Juan 9:3

Ang Biblia 2011

Si Jesus mitubag, “Dili kay nakasala siya, o ang iyang mga ginikanan, kondili aron nga ang mga buhat sa Dios ikapadayag diha kaniya.

Cross References

Job 21:27

“Tan-awa, ako nasayod sa inyong mga hunahuna, ug sa inyong mga laraw aron sa pagdaot kanako.

Job 32:3

Nasuko usab siya sa tulo ka higala ni Job tungod kay wala sila makakita ug tubag, bisan ug napadayag nila nga si Job anaa sa kasaypanan.

Job 42:7

Human ang Ginoo makasulti niini ngadto kang Job, ang Ginoo miingon kang Elipas nga Temanhanon, “Ang akong kasuko nadagkotan batok kanimo ug sa duha nimo ka higala, kay kamo wala magsulti sa matarong mahitungod kanako, ingon kang Job.

Mateo 11:5

ang mga buta makakita na ug ang mga bakol makalakaw na ug ang mga sanlahon nahinloan ug ang mga bungol makabati na ug ang mga patay gipamanhaw ug ang mga kabos giwalihan sa Maayong Balita.

Juan 11:4

Apan sa pagkadungog niini ni Jesus, siya miingon, “Kining sakita dili ikamatay, kondili alang kini sa himaya sa Dios, aron ang Anak sa Dios himayaon pinaagi niini.”

Juan 11:40

Si Jesus mitubag kaniya, “Wala ba ako mag-ingon kanimo nga kon motuo ikaw makita nimo ang himaya sa Dios?”

Mga Buhat 28:4

Sa pagkakita sa mga lumad sa bitin nga nagbitay sa iyang kamot, sila miingon sa usa ug usa, “Sa walay duhaduha kining tawhana mamumuno. Ug bisan tuod nakalingkawas siya gikan sa dagat, ang hustisya wala motugot nga mabuhi siya.”

Mga Buhat 4:21

Ug sa nahimo nila ang dugang pa nga pagpanghadlok kanila, sila gibuhian nila nga wala makakita ug paagi sa pagsilot kanila tungod sa katawhan, kay ang tanang tawo nagdayeg man sa Dios tungod sa nahitabo.

1 Juan 4:16

Kita nahibalo ug nagtuo sa gugma nga gibatonan sa Dios alang kanato. Ang Dios gugma ug ang nagpabilin sa gugma nagpabilin sa Dios ug ang Dios nagpabilin diha kaniya.

1 Juan 4:9

Ang gugma sa Dios gipadayag dinhi kanato pinaagi niini, nga gipadala sa Dios ang iyang bugtong Anak nganhi sa kalibotan aron kita mabuhi pinaagi kaniya.