Juan 9:31

Ang Biblia 2011

Nahibalo kita nga ang Dios dili mamati sa mga makasasala, apan kon ang usa ka tawo mahadlokon sa Dios ug nagtuman sa iyang kabubut-on, ang Dios mamati kaniya.

Cross References

Genesis 19:29

Ug mao kadto nga sa dihang gilaglag sa Dios ang mga siyudad sa walog, ang Dios nahinumdom kang Abraham ug gipagawas si Lot gikan sa taliwala sa kalaglagan, sa paglaglag niya sa mga siyudad nga gipuy-an ni Lot.

Genesis 20:7

Busa, karon, iuli ang babaye ngadto sa iyang bana kay siya usa ka propeta ug siya mag-ampo alang kanimo ug mabuhi ikaw. Ug kon dili nimo siya iuli, nasayod na ikaw nga mamatay gayod ikaw lakip ang tanang mga imo.”

Job 35:12

Didto sila nagsinggit apan wala siya motubag, tungod sa pagkamapahitas-on sa mga tawong daotan.

Job 35:13

Ang Dios dili gayod magpatalinghog sa mga singgit nga kawang lamang, o tagdon kini sa Labing Gamhanan.

Job 42:8

Busa karon, pagkuha ug pito ka torong baka ug pito ka karnero, ug adto kang Job nga akong alagad, ug paghalad kamo ug halad nga sunogon alang sa inyong kaugalingon. Ug ang akong alagad nga si Job mag-ampo alang kaninyo, kay akong dawaton ang iyang pag-ampo, nga dili ako magbuhat alang kaninyo sumala sa inyong binuang, kay kamo wala magsulti sa matarong mahitungod kanako, ingon kang Job.”

Salmo 106:23

Busa siya miingon nga laglagon niya sila— kon si Moises nga iyang pinili wala pa motindog sa atubangan niya aron sa pagpugong sa iyang kapungot, aron dili sila malaglag.

Salmo 143:10

Tudloi ako sa pagbuhat sa imong kabubut-on, kay ikaw mao ang akong Dios! Himoa nga ang imong maayong Espiritu magtultol kanako sa patag nga agianan.

Salmo 145:19

Siya magtuman sa tinguha sa tanan nga may kahadlok kaniya, siya usab mamati sa ilang pagtuaw ug magluwas kanila.

Salmo 18:41

Nagpakitabang sila, apan walay si bisan kinsa nga nakaluwas kanila; mituaw sila ngadto sa Ginoo apan siya wala motubag kanila.

Salmo 40:8

ako nalipay sa pagbuhat sa imong kabubut-on, O akong Dios; ang imong balaod ania sulod sa akong kasingkasing.”

Salmo 99:6

Si Moises ug si Aaron iyang mga pari, si Samuel lakip kanila nga nagsangpit sa iyang ngalan. Nagsangpit sila sa Ginoo, ug siya mitubag kanila.

Mga Panultihon 15:29

Ang Ginoo layo sa mga daotan, apan mamati siya sa pag-ampo sa mga matarong.

Mga Panultihon 21:13

Siya na nagsampong sa iyang mga dalunggan sa pagpakitabang sa kabos, magpakitabang usab apan dili pamation.

Mga Panultihon 28:9

Kon ang usa ka tawo maglingiw sa iyang dalunggan gikan sa pagpamati sa Balaod bisan ang iyang pag-ampo dulumtanan.

Isaias 1:15

Sa diha nga bayawon ninyo ang inyong mga kamot, tagoon nako ang akong mga mata gikan kaninyo; bisan ug maghimo pa kamo ug daghang mga pag-ampo, dili ako mamati; ang inyong mga kamot puno sa dugo.

Isaias 58:9

Unya ikaw motawag ug ang Ginoo motubag; ikaw motuaw ug siya moingon, Ania ako. “Kon imong kuhaon gikan sa imong taliwala ang yugo, ang pagtulisok sa tudlo ug ang pagsulti ug ngil-ad,

Jeremias 11:11

Busa mao kini ang giingon sa Ginoo, nagpadala ako ug kadaotan ngadto kanila nga dili nila malikayan; bisan ug sila magpakitabang kanako, dili ako mamati kanila.

Jeremias 14:12

Bisan pa ug magpuasa sila, dili ako mamati sa ilang pagtuaw ug bisan pa ug maghalad sila ug halad nga sunogon ug halad nga pagkaon, dili ako modawat niini apan puohon nako sila pinaagi sa espada, pinaagi sa gutom ug pinaagi sa kamatay.”

Jeremias 15:1

Unya miingon ang Ginoo kanako, “Bisan pa ug si Moises ug si Samuel mitindog sa akong atubangan, ang akong kasingkasing dili gayod molingi niini nga katawhan. Papahawaa sila gikan sa akong panan-aw ug palakta sila!

Ezequiel 8:18

Busa magbuhat ako diha sa kasuko. Ang akong mata dili maglaktaw o ako maluoy, ug bisag magtuaw sila sa akong mga igdulungog uban ang usa ka dakong tingog, dili ako mamati kanila.”

Miqueas 3:4

Unya sila magtuaw sa Ginoo, apan siya dili motubag kanila; magtago siya sa iyang nawong gikan kanila nianang panahona, tungod kay gihimo nila nga daotan ang ilang mga buhat.

Zacarias 7:13

“Ingon nga ako nagtawag ug sila wala mamati, mao usab nga sila nagtawag ug ako dili mamati, nag-ingon ang Ginoo sa mga panon,

Juan 11:22

Hinuon nahibalo ako nga bisan karon ang tanan nga imong pangayoon sa Dios, kini ihatag kanimo sa Dios.”

Juan 15:16

Kamo wala magpili kanako apan ako ang nagpili kaninyo ug nagtahas kaninyo aron manglakaw kamo ug mamunga ug bunga nga molungtad, aron nga ang bisan unsa nga inyong pangayoon gikan sa Amahan pinaagi sa akong ngalan, ihatag kaninyo.

Juan 4:34

Si Jesus miingon kanila, “Ang akong pagkaon mao ang pagbuhat sa kabubut-on sa nagpadala kanako ug ang pagtapos sa iyang buluhaton.

Juan 7:17

Kon buot ni bisan kinsa ang pagbuhat sa kabubut-on sa Dios, kinahanglang mahibaloan niya kon ang gitudlo gikan ba sa Dios o nagsulti ba lamang ako gikan sa akong kaugalingon.

Juan 9:30

Ang tawo mitubag nga nag-ingon, “Kahibulongan gayod kaayo kini! Wala kamo masayod kon diin siya gikan, apan gipabuka niya ang akong mga mata.

Juan 9:32

Sukad sa sinugdan sa kalibotan, wala pa gayod madungog nga dihay nakapabuka sa mga mata sa usa ka tawong nahimugso nga buta.

Deuteronomio 1:45

Ug mibalik kamo ug mihilak sa atubangan sa Ginoo apan ang Ginoo wala magpatalinghog sa inyong tingog o mamati kaninyo.

Mga Hebreo 10:7

Unya miingon ako, ‘Tan-awa, ako mianhi sa pagtuman sa imong kabubut-on, O Dios,’ sumala sa nasulat mahitungod kanako diha sa basahon.”