Juan 9:30

Ang Biblia 2011

Ang tawo mitubag nga nag-ingon, “Kahibulongan gayod kaayo kini! Wala kamo masayod kon diin siya gikan, apan gipabuka niya ang akong mga mata.

Cross References

Salmo 119:18

Pabukha ang akong mga mata aron makatan-aw ako sa mga katingalahang butang gikan sa imong Balaod.

Isaias 29:14

busa, tan-awa, ako magbuhat pag-usab ug mga katingalahan nga buhat sa taliwala niining katawhan, katingalahan ug kahibulongan; ug ang kaalam sa ilang maalamon nga mga tawo mahanaw, ug ang pagsabot sa ilang mga tawo nga hait ug salabotan tagoan.”

Isaias 29:18

Nianang adlawa ang bungol makadungog sa mga pulong sa basahon, ug gikan sa kadulom ug gikan sa kangitngit. ang mga mata sa buta makakita.

Isaias 35:5

Unya ang mga mata sa mga buta mangabuka, ug ang mga dalunggan sa mga bungol makadungog;

Mateo 11:5

ang mga buta makakita na ug ang mga bakol makalakaw na ug ang mga sanlahon nahinloan ug ang mga bungol makabati na ug ang mga patay gipamanhaw ug ang mga kabos giwalihan sa Maayong Balita.

Mateo 21:42

Unya si Jesus miingon kanila, “Wala ba kamo makabasa niini diha sa kasulatan, ‘Ang bato nga gisalikway sa mga tigtukod nahimong ulohang bato nga patukoranan; buhat kini sa Ginoo ug makapahibulong gayod kini sa atong mga mata’?

Marcos 6:6

Ug nahibulong siya tungod sa ilang pagkawalay pagtuo. Ug miadto siya libot sa mga kabalangayan ug nanudlo.

Lucas 7:22

Unya mitubag siya kanila, “Lakaw ug suginli ninyo si Juan sa inyong nakita ug nadungog: ang mga buta nakakita, ang mga bakol nakalakaw, ang mga sanlahon nahinlo, ang mga bungol nakabati na, ang mga patay gibanhaw ug ang mga kabos gisangyawan na sa Maayong Balita.

Juan 12:37

Bisan tuod ug daghan ang mga milagro nga iyang nahimo sa ilang atubangan, wala sila motuo kaniya

Juan 3:10

Ug si Jesus mitubag kaniya, “Magtutudlo ikaw sa Israel, wala ba ikaw makasabot niini?

Juan 9:29

Kami nasayod nga ang Dios nakigsulti kang Moises, apan bahin niining tawhana, wala kami mahibalo kon diin kini siya gikan.”

Juan 9:31

Nahibalo kita nga ang Dios dili mamati sa mga makasasala, apan kon ang usa ka tawo mahadlokon sa Dios ug nagtuman sa iyang kabubut-on, ang Dios mamati kaniya.

2 Mga Taga-Corinto 4:6

Kay ang Dios nga nag-ingon, “Gikan sa kangitngit mosidlak ang kahayag,” mao ang nagsidlak dinhi sa among mga kasingkasing aron paghatag sa kahayag sa kahibalo sa himaya sa Dios diha sa nawong ni Jesu-Cristo.