Juan 9:34

Ang Biblia 2011

Mitubag sila kaniya nga nag-ingon, “Sa tumang kasal-anan ikaw natawo ug unya mangahas ikaw sa pagtudlo kanamo?” Ug gihinginlan nila siya.

Cross References

Genesis 19:9

Ug sila miingon, “Hawa diha.” Ug miingon pa gayod sila, “Kining tawhana mianhi sa pagpuyo ingon nga usa ka dumuduong, ug buot mahimong maghuhukom? Karon buhaton namo kanimo ang labi pang daotan kay kanila.” Ug gipugos nila pag-ayo ang tawo nga si Lot ug miduol sila aron sa paglungkab sa pultahan.

2 Cronicas 25:16

Apan samtang nagsulti pa siya, ang hari miingon kaniya, “Naghimo ba kami kanimo nga magtatambag sa hari? Hunong! Ngano bang kinahanglang patyon ikaw?” Busa ang propeta mihunong ug miingon, “Ako nahibalo nga ang Dios nagtakda sa paglaglag kanimo tungod kay ikaw nagbuhat niini ug wala mamati sa akong tambag.”

Job 14:4

Kinsa ang makadala ug usa ka hinlo nga butang gikan sa hugaw? Walay bisan usa.

Job 25:4

Unsaon man sa tawo sa pagkahimong matarong atubangan sa Dios? Unsaon man pagkahinlo niya nga natawo sa usa ka babaye?

Salmo 51:5

Tan-awa, natawo ako diha sa kasal-anan, ug sa sala gipanamkon ako sa akong inahan.

Exodo 2:14

Ug siya mitubag, “Kinsa ba ang naghimo kanimo nga pangulo ug maghuhukom kanamo? Naghunahuna ba ikaw sa pagpatay kanako sama sa pagpatay nimo sa Ehiptohanon?” Unya si Moises nahadlok ug miingon sa iyang kaugalingon, “Ang mga tawo nahibalo diay sa nahitabo.”

Mga Panultihon 22:10

Papahawaa ang mayubiton, ug ang panaglalis mobiya, ug ang panag-away ug pagpakaulaw mohunong.

Mga Panultihon 26:12

Nakakita ba ikaw ug usa ka tawo nga maalamon sa iyang kaugalingong mga mata? Aduna pay paglaom ang buangbuang kay kaniya.

Mga Panultihon 29:1

Siya nga kanunay gibadlong apan nagpatikig sa iyang liog, kalit nga laglagon nga dili na maayo.

Isaias 65:5

nga nag-ingon, “Paglain sa imong kaugalingon, ayaw pagduol kanako, kay ako gilain gikan kanimo.” Kini aso sa akong ilong, kalayo nga nagdilaab sa tibuok nga adlaw.

Isaias 66:5

Pamatia ang pulong sa Ginoo, kamo nga nagkurog tungod sa iyang pulong: “Ang inyong kaigsoonan nga nagdumot kaninyo, ug nagsalikway kaninyo tungod sa akong ngalan nag-ingon, ‘Ipahimaya ang Ginoo, aron makita namo ang inyong kalipay’; apan sila mao ang pakaulawan.

Lucas 11:45

Usa sa mga batid sa Balaod mitubag kang Jesus, “Magtutudlo, sa imong pagsulti niana imo usab kaming gipakaulawan.”

Lucas 14:11

Kay ang tanan nga nagpataas sa iyang kaugalingon, ipaubos, ug ang nagpaubos sa iyang kaugalingon, ipataas.”

Lucas 18:17

Sa pagkatinuod, moingon ako kaninyo, si bisan kinsa nga dili modawat sa gingharian sa Dios sama sa gamayng bata, dili makasulod niini.”

Lucas 6:22

“Bulahan kamo sa dihang dumtan kamo sa mga tawo, ug sa dihang isalikway kamo nila ug bugalbugalan, ug isalikway ang inyong ngalan ingon nga daotan tungod sa Anak sa Tawo!

Juan 6:37

Ang tanan nga gihatag kanako sa Amahan moari kanako ug siya nga moari kanako dili gayod nako isalikway.

Juan 8:41

Kamo nagbuhat sa gibuhat sa inyong amahan.” Ug sila miingon kaniya, “Wala kami ipanganak gikan sa salawayong pakighilawas. Usa ra ang among amahan nga mao ang Dios.”

Juan 9:2

Ug nangutana kaniya ang iyang mga tinun-an nga nag-ingon, “Rabi, kinsa may nakasala, kini bang tawhana o ang iyang mga ginikanan, nga nahimugso man siya nga buta?”

Juan 9:22

Giingon niini pagsulti sa iyang mga ginikanan tungod kay sila nahadlok sa mga Judio, kay ang mga Judio nagkasabot na man nga kon adunay moingon nga si Jesus mao ang Cristo, ang maong tawo palagpoton gikan sa sinagoga.

Juan 9:35

Unya si Jesus nakadungog nga gihinginlan nila siya; ug sa iyang pagkakita kaniya, siya miingon, “Nagtuo ba ikaw sa Anak sa Tawo?”

Juan 9:40

Ug nadungog kini sa pipila sa mga Pariseo nga duol kaniya, ug sila miingon kaniya, “Mga buta ba diay usab kami?”

1 Mga Taga-Corinto 5:13

Ang Dios mao ang maghukom kanila nga anaa sa gawas. “Papahawaa gikan sa inyong taliwala kanang tawong daotan.”

Mga Taga-Galacia 2:15

Kami nga nangatawo nga mga Judio ug dili mga makasasala nga Gentil,

Mga Taga-Efeso 2:3

Kauban nila, kitang tanan nagkinabuhi kaniadto diha sa mga pangibog sa atong unod, mga masinugtanon sa mga pangandoy sa unod ug sa hunahuna, ug busa sa kinaiya mga anak kita sa kaligutgot sama sa uban.

1 Pedro 5:5

Kamo usab nga mga batan-on, pagmasinugtanon kamo sa mga kadagkoan. Ug kamong tanan, pagsul-ob sa pagkamapaubsanon ngadto sa usa ug usa, kay “Ang Dios mobatok sa mga mapahitas-on, apan sa mga mapaubsanon siya maghatag ug grasya.”

3 Juan 1:10

Busa kon moanha ako, hinumdoman ra unya nako ang iyang mga buhat, sa iyang pagtabi ug daotang mga pulong batok kanamo. Ug wala pa gayod matagbaw niini, siya nagdumili sa pagdawat sa mga igsoon, ug iyang gisanta ang mga buot untang modawat kanila ug gipapahawa sila gikan sa iglesia.

3 Juan 1:9

May gisulat ako nganha sa iglesia, apan si Diotrefes nga buot gayod nga molabaw sa tanan wala moabiabi kanamo.

Gipadayag 13:17

ug tungod niini walay si bisan kinsa nga makapamalit o makapamaligya gawas niadtong adunay patik, nga mao ang ngalan sa bangis nga mananap o ang numero sa iyang ngalan.