nga nagpuyo sa Jerusalem?

Lucas 2:32

usa ka kahayag alang sa pagpadayag ngadto sa mga Gentil ug sa himaya alang sa imong katawhan, ang Israel.”

Juan 10:36

moingon ba diay kamo kaniya nga gibalaan sa Amahan ug gipadala niya nganhi sa kalibotan, ‘Ikaw nagpasipala,’ tungod lang kay nag-ingon ako, ‘Anak ako sa Dios’?

Juan 11:37

Apan diha kanilay nag-ingon, “Dili ba kini siya nga maoy nakapabuka sa mga mata sa buta makahimo usab unta nga dili mamatay si Lazaro?”

Juan 9:11

Siya mitubag, “Ang tawo nga ginganlan ug Jesus nagmasa ug lapok ug iya kining gihidhid sa akong mga mata ug miingon kanako, ‘Lakaw ngadto sa Siloam ug panghilam-os.’ Busa miadto ako ug nanghilam-os ug unya nakakita na ako.”

Juan 9:39

Unya si Jesus miingon, “Ako mianhi niining kalibotana aron sa paghukom, aron kadtong mga dili makakita, makakita na ug kadtong mga makakita mangabuta.”

Mga Buhat 26:18

sa pagpabuka sa ilang mga mata aron sila mobalhin gikan sa kangitngit ngadto sa kahayag ug gikan sa gahom ni Satanas ngadto sa Dios, aron makadawat sila ug kapasayloan sa ilang mga sala ug usa ka dapit uban sa mga gibalaan pinaagi sa pagtuo kanako.’

Roma 8:3

Kay ang wala mahimo sa Balaod nga nahuyang tungod sa unod gihimo sa Dios pinaagi sa pagpadala niya sa kaugalingon niyang Anak diha sa dagway sa makasasala nga tawo ug mahitungod sa sala, gisilotan niya ang sala diha sa unod,

Mga Taga-Galacia 4:4

Apan sa pag-abot na sa tukma nga panahon, ang Dios mipadala sa iyang Anak nga natawo pinaagi sa usa ka babaye, natawo ilalom sa Balaod,